سُلطانة ملكي

البارت الثاني

بارت ال 2

اخخخ راسي خررررب بحظي..سمعت صوت الباب ورحت وكلت يمكن امي رجعو نسو الفلوس اكيد هاي هداوي ثولة..وفتحته...

وجان يصير بوجهي واحد يمممه يخبل..ابوي الحكلي امي الحكي..لاحظت نفسي مشرعة الباب واكفة بتراكي همزين حجابي على راسي...

عززززااااا وصخام لو محمد شافني لو ابوي انكتل عالجبهة...سديت الباب عالنص وصرت وراه...وسمعت صوته يكول اختي احنه جيرانكم الجدد ممكن شوية ماي....وسمعت صوت جبر يكوله تفضل اخويه...

اسمعه يكله هلا جبر هاي بيتكم..اسمعه جبر يكله علاء مو هيج..هلا بيك..هذا بيت عمي..خير مضيع شي...

وانه اشرد دخلت داخل هسة يصيح عنتره شلون فتحت الباب..ويكل لأبوي ماعرفه كبر اسم على مسمى...

لحظة هسة انه ليش خايفة محد بالبيت وفتحت الباب قابل مدخلته للبيت..سمعته صاح محمد ويدك باب الهول..ودخل ورحت لبست دشداشة من دشاديش امي عالسريع....

وشلون اضحك بدشداشة امي عريضة ولونها جوزي مزخرفة زخارف مدري شلونها..وزيجها زنجيل مدري ترضع امي ومادري شلها بالزنجيل بصدرها...

طلعتله اعدل بشالي..وكلي انتي فتحتي الباب كتله اي محد بالبيت...

جبر عاقد حواجبه:ومحد بالبيت تروحين تفتحين الباب لياهو جان..هذا اذا شفتج فتحتيله وعلي اشنقج بشيلتج الابستها

عصبت:وشنو شفتني انه وعلجي وكاعدة داكة سوالف وياه..وشنو يعني اندك الباب محد بالبيت فتحته....

ردت اكله انته شعليك اشو مسوي نفسك مسؤل عني..بس سكتت مو وكتها استفزه  بحدي بالبيت...بس قهرني حسسني كاعدة داكه سوالف وياه...

بس هذا جيرانه طلع يكطع سحت معت على جماله..وباوعت لجبر مايقل عنه بس ماحبه وييع...

جبر: هاي شلابسة جنج بيبيتي بهالدشداشة..وضحك..واشوف انه ضحكت على ضحكته...

صدك ضحكني:اي ضالة ماعندي ملابس رحت طلبت من بيبي دشداشة

جبر:افى تظلين بلا ملابس وانه موجود..غير اجيبلج السوك كله يمج

باوعت بنص عين:ترا رحت زايد جاي اشاقة..ومحد اكو بالبيت يعني بحدي يعني من فضلك

جبر:اي مادام محد اكو انه اكعد بالحديقة لمن يجون..سويلي جاي..وعافني وطلع..

هسة لو اطفر عليه اشنقه واموته وارتاح هم واحد يكلي ليش اكله بحدي بالبيت يريد يبقه هنا...ولو ابوي ومحمد يثقون بي ثقة عمياء....

سويتله جاي وانه ادردم..وادعي..يارب كون حصوة بالمرارة..كون ورم بالمعدة..كون سرطان الشفة...

ماتسوه عليه هل الجاي هههه خطية وضليت اضحك..وماتوب من الركص انه وحركاتي بالمطبخ وادندن ورايحة اركص...