" تزوجت طفله " (البارت 4)
الكاتبه لومي درناويه 🖤💕
.
تنام وهي مبتسمة
كطفلة في يدها دمية وعلبة حلوى💜
.
ثاني يوم الساعه9صبح
طلعت غيداء من دارها ومعاها شنطتها وحطتهاا ع باب الحوش وخشت للكوجينه
وشافت ام وسام دير ف فطور وجتها من قريب وباست خدها وابتسمت : صباح الخيرر
ام وسام: صباح النور ي احلااا غيداء ... قعمزي افطري اهوو فطور واتي
غيداء قعمزت ع طوله: اووو الفطووور لذيذ هههههه ونا جيعاانه موووت
ام وسام وهكي تضحك: هههههه حته نا جيعانه اكثرر منك وتوا ناكلوو مع بعضنااا
كلن مع بعضهن وحكت غيداء للام وسام انهاا تبي تمشي
ام وسام ماقلت شي غير: تمام بنتي عانك من روحك
غيداء ابتسمت وغسلت مواعين وطلعت
عند وسام ركب طياره وهو يبي 3ساعات عشن يوصل وهو متأمل ان امه توا توقف غيداء
الساعه 12 ظهرا
وصلت غيداء حوش هلهاا وطقت الباب
واهل غيداء مشش عارفين عليهاا حاجه ولا عارفين انهاا حامل وشن صاير معاها قاطعين علاقتهم بيهاا 💔
اب غيداء فتح باب: ...
غيداء حضنت بوهااا
اب غيداء: كيق حالك وشن اخبار راجلك؟
غيداء : بخير الحمدلله
اب غيداء شاف شطنت غيداء : شن قصة شنطه هذي ي غيداء
غيداء : نا نبي نقعد عندكم .. قررت ننفصل عن وسام
اب غيداء عصب : مجنونه انتي طلاق شنوو ي درويشه ... تبي تشهوي سمعتي قدام ناااس عدي روحي للحوش راجلك توااا وفيكنااا من فضااايح
وخش للحوش وسكر باب ف وج غيداء بقوو
غيداء انصدمت من بوها ونهارت بكاااء ...
غيداء تبكي: واين بنمشي ناا تواا
مسكت شطنتها وقعدت تمشي ف شارع وتبكي وهيي ماشفات سياره يالي جياته بسرررعه وهي اصلاا غير واعيه ف عالم ثاني
وهي مشش منتبه للسياره وهي تقطع ف طريق ...
بعد يومين في المشفى
وعيت غيداء من الغيبوبه شافت للغرفه يالي هي فيهاا وشافت ممرضه
غيداء تحكي بصعووبه: واين نااا
جتها ممرضه بسرعه لما سمعت صوت غيداء: انتي ف مشفى توا لكي يومين من يوم حادث سياره
غيداء: حادث شنوو ( وحطت يدهاا ع بطنهاا وتقول: ولدي شن صار فيه
ممرضه: انتي ماطيحتيه لكن وضع حملك مشش تمام انا ماشيه نكلم دكتور عشن يفحصك مش مطوله عليكي
غيداء نزلت دموعهاا وهي تدعي ان يتسحن وضع الجنين عشن ماتملكش غيره
جا دكتور ومعاه ممرضه: انتي توا تحسي بألم
غيداء: انا تمام بسس نحس بدوخه
دكتور: حمدلله ع سلامتك حادث يالي صار تاثر ع راسك وصار عندك نززيف ف راسك بس حمدلله سيطرناا ع وضع وانتيي توا بخيير حمدلله وخشيتي غيبوبه وعندك شوي رضوض ع كتفك اليسار والتواء ف كراعك وحملك بعد ايام نعرف اذا يستمر او لا
غيداء: حمدلله ع كل حال
دكتور كان ف يده ملف غيداء ويسجل ف ملاحظات ورفع راسه : عطيني رقم هلك عشن نقوللهم انك هنا واكيد هم توا خايفين عليكي ويدورو فيكي
غيداء تذكرت انهاا نسيت تلفونهاا ف حوش وسام وكانت تبي تحكي للدكتور ان اهلها ورجلهاا السبب ف يالي صار معاها: منعرفش ارقامهم
دكتور: بهي واين تسكني عشن لما يكمل دوامي حنمشيلهم ونحكيلهم عليكي عشن يطمنوو
غيداء: لا شكراا مانبيش حد جنبي
قبل يومين
عند وسام ( يوم خروج غيداء من الحوش )
وصل وسام للحوش ودق باب وفتحت امه
خش وسام وحضن امه : ريفتلك ياامي .. كيف حالك ؟
ام وسام : وحته نا ريفتلك ياقلبي .. انا بخير وانت شن اخبار سفرك
وسام : الحمدلله كملت شغلي ع سريع واهوو روحت ...
خش حوش وف يده الشنطه ويسئل امه : امي واين غيداء... راقده ولا وين
وقبل ما تجاوبه امه خش للدار نوم غيداء وع وجه ابتسامه وتفاجئ بأن غيداء مشش قاعده
سأل امه بعصبيه : واااين غيداء ي امي
ام وسام : انعم طلعت
وسام عصب :وكنك ما مسكتيهااا
ام وسام : كيف نمسكهاا وهي خذت قرارعا .. وانت اصلاا متحبهااش
وسام ساكت : ........
وبعد سكوت خمس دقايق .. طلع وسام للحوش اهل غيداء عشن يحكي معاها ويقنعهاا انها تروح معاه.....#يتبع🥺❤️
أنت تقرأ
رواية تزوجت طفله ( روايات لومي الدرناويه)
General Fictionقصة شاب يتزوج بنت ف العمر 16 ويعيش معاها مغامرات وقصص وهي لا تعرف تطبخ ولا تتحمل مسؤليه الحوش وهل يستمر زواجهم او لا 🌸💕
