الصقر الجريح (الجزء الثالث من سلسه عشق الانتقام )

الفصل السادس

بارك الله لكما وعليكما وجمع بينكما في خير وعلى خير كانت هذه اخر الكلمات وبعدها تعالت المباركه لهما إما هما فكانو مثل الإنسان الآلى
عنه فكان لا يصدق أيعقل أنها أصبحت ملكه عشق حياته أصبحت الآن زوجته شرعا وقانونا
عنها فقد كانت تشعر أنها في حلم وتطير فوق السحاب فهي أصبحت زوجته من لو كانت تعلم أن هذه الرحله ستسبب في زواجهم لفعلتها منذ فتره طويله
تقدم إليه يبارك له فحتضنه يوسف بشده فهو صديقه أما هي فتصمرت مكانها فهي كانت تبحث عنه في كل مكان
يوسف :اتاخرت ليه يا ماجد
ماجد :اسف والله بس كان عندي شغل كتير جدا وعقبال محجزت اول طياره وجبت
دارين وهي تقترب من جومانا :الفرصه جتلك يلا
جومانا وقد فهمت ما ترمي إليه والدتها فهزت رأسها بايجاب وذهبت خرج الي الحديقه ليدخن سيجاره
دكتور ماجد كان هذا صوتها حقا أم أنه يتوهم يعلم أنها قريبة يوسف ولكن منذ هذا اليوم وهو ابتعد تماما عن مكانها التفت اليها ورأها كانت جميله جدا فمن يمتلك تلك العينين وشعرها الذهبي ولا يكون ملكة جمال العالم
ماجد :ايوه في حاجه
جومانا وهي تقترب منه :ايوه في
ماجد :ايه عايزه تطرديني من هنا كمان
جومانا :لا بس انا يعني
ماجد :اه اه فهمت انتي عايزاني بقا اني اعتذرلك صح
جومانا :اديني فرصه اتكلم بقاااا
ماجد :اتفضلي
جومانا :انا اسفه
ماجد وهو يرفع حاجبه الأيسر:على
جومانا :على الي حصل يوم المستشفى
ماجد :تمام
جومانا :هو ايه الي تمام على فكره انا عمري معتذرت لاحد .
ماجد : تمام
جومانا بغيظ :على فكره انت رخم وبارد وانا بقا مش اسفه على دا  واتلفتت الي الداخل ثانية ضحك عليها وعلى طفولتها فقد اتصلت بيه دارين وعاصم وأخبره عما حدث هو تعمد بروده تلك ولكن قلبه كان يدق بعنف شديد سينخلع من بين ضلوعه وأقسم بداخله أن يكسر كبريائها لتصبح له ولكن لا ضرر من بعض الفلفل الحار !
كان يحتضن اخته بشده :الف مبروك ياروحي
دانا :خالد ممكن تقرصني
خالد :مالك في ايه
دانا :بقولك اقرصني
قرصها فتألمت قليلا ايدك تقيله في ايه
خالد : انتي الي قولتي
دانا :اصل انا مش مصدقه اني اتجوزته
خالد :ولا احنا كمان
وعد وهي تحتضن ذارع ليث :مش بيفكرك بحاجه
ليث بضحك :طبعااااا والله نفس الوقفه ونفس الخضه
وعد :وهتفضل احلى خضه في الدنيا
ليث وهو يقبل يديها :وحشتيني يا وعدي
وعد :وانت اكتر ياليثي
ناحية أخرى
ملك :شوفت والله لايقين على بعض اوي
سيف :ربنا يهنيهم يارب وربنا يقدر يوسف على عند دانا
ملك بضحك :أن جيت للحق العيال كلهم طالعين عندين معرفش لمين
سيف وهو يغمز لها :بقى بذمتك مش عارفه لمين
سليم وهو يحتضن يوسف :خلي بالك منها انت واخد حته من قلبي
يوسف :انت بقا مش هتوصيني على روحي
ماهي :خلي بالك من جوزك يا دانا وبلاش جنان
وعند أنا عارفه انك بتحبيه من زمان عشان كده جوزتهولك
دانا بحزن :اه بس هو مش بيحبني حضرتك الي جبرتيه
ماهي في نفسها :مين دا الي جبرته دا الولا اول مقولتله قالي يلا دلوقتي دا بيعشقك من يوم متولدتي
ماهي :بصي يا دانا لولا الي حصل وان كان هيبقى الكلام عليكي من كل حته احنا كده قطمنا اي كلام ممكن الراجل دا كان هيقولو عليكو لما شافكو مع بعض ولا ايه انتي بقا دورك تخلي يوسف يحبك
دانا وهي تهز راسها بايجاب :عندك حق يا ماما بس اخليه يحبني ازاي دا انا بقوله يا أبيه
ماهي بضحك :لا متقوليش خلاص دلوقتي هو بقا جوزك مينفعش تقولي أبيه دي
فؤاد :الف الف مبروك يا حبيبت جدو
دانا وهي تحتضنه :جدو حبيبي الله يبارك فيك
فؤاد وهو يهمس في أذن ماهي :مش كبرتي على الأمر الواقع دا لسه مبطلتيش خطط ومؤامرات
ماهي بضحكه عاليه :شكلي كده ليه وهفضل كده اعمل ايه بس يا بابا
قسمت :مبروك يا روحي
دانا وهي تحتضنها :الله يبارك فيكي يا احلى سوسو في الدنيا
بارك الجميع لهم عز الدين وهو يركض على حضن يوسف :انت اخدت اختي خلي بالك منها يأما هقتلك
يوسف بضحكه رجوليه:ماشي ياعم وانا موافق ووصيها عليا انا كمان والنبي
عز الدين :حاااضر
كانت تقف بهدوء بعيدا قليلا تراقب الجميع بابتسامه هادئه اقترب هو منها
اكمل :عقبالك يا رحيق
رحيق بخجل :ميرسي يا استاذ اكمل
اكمل :استاذ ايه مش قولنا دا في الشغل بس وبعدين مش احنا صحاب ولا ايه
رحيق : ايوه
اكمل :يبقى خلاص تقوليلي اكمل اكمل وبس
رحيق :حاضر يا
اكمل :يا ايه
رحيق بخجل :يا اكمل
اكمل بابتسامه عريضه في نفسه :احلى اكمل سمعتها في حياتي يخربيت خجلك دا بيخليكي شبهه الفراوله طب اروح اطلبها من ابوها طب ولا اعمل ايه
كانت تبكي في الحديقه الخلفيه جالسة وحيده تلعن أسلوبها الذي يأذي شخص لم يكن له ذنب في اي شئ
ماجد وهو يجلس بجانبها :انا اسف
نظرت إليه بصدمه فبادلها بنظره هادئه جدا :يعني انت مش زعلان مني
ماجد :تؤ
جومانا :يعني أنا مش وحشه
ماجد :تؤ
جومانا :وهترجع المستشفى تاني
ماجد تؤ
جومانا :ايه دا
ماجد بضحك :اصل حبيت الموضوع اوي ممكن بقا تبطلي عياط
جومانا وهي تقف أمامه وهو مازال جالس :موافقه بس بشرط
ماجد :ايه هو
جومانا :اننا نبقى صحاب
ماجد وهو يمد يديه يصافحها :موافق
جومانا وهي تمد يديها أيضا ويتصافحا
نتعرف بقا من اول وجديد انا جومانا في تالته ثانوي
ماجد : وانا دكتور ماجد دكتور جراح وفي نفسه اكمل كلامه ووقعت فيكي من اول نظره ودايب كمان !!