ولد شيوخ

البارت ..٦..السادس

#ولد_شيوخ

محسن..ياريت
منال...هههه ضحكت ورحت وجنت احس بأحساس حلو اول مرة احسة من ناحية محسن

منال...كعدت ثاني يوم الصبح واتصل بية احمد رحت وجاوبتة بدون ما اشوف اكو احد يمي لو لا
احمد....هلو منال شلونج اني اليوم اجي واخذج وياية ضبطت كلشي
منال....احمد اني ماكدر اروح وياك لان اصلا خالي كال لتجين وبعد انسي عندج اهل وهسة اني مزوجة واذا رحت يلكوني ويقتلوني ويقتلون اهلي وهاي السوالف مستحيل تتغير وتبقة
احمد....واني.الي عفتيني وثاني شي خالتج وخالج مسجلين محلاتهم بأسمج وهذا اخو هسة جاي يريد ياخذهن حرام تعوفين حلالج وحلال اهلج
منال....جاي احجي وياه وجر التلفون محسن تعجبت وكلت هذا شبي
محسن....الو انت منو
احمد....اني احمد ومحسن اسمعني اني اريد منال اليوم وانت متعرفني ترة اني خطيبها
محسن.....تعال للبيت واشوفك شلون تاخذها
احمد.....ميصير هيج بالقوة وثاني شي البنية عدها املاك هواية
محسن....سديت الخط وكسرت التلفون
منال....انت شلون هيج تسوي ترة كلش عيب عليك
محسن.....لج انتي شنو هيج تحجين ؟؟ ومنو هذا
منال.....معليك شي ميخصك
محسن....لا يخصني مادام انتي مرتي افتهمتي لو لا
منال...محسن لتجبرني اقتل روحي والله
محسن....اييي والله مليت اني من هاي القوانة جبتها من كل النواحي والفلوس خاف عبالج تهمني ؟؟

محسن...فواز جيبو هذا احمد مادام هو هنا اريدة يمي
فواز....حاظر شيخ
محسن....ورة كم ساعة جابو الية
احمد....شنو هاي الطريقة الهمجية الي جبتوني بيها
محسن....هذا اقل شي اكدر اسوي الك افتهمت مرتي خط احمر تنسة انت جنت خطيبها نهائي افتهمت
احمد.....شنو انت دتهدد
محسن....لا هذا نهائي مو تهديد بس اني من باجر اذا سمعت انت هنا بالولاية صدك نفس مابقي بيك
احمد....هاي انت رجل متعلم وهيج تحجي
محسن....اسمع انت متدخل بطريقة كلامي وعليك التنفيذ وبس افتهمت لو لا
فواز اخذو وودو بنفس المكان الي جبتو منة وانت تعال
فواز...حاظر شيخ
محسن....اسمعني انت تراقبلي البيت كلة ماكد اامن بأحد غيرك منال تراقبوها وين تروح ووين تجي وحتى الشيخة اذا طلعت اريد تكولولي
فواز...حاظر

منال....ضليت ابجي ودخلت علية مريم
مريم...شبيج حبيبتي
منال....من ورة الشيخ اكو غيرة يعني اكو احد عاقل يسويها يخلي مرتة عليها حراس
مريم....ومن هاي ضايجة ههه؟
منال....انتي متحسين بية وبالتغيير الي صار بحياتي اني هسة بسجن ترة
مريم....ترة هو يخاف عليج والشيخ ترة كلش قلبة طيب بس انتي اعرفي تخلي يحبج راح تحسي راح يحبج والشيخة نفس الشي وتكول البسي حلقتج

منال....فكرت بكلام مريم وقررت شوي اغير من نفسي بدلت ولبست حلقتي ونزلت اشتغلت وياهم وصعدت بعدين سمعت صوت محسن استحيت من الي سويتة

محسن..::السلام عليكم
منال....وعليكم السلام
محسن....مادري هاي البنية شبيها كلساع بمزاج هههه وانتبهت لابسة الحلقة
لابسة الحلقة اليوم
منال....اي الشيخة كالتلي لازم البسها
محسن....شنو صايرة تسمعين حجي
منال.....ههههه اي بالضبط
محسن....امشي نطلع نتمشى
منال....يلة لعد كول لفواز خلي يجي ويانة خاف اشرد
محسن....شنو هل حجي يلة البسي وانزلي
منال....رجعنة واني نمت وهو نام ع قنفة كدامي والليل كلة واحد يباوع للثاني
محسن..شفتها نامت كمت شميت شعرها لان ريحتة ضلت بأيدي من شلتها وخفت اكعدها

(نحجيلكم قصة محسن  طالب قانون بالكلية حب بنية وياه حب حب الجنون تزوجها وعاند اهلة وبحكم هو شيخ ميصير بكيفة واستمر زواجهم سنتين بعد فترة اكتشف زوجتة تخونة وية اعز صديق عندة مكدر يسوي الها اي شي نهائي بسبب حبة الها وبسبب احكام العشاير ةالدم الي راح يصير اذا احد عرف وهو ضد القتل طلقها وراحت لحال سبيلها وراها مقرر يحب نهائي بس شغلة اختة غيرت حياتة ودخلت منال الها ورغم هو يحب زوجتة السابقة )

منال...كعدت وحسيت محسن يشم بشعري منطيت اي ردة فعل وضليت مبستمة احساس جدا.غريب وياه رغم قساوتة

منال....كعدت الصبح وشفت فرحة وحمزة بالبيت
حمزة....صباح الخير خيتي
منال....صباخ النور شصاير
حمزة....اني راح.ابقة هنا بعد لان الشيخة ماترضة ترجع فرحة الة اجي هنا تكول ماتناسب بتي احجيلي وية الشيخ يشوفلي حل
منال....ادلل
محسن....يمة شنو سويتي ااولد كعيدي مايصير
ام محسن....اش ولا تحجي كلمة انة اشوف بنيتي ذبلانة واعوفها هناك طبة مرض كعيدي مو.كعيدي اهم شي بتي
محسن....شتكول الوادم عليج
ام محسن....يا شلون انة اهتم للعالم

فرحة....حبيبي انت ليش ضايج
حمزة....:ترضيها اضل كعيدي الناس شتكول علية
فرحة....ترة انت ببيت الشيخ الناس هسة هي تجي تتلوكلك
حمزة....ونظرة العالم والشيوخ شيكولون علية

منال....طلعت ورة الشيخ ورحت اجيب كم شغلة لوحدي
محسن....شوية اجاني اتصال منال مموجودة بالبيت اكلبو الدنيا اكيد هذا احمد ماناوي خير

منال....شفت المكتب مال الشيخ وفتت عليه
محسن...:هاي شنو انتي هنا ؟
منال...:ليش انت تدري اني طالعة
محسن....اي خابروني
منال....شنو عبالكم شردت يعني ميصير اشتاق لزوجي
محسن....شنو شحجيتي ؟؟ 😍😍
منال....رجعنة للبيت وفتت لكيت مريم تبجي وتعيط خفت خاف احد من اخوانها اجة
شبيج مريومة حبيبتي
مريم....كتلو بت عمي
منال....منو قتلها ؟؟
مريم..اخوانها لان شردت من رجلها وهي فصلية وصغيرة ومامتحملة
منال....تعجبت ومكدرت حتى احجي اني هسة صدكت اكو هيج بشر يقتلون بدم بارد

شيخ رضا....اي هسة اخوانها يكدرون يرفعون راسهم بعد ماغسلو عارهم
منال....انت شلون تحجي هيج
غزوان....هذا الي تكولة عشايرنا وهذا الي تستحقة كل وحدة تشرد
منال..هي عمرها ١٥ سنة ومزوجيها لواحد ٥٠ سنة حرام عليكم
محسن....منال ادخلي جوة
منال....كلة بسببكم
محسن....انتي متفتهمين شنو بالعادات
منال....انتو قتلة انت ليش هيج تسوي
محسن .....اش كافي

زهية ....شبيج حبيبتي تصيحين
منال....مشفتي محسن شسوة
زهية ...ترة الشيخ هو الي ساعدها بس الله ليوفقهم كتلوها قبل لتوصل لخوالها وهسة اذا يوصل خبر لأخوانها الله اليستر
منال....اف اني شكد غبية دائما اغلط وية الشيخ واسوي هيج اشياء بدون ما اعرف شنو
زهية احجيلي اكثر عن الشيخ
منال ...:عرفت هو جان مزوج وعرفت كل قصتة كبر بعيني الشيخ اكثر وقررت اصير مرتة من صدك واصير ملكة

حظرت نفسي وانتظرتة
محسن....طبيت للغرفة وشفت منال احلى امرأة بحياتي
منال....وخرت الخجل ولزمت ايدة
محسن....حاولت اتقرب منها بس مكدرت لان تذكرت زوجتي السابقة
منال....شوية وابتعد عني تفاجئت
محسن....اني اسفة كلش منج
منال.. ..اطلع منا
محسن....شنو شبيج تخبلتي
منال....هلكد جنت تحبها بحيث صورتها بمحفظتك بس هي مو صوجك صوجي اني الغبية
محسن....شمرت الية البطانية وكالت لترجع للغرفة بعد دكيت الباب مقبلت ضليت اضحك عليها ماعرف ولله معقولة حبيتها اني
ابو محسن....شصاير فوك
ام محسن....ذولة جاي يتناكرون وماتخلص سوالفهم وجنهم واحد بدة يحب الثاني