ريما بعدما فكرت وقررت احجي ويه محمد الي كالته علية نارين فمرت أيام اني كاعدة انضف بيت ما احس إلى اندك باب رحت كبل فتحت باب لكيته محمد كال
محمد شبيج هيج صافنه وخري خلي اطب
ريما اي طب عندي وياك موضوع
محمد كولي شنو موضوعج؟
ريما شوف محمد انت هسة عايش ويه مرتك ومرتاح بس اني ممرتاحه لان اذا بقيت وياك يجوز احبل منك
محمد شنووو خو ما حامل انتي
ريما لا تخاف مو حامل بس يجوز احبل منك و كولشي يصير فطلكني احسلك
محمد بس اني ما متقرب عليج شون تحبلين مني
ريما نفرض حبلت منك شتسوي
محمد اكسر راسج غيير
ريما لعد طلكني و عيش ويه مرتك هذيج
محمد ما اطلكج
ريما لعد هيجج راح احبل اذا ما طلكني
محمد اوكفي لحد باجر اخذ قرار أبوي اذا قبل اطلكج اطلكج ما قبل ما اطلكج
ريما جا انت تأخذ قرار ابوك يلا طلكني
محمد انجبي طبعا اخذ قرار أبوي
ريما أوك نشوف لحد باجر
طلع محمد واني ضليت افكر يعني معقوله ميقبل ابوه يطلكني لا لازم يطلكني ماريد ابقى يمه رحت للتلفوني اتصلت على نارين كتلها
الوو هلاو نونو شلونج
نارين هلاو ريمو اني تمام انتي شلونج شخبارج
ريما اني هم تمام بس اليوم اجه محمد
نارين شنوو اجه شكلالج خو ما سوالج شي
ريما لا مسوالي شي بس كتله الي انتي كلتي
نارين أي وشكال
ريما سولفتلها كولشي وكالت
نارين اووف يعني اله يأخذ رئي ابوه
ريما شسوي بس خايفه يرفض ابوه على طلاكنه
نارين شوفي اني عندي حل الج بس اني راح اروح احاجي ابوه
ريما شنوو تحاجينة
نارين أي احاجي بلكت يقبل و اذا ما قبل اهددة
ريما يااا شتهددينه من كل عقلج
نارين أي جان شعبالج تريديني اصير جبانه كدامه
ريما بس أخاف يكل لبابا
نارين لا ميكله اني اكله اذا كتله والله اسوي حياتكم جحيم
ريما خوش حل والله كفو
نارين كفو منج هسة يلا اني رايحه واذا احتاجيتيني اتصلي علية
ريما أوك باي
نارين باي
و سدت الخط واني ضليت فرحانه واخيررااا راح اخلص
نارين من سديت خط رحت لبست و حضرت روحي و رحت لبيت أهل محمد دكيت باب طلعت أخته اني كتلها
انتي ياسمين أخت محمد
ياسمين أي بس منو انتي
نارين اني أخت ريما ممكن تصيحيلي ابوج
ياسمين أوك بس لحضة
راحت صاحت ابو محمد نزل و كلي
ابو محمد تفضلي
نارين شوف ابو محمد ابنك لازم يطلك ريما لان بعد ما تتحمل تعيش يمه
ابو محمد بس ابني عايش ويه مرته ثانية
نارين ميهمني عايش معايش الي يهمني يطلك ريما لان كلساع يجي لشقتها يكتلها و يروح
ابو محمد وهسة شمطلوب
نارين الي مطلوب منك انو تخابر محمد و تكله طلك ريما و اذا ما خابرته و كتله اسوي حياتكم جحيم
ابو محمد منو انتي حته تحجين وياي هيج و تهددين
نارين اني غير بنات الي ضعيفات واذا ما خابرته كدامي اسويكم جحيم والله
ابو محمد لا اني راح اخابر ابوج واكله عليج
نارين اذا خابرته متلوم اله نفسك
ابو محمد احتتريمييي نفسججج
نارين رفعت صبعي بوجهة و كتله لا تصيح ترا اني كدامك بنيه و المفروض متصيح على البنيه
ابو محمد اشو انتي لسانج طويل على الي أكبر منج
نارين ما حاجية شي غلط اني و المفروض انت تحترمني مو اني
كبل اجه محمد شافني اني و ابوه و اجه كلي
محمد ولججج ليش تحجين وترفعين صوتج على أبوي هاااا
نارين ارفع صوتي و اخلي ناس تلتم عليكم وافضحكم
ابو محمد انجبيي لجج شنو تفضحينه شحدج
نارين مبين عليكم تخافون من فضايح بس شوفو شسوي بيكم
محمد والله اذا فضحتينه متلومين اله نفسج
نارين خلي هاذ تهديدك الك مو علية لان اني ما أخاف من تهديد
محمد وشكو جاية بيتنه شتردين ؟
نارين اريدك طلك ريما فوووراا
محمد اني اله اخذ قرار أبوي يلا اطلكها
نارين ديلا ابو محمد شنو رأيك واشرتله براسي بمعنى اي
ابو محمد طلكها
محمد ماشي يابه اطلكها باجر
نارين لا مو باجر هسة
محمد مو بكيفج
نارين لا بكيفي ونص وهسة كدامي تروح لشقه و تكلها اني طلكتج
محمد لاا مال ارووح
ابو محمد محمدد رووح طلكها يلاا
محمد ماشي يابه يصير خير
نارين يلا تعال اصعد بسيارتي
محمد عندي سيارة مشكور
نارين رحت لسيارتي و عفته يجي وراي رحت قبله لشقة ريما دكيت باب طلعت فتحت الي و طبيت جوة سولفتلها لحد ما اجة محمد
نارين يلا كلها
محمد انتي طالك طالك طالك
ريما الفرحه ما تنوصف شلون صارت على وجهي كبل حضنت نارين ضليت ابجي من كد ما فرحت و طلع محمد بقينه اني ونارين فرحانات عبالك راح ازوج مو اطلك فنارين كالت يلا حبيبتي حضري اغراضج حتى نروح باجر نرجع لامريكه اني من كد ما فرحت بطلاك محمد بعد بزايد فرحت من راح نسافر رحت كبل بدلت و حضرت اغراضي كلهن و رحت ويه نارين صعدنه سيارة و ساقت نارين طلعنه أغاني ضلينه نركص بسيارة و نضحك
لحد ما رحنه لبيت بابا دكينه باب طلع سيف ضايج و مقهور كلناله
نارين شبيك سيف ليش ضايج
سيف نارين بابا مات
نارين و ريما شنوووو شلون مات
سيف دعمه واحد ومات
ريما صبت دموعي من سمعت هيج خبر صح اني فرحانه بس من سمعت بموت بابا كولش انقهرت و بجيت
نارين ضليت بحالة صدمه و صافنه على سيف و ريما كامت تبجي واني بصدمه ماعرف شحجي أو شكول
ريما سييف احجي صدووك شصار لبابا
سيف داحجي صدوك متصدكيت تعاي شوفي ماما شنو حالتها هسة
ريما من سمعت على حالة ماما كبل دفعت سيف و رحت لماما و لكيتها على جرباية نايمه بس شصاير بيها مجلوطه رحت كبل لسيف كتلها احجييي شصاير شوكت مات بابا و يمتى انجلطت ماما
سيف هذاك أسبوع مات بابا و من ورة ماما انغمى عليها و صار بيها جلطة و هسة خالتي تداريها بس هسة مموجودة رايحه لبيتهم
ريما لاااا يا ربي شلون هيج صاار
نارين جنت واكفه مصدومه ما اهتميت بحجي سيف و ريما جنت اذكر بابا من يضلمنه و يكتلنه و يشبعنه كتل و ضيم واني زوجني من كشفني ويه ادم وكلي لعد انتي راح تزوجين و اني ماقبلت اله ادم و بالكوة يلا زوجني ادم و جنت اذكر ماما من جانت ادافع بابا و احنه لا و هواي شغلات جنت اذكر عن امي و ابوي لحد ما صحيت على روحي و رحت كبل لماما و شبكتها و كتلها مامااا كوومي ليش هيج صااار ماماااا لحد ما كامت من نوم و شافتنه اني و ريما و نزلت دموعها و كالت حجي مكطع
ندى نن ن ناارين د ديري ب بالج ع على خواتج و سيف
نارين اني اول مرة تنزل دموعي وابجي لان ممتعودة ابجي لان اني قويه بس ما تحملت بجيت على حضن ماما و كتلها ماما عفية لا تموتين والله ماكدر بدونج اسفه لان مرة صيحت عليج ماماا عفية كوومي بعدها شلت ايديها ما تتحرك و اكعدها ماكو اخر شي عرفناها ماتت و ضلينه نصيح و نبجي و ريما خابرت ريتا و ادم اجو للبيت ضلت ريتا تبجي و شبكت امي و اني فاقدة على حضن ماما و ابجي
بعد مرور سنه ريتا تزوجت تعرفت على واحد اسمه جاك بجامعه و تحقق طموحها و صارت مدربه بنادي و هسة هي مستقرة بامريكه و ريما كملت دراستها و صارت محامية و انخطبت واحد دكتور اسمه ريان هم بامريكه و سيف رجع لدراسته لان جان ميحب دراسه و كمل و خذة شهادة و صار مهندس بتركيا مسافر هو و تزوج وحدة تعرف عليها اسمها ترف واني و ادم مسافرين للالمانيا و صار عدنه ولد اسمه اركان و بنيه اسمها سالار و كولش فرحانين بحياتنه
و هاي انتهى قصتنه و تحقق طموحاتنه و كل شخص الة طموح يتحقق انشالله تعجبكم القصة انطوني رأيكم بتعليقات اذا عجبكم و صوتو القصة وانشالله انزل قصة جديدة حقيقية طبعا و ماراح اكول القصة المن بالاخير تعرفون المن و بس احبكم 😘❤️
مع تحياتي الكم❤️
