الريم بين احضان الاسد(قيد التعديل )

البارت الاول

لا تستغرب العافوك
والما گالوا #شمعتاز ؟!

الجرايد والبشر بس بالبدايه #اعزاز .!!!
.
.
.
.
دخل شهم للمضيف وهو لازم طرف دشداشته بيدة ويصيح
الحك شيخ طه هاي حرمه ملفوفه بعباته ومشمورة يم الشجرة الي يم بستانه وانه ماتقربت عليها لان هي حرمه
الشيخ طه:شنهي هذا الي تكوله ي شهم معقولة! حرمه وداخله كاعي لازم وراها سالفه خلنه نشوفها شنهي موضوعها

وطلع الشيخ طه وياه اخوة الشيخ رضا والشيخ حسن ولدهم يركضون للبستان
ووصلو للبستان وشافو الحرمه كاعدة ومخليه ضهره الشجرة ومدنكه راسها علئ رجليها صاح الشيخ طه بصوته العالي كومي يبويه وعرفي عن نفسج وشنهو الي وصلج لكاعي وشنهو سالفتج
اول مارفعت راسها الكل انصدم من عيونها شكد حادات وجانت منكبه (مخليه لثام ع وجهه)
وكالت دخيلك يشيخ واني داخله عليك اني يتيمه وجايتك وادري بيك ماتردني
الشيخ طه:كومي ييوية نروح للديوان واشوف شنهي سالفتج
ريم: لا لا ماروح وياكم عفيه والله ماسويت شي البارحه بس نمت هنا والله كلشي ماخذت منكم
الشيخ طه: لاتخافين يبوية كومي وياي مارح نسويلج شي انتي بحمايتي اشوف شنهي سالفتج

راحت ريم وياهم وهي ملفلفه نفسها بالعبايه وترجف وكلبها من الخوف تحسه راح يطلع ..وبعدها وصلو الديوان ودخلو وكعد الشيخ طه وترأس الديوان وهي واكفه بباب الديوان وخايفه صاح عليها الشيخ ودخلت
الشيخ طه: بوية حسين انطيها خلي تشرب مي وتكعد
حسين: تأمر شيخنه
ريم: كام ولد اسمه حسين هيبه وشخصيه وكلش حلو ومرتب وابد مارفع عينه عليه انطاني مي وكالي اكعدي وراح رجع بمكانه ..شربت المي وكعدت
ريم:شيخ يصير نحجي اني وياك من رخصتك ونزلت راسها
الشيخ طه: فهم منها ان متريد تحجي كدام الناس وكاللها ابشري يبوية
شهم اخذها للبيت وكول للشيخه هاي دخيله الشيخ ويكول داريها واعتني بيها علما اخلص وارجع
شهم: تأمر شيخنه
راحت ريم وي شهم تمشي ومنزله راسها للكاع وتدعي كون هذولة الناس يحموها وما يأذوها
شهم: وينكم اهل البيت
اجت ام اسد: ها يمه شهم شبيك تصيح خيرك
شهم: هلا عمه هلا
هاي الحرمه دزها الشيخ ويكول هاي بحمايتي داروها واعتنو بيها علما ارجع

ام اسد: وينها يمه ...
تقدمت ريم. هلا بيج بنيتي هلا تعالي تفضلي

اجت نيران تركض هايمه هذا منهو الي يصيح ..وهي لابسه دشداشه لحد الركبه ولابسه الحجل والشعر مفتوح واصل لحد جوة من الخصر والعيون فوك ماهن كبار جارتهن بالكحل
ام اسد: هذا شهم الشيخ داز وياه هاي البنيه يكول دخيله دخلها وراح
نيران:هلابيها
ام اسد اخذت ريم دخلتها وكالت ل نيران
يمه نيران سدي الباب وتعالي
نيران: حاضر يمه
ام اسد دخلت ووياها ريم
ونيران اجت تريد تسد الباب وشافت هذاك الطول وعرض الاكتاف وشلون الدشداشه مفصله جسمه ولازم السبحه بيدة استغربت كالت معقولة هذا شهم بس عود اني ليش ماشايفته لسه الوحيد من ولد عمومتي؟ !

صار وكت اعرفكم علئ نفسي
اني شهم حسن ابن عم الشيخ اسد الله عمري 28سنه اني متخرج من التحليلات جنت ادرس ببغداد
طولي 170 هو واسد شركاء بشركه عمره 29سنه ملامحه عيون لون ارزق وشعر اشهب علئ اشكر وابيض كلش طالع علئ.......وفد يوم احنه جنه كاعدين بالديوان منتضرين جيه عضيدي وسندي الشيخ اسد الله ..طلعت اتمشه بالبستان مالتنه لان احنه عدنه كيعان وبساتين واني جاي امشي واشوفلك حرمه كاعدة ع الشجرة خفت منها وصحت عليها ماجاوبتني كلت اكيد ميته وشمروها ببساتينه حتئ يبلونه بيها رحت اركض لديوان وكلت لعمي الشيخ طه ورحنه للبنيه وطلعت دخيله لشيخ طه وتتوسل ععبالها راح نسويلها شي لان دخلت كيعانه المهم بعد الي صار امرني الشيخ اخذها للبيت واوصي عليها عمتي ام اسد اخذت الحرمه ووصلتها وصيت عميتي عليها وكتلها هاي دخيله الشيخ. واني احجي وي عمتي سمعت صوت نيران
شهم:هاي منهو الي هيج صوتها عالي اول مرة اسمع هذا الصوت لان ولاصوت وحدة من بنات عمومتي وهو يفكر دك تلفونه وطرد الافكار من راسه وجاوب على التلفون وهو يتوجه للديوان حتى يبشرهم بوصول الاسد
شهم:هلا ب ابو نمر حياك لله ابشر وين وصلت
اسد الله:بصوته الرجولي وهو يكول يحي اصلك ابن عمي انه وصلت للبساتين مالتنه وبضروف ال10دقايق اكون بالديوان
شهم:هلا و الله و اخير نورت ديرتنه اروح ابشر الشيخ بوصولك يلا في امان الله
اسد الله: في امان الله وحفظة
شهم: شخينه الشيخ اسد وصل بساتينه بضروف ال 10 دقايق و يكون بالديوان
الشيخ و الفرحه ترست وجهه:هلا ومرحب بالمهلي نورت الديرة
اولاد عمومتهم فرحو بوصول الاسد

و هنا خلص البارت الاول اتمنئ عجبكم

ولاتنسون التصويت وردات
في امان الله وحفضة

الكاتبة #شيخة