الـبـارت التاسع عشر
رواية…ليتني لم ألد
#بقلمي_زمـࢪد الـࢪبـيـعـي
~~~~~~~~~~~~~~~~~~~~~~~~~~~~~~~~~
يضيق الكون في عيني واشوفك في خيالي كـون
~~~~~~~~~
قراءه ممتعه ،
ازل : تهسترت من شفت ماما هيج ما ادري شبيها اجتي اسماء تركض
اسماء : نطيني مي ازل خلي اغسل وجها بلكت تصحى
ازل : شبيج تبجين شكو شصار
اسماء : جدو مات
ازل :شنوو تشاقين البارحه اخذنا للدكتور
اسماء : مو وكت هلكلام هسه كومي خلي نروح لبيت جدو
ازل : اجى بابا اخذ ماما بس جانت منتهيه كلنا نصدمنا بالخبر واثر بينا لان جدو جان حنين علينا حيل لبسنا اسود ورحنا لبيت جدو وتلكتنا بيبي
بيبي:ولج يمه تعالي حظج شكد منحوس بعده مصار زواجج مات جدج يبوو ع حظي
ازل : بيبي مو وكت هلكلام والي مات ترى مو قليل ومصارله ساعات
بيبي : اني شنو حاجيه عبالي نزوجج ونفرح بيج تاليج راح تبقين ع اهلج
ازل : بربجن شنو احجي وياها فضحتنا
اسماء : تركيها خلي تحجي بكيفها شنسويلها يعني عبالك عندها عرس مو فاتحه ولا جن الميت رجلها
ورود : لا لج خطيه شوفي دتبجي
اسماء : صدكتي بدموع التماسيح انتي هسه شويه وتدور اكل
ازل : البيت كان ضجه وهوسه وخصوصاً خالاتي كلها مجموعه والجيران ورى ساعات من اخذو للمستشفئ جابو الجنازه علمود التتشييع
حسن : ازل جيبي بطانيه بسرعه من جوى
ازل : بيبي يردون بطانيه يخلوها تابوت
بيبي : منيلي بطانيات خلي يخلونن اي شي ما انطي
ازل : صدك تحجين انتي والله فلا تستحين ادري المات رجلج حسي يا مره حسي ترى هيه بطانيه مو روحج راح اخذها
بيبي : اي البطانيات جديده ما انطي
ازل : عصبتني كلش ومردت اسوي عركه جريت جيس مال بطانيه وطلعت بقت تعد وتصف ورايه اجى ابن عمي سجاد وجان عصبي كلش
حسن : خير سجاد وين داخل وجوى نسوان
سجاد : حسن ترى المات مثل ميصير جدك يصير خالي لتنسى امي تصير اخته وهاي مرته مراح تتقي داخل اجيب فلوس الدفنه منها واطلع
حسن : تركها يمعود احنا ندفع راح تتعارك وياك
ازل : دخل سجاد ع بيبي للغرفه…
سجاد : خاله نطيني فلوس الدفنه مال خالي
بيبي : اي خلي احسبهن اوكف يمه
أنت تقرأ
ليتني لم ألد
Mystery / Thrillerكفى حزنً قلبي اكتفى كفى المً من كأس الشجن قلبي ارتوى عن السعادة سرت باحثة في الطرقات قلبي انكسر قد مات متى سيكون طوق النجاة روحي محملة بالاهات في قلبي اكتم الكثير من العبرات والحسرات فروحي المعتمة لن ينيرها الا ذلك الذي قد اطفئ انارتها .... #ليتني ل...
