السلام عليكم
بقايا انسان
للكاتب علي جاكي ⚘⚘⚘
بقايا انسان
رحمن : طريق لبغداد طويل باوعت ورة شفت الجهال وفاطمه وياهم الغراض مالتنه
باوعت للسايق رجعت راسي غمضت اعيوني وتذكرت عرس ريسان ........
ريسان : هههههههههههاي وخذتهاااااا خذتها طبعا انه ردت وحدة بس مصارت الله يذكرها بالخير......
ذاك اليوم رحت لبيت عمي جاي امشي وشفت وحدة من بعيد شايلة مي بتنكه ( فخاريه )صارت قريبه عليه وعثرت 🤦♂️
التنكه اجت براسي وفشختني هههههه انه كبل صحت اخخخخ البنيه تعثرت بيه ووكعنه ثنينه بالكاع
كالت خويه اعذرني كتلها لا خويه معذورة هم فشختيني وهم طشرتيني بالكاع ومي وطين ادري شكبرني شكدني مشفتيني ؟
لو انتي حولة
اجيتي اتجطين بالشط جطيتي عليه
كالت خويه على كيفك خير خير المي
كتلها امنت بالله يطشر بالكاع خير بس مو تجيبيلج فخارة تفشكيها براسي ودم ومي وصرت حالي يصعب على الكافر وتكولين خير
ضحكت وكامت كالت اتاخرت اروح
مشت وانه هم مشيت هية تمشي وانه وراها وكفت كالت خويه عيب عليك عرض العالم غالي مثل عرضك
كتلها شسالفه بويه عبالج لاحكج؟ ترة هذا بيت عمي
اشرتلها بصبعي باوعت على مكان مااشرت
اندارت عليه وحجت بستغراب انت منين
كتلها انه من العراق ....
كالت يخوي لتتعبني هذا بيتنه انت منين
كتلها بيتج!!!!!!!؟
انتي منهي
كالت انه ايات بت جمال
كتلها جمالللل عمي!!!!!
كالت رحمن!!!!!!
كتلها لا ريسان
كالت ياااااااااا ولا عرفتك جنت زعطوط وتجينه وانه اتولاك بالعصه وانته تبجي ومرة ووكعتك بالبستان وكسرت خشمك
وانه بقلبي اكول طيح الله حضج مو مرة جنج عتوي مفدعس
كتلها اي تذكرت😒الله يذكرج بالخير جنتي ولا تنجرعين وشابعه كتل
ضحكت وكالت هلة بابن العم
ههههه كتلها لتغلسين جنتي شابعه كتل🤣
😒كالت هلة بابن العم
كتلها بالمهلي ياب
طبينه للبيت راحت هية فتحت الباب المضيف طبيت لعمي جن طبيت على ابوي اجه حضني وكال هلة بريحه الغالي كتلة عمي هلة بريحه هلي بالمهلي يابويه شلونك وكعدنه كال شلونك كتلة والله الحمد لله كال مو سمعنه خطبت كتلة لا عمي صدفت احجايه ومصارت بس ماواصلة لخطبه
كال اي ابشر شوكت تعرس كتلة من الكه بت الحلال كال افة ياب بت الحلال تعتنيلك غالي بنات عمك موجودات كتلة عمي متقصر
كال شني متقصر عازمك انه ؟ انه جاي اكلك كبع واخذ
كتلة عمي انه اريد ايات ضحك كال ملكيت غير الجانت شابعتك كتل ههههه كتلة عمي شسالفه جنه زغار كال يجرالك وطلعت العصر من عمي وانه حاجز وحدة من بناته ههههههه وانه جنت جاي خطار طلعت بمرة
واتفقنه كلشي صار تمام
عرسي مطول حاله حال اي عرس انقام بالاربعينات مجرد عقد سيد وانتهت
مو مثل ايامكم العرس اله اشهر ويجوز بعد اسنين ايصير اله سنين
YOU ARE READING
بقايا انسان
General Fictionرجل في السبعينيات يروي حكايته في كل ماحصل له من بدايات جده للان
