Nililibre mo ba ang boyfriend mo sa carinderia na pag-aari ng tiyahin mong Dragona? Halos ibinigay na ang lahat pero niloko pa din at ipinagpalit sa mismong 2nd Anniversary niyo ng boyfriend mong mukhang kuko sa talampakan? Kung hindi.
Lakompake. Pero kung oo ang sagot mo, edi alam mo at ramdam mo ang pakiramdam ngayon ni Jennifer Ariesa Dimakatarungan, Jenny for short?
Madakdak, bungangera, palatanong, pilosopa (Kasi babae daw siya kaya pilosopa. Choosy!), mahadera, at no boobs since birth. 'Yan ang mga the best adjectives para ilarawan si Jenny.
Isang ordinaryong babae na minahal si Rolando Berto Judas, ang Judas niyang ex na nanloko sa kanya. Kapal talaga ng pagmumukha ng walangya.
Dahil sa kabutihan ng kanyang puso may nakita siyang luma at kaderder na arinola na mukhang pag-aari ng matandang nan-drink and run sa kanya.
Dahil mahadera siya nilinis niya ito at may na-diskubreng magic sa luma at kaderder na arinola.No. Hindi treasure. Kundi may isang gwapo, matipuno, may v-line, at sexy na genie pala ang arinola.
Samahan si Jenny sa pakikibaka (chos!) sa pag diskubre ng kanyang buhay kasama ang masungit, moody, manlalait, pero gwapo niyang Genie.
