Escape In A Cold City [Baguio Series #3]

Chapter 30

Hello Roses, you've already reach the last chapter. Thank you for escaping with Desiree.

Chapter 30

Para akong tangang naiwan pagkatapos niyang sagutin ang tawag. Hindi ko alam kung tungkol saan at kung bakit ganon nalang ang pagpapanic niya habang nagmamadaling lumabas ng unit. He quickly kissed me on my forehead before he ran away. At least, he never forget that.

Naghintay ako sa kaniya hanggang mag gabi pero hindi siya bumalik sa unit niya. Wala rin akong nareceive na kahit anong message sakaniya kahit na minemessage ko siya kung anong nangyari. That must be important. Hindi naman niya ako kinakalimutan na i-update sa nangyayari, baka naging busy lang talaga siya.

Napasinghap ako tiyaka nagdesisyon na lumipat sa kabilang unit-sa unit ko. Kinuha ko ang mga libro at ilang gamit ko para doon nalang mag-aral. Naligo muna ako bago nagpatuloy sa pagrereview. Pero nadidistract ako dahil tingin ako nang tingin sa cellphone ko kung may message na ba si Joaquin, pero katulad kanina-bigo kong binitawan ang cellphone ko.

Kinabukasan, ako na ang nagmaneho papuntang review center dahil mukhang wala pa rin si Joaquin. At gustong-gusto ko ng pumasok para matanong ko si Joshmer.

"Sina Joshmer?" Agad na tanong ko kina Tascia. Tumaas ang kilay ni Tascia sa tanong ko tiyaka tuningin sa paligid niya.

"Wala pa sila, gorl? Bakit may nangyari ba?" Nagtatakang tanong niya kaya nakuha rin namin ang atensiyon ni Tofer sa tabi niya.

Kinuwento ko ang nangyari kahapon kay Tascia, tahimik lang siyang nakikinig sa akin. Hanggang sa matapos ang kuwento ko ay walang Dianna o Joshmer na pumasok sa room. Nagsimula na rin ang review namin nang wala ang dalawa.

I guess there's really something wrong.

Lumipas ang mga araw, Friday na ngayon at ngayon lang pumasok ulit sina Joshmer. Mukhang pagod na pagod si Joshmer kaya nagdalawang isip akong lapitan siya para tanungin. Dianna weakly smiled at me so I do the same. Hindi sila tumabi sa amin kaya alam kong iniiwasan ni Joshmer na magtanong ako tungkol kay Joaquin.

Hanggang ngayon ay walang message sa akin si Joaquin, hindi ko nga alam kung pumapasok pa ba siya sa review center nila. Hindi ko rin matanong si Ryden dahil nahihiya ako, sa palagay ko ay may nangyayari sa pamilya nila. Lalo na at mukhang pagod si Joshmer kahit ilang araw silang hindi pumasok.

"Ano ba iyan! Ang baho mo naman!" Singhal ko kay Tofer, nandito kami ngayon sa SM Baguio para mag dinner. December na pero wala pa ring paramdam si Joaquin, ramdan ko rin ang pag-iwas ni Joshmer sa topic kung saan magtatanong ako tungkol sa pinsan niya.

"Anong mabaho? Ang gara nga ng amoy ko eh!" Sinighot pa niya ang amoy niya para kumpirmahin ang sinabi ko. Tinakpan ko nalang ang ilong ko, mabuti nalang talaga may sarili na akong kotse kung hindi maamoy ko pa siya sa sasakyan.

"Mabango naman siya?" Nagtatakang tanong ni Tascia pagkatapos amuyin ang boyfriend niya. Napangiwi ako dahil don pero dumeretso lang ako sa Ramen House.

"Oh? Akala ko ba gusto mo mag McDo?" Nagtatakang tanong ni Tascia pero nakasunod pa rin silang dalawa sa akin.

"Bakit? Bawal magbago ng desisyon?" Nagtatakang tanong ko sa kanya tiyaka umupo.

I suddenly crave for Korean food. Wala rin magawa ang magjowang kasama ko kung hindi pagbigyan ako. Nang matapos kaming kumain ay umuwi na rin kami.

Gumising akong masakit ang pakiramdam. Kaagad akong dumeretso sa CR para magsuka, sumasakit na rin ang ulo ko. Ang sakit na ng sikmura ko dahil wala na akong maisuka pero duwal pa rin ako ng duwal. Halos maiyak ako sa sakit na nararamdaman ko ngayon.