نضت الصباح لبست حوايجي ودرت ميكب خفيف قلت نخرج شوي نحي على خاطري بلاك ننسى
حتى حبستني مرت بابا
سعاد: الحسين ماشي لازم تشاور خطيبها وين راهي خارجة وحدها هكا
بابا: وي عندك الحق، شهد سقسي خطيبك وراكي تخرجي
طلعت نحيت حوايجي ولبست بيجامتي وشعلت التيلي نتفرج
شوي هكا صونا تلفوني
شهد: الو
ياسين: واش درتي فيها
شهد: ماشي قتلك بلي مش راح نقول؟
ياسين: راني حذرتك تندمي ندامة عمرك
شهد: اخطيني
وكوبيت عليه..
شوي هكا عيطتلي صحبتي لانتيم زهرة
زهرة: ها حبي وش كاش جديد
حكيتلها واش صرا كامل قاتلي ماديريش فراسك وازهاي وانساي وخلاص
نضت وجدت غدايا بيسك ماناكلش ماكلة مرت بابا
تغديت وبقيت نقصر مع زهرة حتى رقدت
فالليل جوايه 9 نضت نسمع في الحس لتحت
بابا: راهي راقدة ضك تنوضها سعاد
ياسين: معليش عمو
..
طلعتلي سعاد قاتلي هيا وجدي روحك خطيبك مخرجك
شهد: قولو مانيش حابة
سعاد: هيا خيرمن نجيب باباك يبهدلك
لبست غوب حمرا خفيفة تاع صيف مع صندالة نواغ بالطالون وشعري طلقتو ودرت ميكب خفيف وهبطت لعندو..
