مشهد💖
كاعده بين جدران السجن واحس نفسي مخنوكه..... صارله اسبوع مختفي ومدز عليه..... حتى من اسال الشرطيات عنه ميقبلن يجاوبني ويكوللي اخباره
ركيت راسي عالحايط وسالت نفسي....... زين ليش اني جاي اشتاقله وليش عندي رغبه الشوفته ؟
معقوله حبيته..... لا.... اعتقد لان ماعندي احد غيره .... او لان ماعندي احد غيره يسال عليه ؟.... بس ليش هسه مختفي ؟ معقوله ضاج مني! لو بعد ميريد يشوفني؟
اووووف.... صرخت وضربت راسي خفيف بالحايط .....
واني جاي افكر واحلل براسي وجان تدخل الشرطيه علينه..... و تصيح باسمي
غراام عليي.....
اني سمعت اسمي لو كلبي فز.... كمتلهه بسرعه
هااا
تعاي نقيب حسام طالبج
يمممه.... من سمعت اسمه راد يغمه عليه من الفرح...... فدييت حساام اني
طلعت بسرعه وياها...... واخذتني الغرفته..... دكت الباب سمعت صوته من صاح.... ادخل..... اوووي من فدوه اروح الهالصوت هذا..... دكول كناري يزقزق مو صوت بشر
دخلنه وجان اشوفه كبالي..... كاعد عالمكتب مالته.... والجكاره بحلكه..... حسيت كلبي راد يطلع من مكانه ويروح يمه....
حسيت عالشرطيه ضربتله تحيه وهو اشرلهه تطلع.... طلعت واني عيوني رجعت اتعلكت بي.... بقيت صافنه واباوع التفاضيله..... شعره ،لبسه، نجماته ،جكارته، لو عطره الي واصلني واني بعد متر عنه
مااعرف شنو اللي خلاني احبه واتعلق بي..... بحيث بودي اكون دائما يمه...... واشتاقله اذا ابتعدت عنه
مع ان الحد الان ماشفت منه غير البرود..... وحتى هسه واني فرحانه وسارحه بتفاصيله...... هو بارد ويكلب باوراقه
مااعرف هذا الجليد البكلبه شوكت يذوب.... ويحس بنار كلبي الي يشتعل كل مايشوفه ♡
**********
صباحو قلبي..... كيف الاحوال
هذا مشهد من قصتي الجديده (عشق بين القضبان) قصه جدا جميله وحقيقيه❤ وراح ابلش بيهه عن قريب ان شاء الله
الى وقتها استودعكم الله 🦋🌹🦋
أحبكم
زهراء الميالي(ليليان احمد)💖
BINABASA MO ANG
عشق بين القضبان
Romanceقصه تتحدث عن مراهقه تتهم بجريمه ، لتجد نفسها خلف قضبان السجن ، ولا نصير لها سوى ساجنها ..لتبدأ حكايتها معه❤ #عشق بين القضبان قصه حقيقيه💖 للكاتبه:زهراء الميالي (ليليان احمد)💕
