*بسم الله*
.
.
.
.
.
.
.
✧الحلقة الثالثة ✧
هكا شويا خرج طبيب جرينا ليه غير شافنا هبط راسو
طبيب: سمحولي درت لي عليا مي راه دا زوج ضرابي اصلا راهو مريض بالكبدة وزيد قلبو ضعيف .. البقاء لله
غمضت عينيا ملخبر دموعي طاحو آما سمر عيطت عيطة حتى طاحت مزيا لحقتها
يارا: سمررر
جا وحد لفرملي رفدها جيت داخلة معاها حكمني عماد يبكي
عماد: يا ختي يارا والله ما انا سبة
كي شفتو يبكي ويشهق سخفني باش انا نصبرهم رجعت انا نبكي معاه عنقتو وبعدت عليه
يارا: واش صرا فهمني ضوگ
عماد: بعتتني يما نشري لخبز مع كنت مولي شفت صحابي يجرو تبعتهم حتى دخلت في وسطهم منبعد شفت بابا جاي ليا باش يخرجني ملثم حكمني ملكول حسابتلي راح يضربني حتى شفتو عيط وحاكم جنبو والله ما انا سبة
مسحتلو دموعو وقتلو يريح على لكورسي لازم لابوليس تدخل باش تلقا شكون
دخلت عند سمر .. و عماد خليتو برا
جازت ساعة باش فطنت سمر .. مع ناضت بدات تعيط حكمها انهيار عصبي .. دخل طبيب دارلها شكة حتى هدات
خرجت لقيت ماما جات مع بتول .. شفت فيها وبديت نبكي
يارا: عمي .. الله يرحمو
بتول: ربي يرحمو
عفاف: لاحول ولاقوة
يارا: شكون جابكم
عفاف: جابنا عصام كان داي مرتو تولد جابنا في طريقو
بتول: ياربي هديل كي تعرف
يارا: طاطا مزال مقالولهاش
هدرتها حتى سمعنا تكسار ولعياط دخلو طبة يجرو لبيت تع طاطا دخلنا لقيناها تبكي وتعيط
مليكة: يااا عيسى روحت وخلييت دراري علاااه يا عيسى صباح برک كنت حذانااا
راحت ليها ماما وقعدت قدامها تمسحلها في دموعها
عفاف: حااسة بيک ختي مليكة صراتلي هكااا مي متقطعييش رحمة ربي .. ربي دا آمانتو ضووک نتي عندک ولادک لازم نتي تصبريهم
YOU ARE READING
✧ قــا ̍نۨــۏنۨ اڷــحۡــب✧ { باللهجة الجزائرية}
Romanceهيلاااو كيما وعدتكم هاني جييت بكرو جديد ومن تأليفي اكيييد وبعيدة كل لبعد عن لولة .. وكيما تعرفوني نكتب شوي ونطلق روحي ايباان هاذ لكرو راح تكون كيما لولة راح نعيش معاكم احداثها ونكتاشفها معاكم راح تكون متنوعة فيها .. حب طفولة .. ولاد حومة .. اكييد را...
