(Unicode)
မန္တလေးမြို့ရဲ့ ဒီဇင်ဘာဆောင်းညနေခင်းလေးဟာ ရင်ထဲထိတစိမ့်စိမ့်နဲ့ အေးနေတာကြောင့် 'ရိုးတံ' ဆိုတဲ့ ကောင်မလေးတစ်ယောက် အမွေးပွအင်္ကျီထူလေးကို ကောက်ဝတ်လိုက်သည်... အင်္ကျီထူထူဝတ်ထားသည့်အပြင် အနွေးဘောင်းဘီရှည်ကြီးကိုလည်း ဝတ်ထားတာကြောင့် သူမရဲ့ခန္ဓာကိုယ်သေးသေးလေးပင် ပျောက်နေတော့သည်...
"ဒေါ်ဒေါ်ရေ ရိုး.. ညစျေးတန်း ခဏသွားလိုက်ဦးမယ်..."
"အေးအေး သမီးလေး...
စာအုပ်တွေသွားကြည့်ဦးမလို့လား..."
"ဟုတ်တယ် ဒေါ်ဒေါ်.. စာအုပ်အဟောင်းတန်းသွားမလို့.. စာအုပ်ဆိုင်က ဦးလေးကြီးကို စာအုပ်တစ်အုပ်ရှာခိုင်းထားလို့လေ.. ရပြီလား သွားမေးမလို့..."
"သွားပြီး မြန်မြန်ပြန်လာခဲ့နော်.... သမီးဦးလေးပြန်လာလို့ မရောက်သေးရင် အဆူခံနေရဦးမယ်..."
"ဟုတ်ပါ ဒေါ်ဒေါ်ရဲ့ ဆိုင်အုပ်ဆိုင်ပဲသွားမှာပါ..."
"အေးအေး.. ဆိုင်ကယ် သေချာမောင်းနော်.."
"စက်ဘီးစီးသွားမှာ ဒေါ်ဒေါ်...
စက်ဘီးမနင်းရတာကြာနေလို့..."
"အေးပါကွယ်... ပြီးမှ ခြေသလုံးတွေညောင်းတယ်မငြီးနဲ့နော်...."
"ဟား..ဟား.. အိမ်နဲ့စျေးတန်းနဲ့က နီးနီးလေးပါဒေါ်ဒေါ်ရယ်... ဟိုတစ်ခါက စီးနေကြမဟုတ်ဘဲနဲ့ ကျုံးကို တစ်ပတ် ပတ်လိုက်လို့ အိပ်ယာထဲ လှဲသွားတာပါ...."
"ဟုတ်ပါပြီကွယ်... ကျုပ်ကလည်း ညည်းအတွက်ပဲ ပြောရတာပါ..."
"ဟုတ်ပါ ဒေါ်ဒေါ်ရဲ့...
ဒါဆို ရိုး သွားပြီနော်..."
"အေးအေး သမီး..."
အဒေါ်ဖြစ်သူကို ခွင့်တောင်းပြီးတာနဲ့ အိမ်ရှေ့ခြံဘေးတွင်ရပ်ထားတဲ့ ပြိုင်ဘီးလေးကို ထုတ်ကာ မန္တလေးနာရီစင်နားက ညစျေးတန်းဆီသို့ ထွက်ခဲ့တော့သည်....
ညနေ၅ခွဲလောက်သာရှိသေးပေမယ့် မန္တလေးမြို့ကြီးမှာက နေရောင်အစား လျှပ်စစ်မီးရောင်တို့က ဝင်ရောက်နေခဲ့ပြီ...
လမ်းမီးထိန်ထိန်အောက်မှာ ကောင်မလေးတစ်ယောက် ပြိုင်ဘီးလေးနင်းရင်း မန္တလေးရဲ့ ဆောင်းည အလှကို ခံစားနေတော့သည်... ရာသီဥတုကအေးသည့်အပြင် စက်ဘီးစီးနေတဲ့အရှိန်ကြောင့် တိုးဝင်လာတဲ့ လေအေးအေးတွေက ပို၍အသည်းခိုက်စေပြန်သည်... စက်ဘီးလက်ကိုင်ကိုကိုင်ထားတဲ့ လက်တို့သည်လည်း တဖြေးဖြေးနဲ့ ထုံကျဥ်လာတော့သည်... ဘယ်လောက်ပဲ အေးနေပါစေ ဒီလိုအေးချမ်းမူကိုတော့ ရိုး ကြိုက်သည်.. Titanic ဇာတ်ကားထဲကလို အေးခဲပြီးသေရမယ်ဆိုရင်တောင်မှ အဲ့ဒီအအေးဒဏ်ကြီးကို ရိုးတို့..ကြိုက်နှစ်သက်ဦးမည်ထင်သည်. ရိုး..ဆိုတဲ့ကောင်မလေးက သဘာဝအလှတရားတွေကို ချစ်မြတ်နိုးသူတစ်ဦးပင်..
သဘာဝအကြောင်းဖွဲ့ဆိုထားတဲ့ ကဗျာလေးတစ်ကြောင်းဆိုရင်တောင်မှ အမြတ်တနိုးနဲ့ သိမ်းထားသည်အထိပင်..
ရိုး..ငယ်ငယ်ထဲက မက်ခဲ့တဲ့အိမ်မက်က တစ်နေ့ ကမ္ဘာအနှံ့ပတ်ပြီး သဘာဝကို ထိတွေ့ချင်တာဖြစ်သည်.. သို့ပေမယ့် ရိုးရဲ့အခြေအနေက ကမ္ဘာပတ်ဖို့မပြောနှင့် မြန်မာနိုင်ငံအနှံ့ပတ်ဖို့တောင် အနိုင်နိုင်ပင်. ဒါ့ကြောင့် ခရီးတွေထွက်ပြီး မြန့်မာ့သမိုင်း မြန့်မာ့ယဥ်ကျေးမူ မြန်မာတွေရဲ့ဓလေ့ကို ပြောပြရသည့် Tour guide အလုပ်ကို ရွေးချယ်ဖြစ်ခဲ့သည်... ဒါ့ကြောင့်လည်း တက္ကသိုလ် ဒုတိယနှစ်ရောက်ကတည်းက ပြင်သစ်ဘာသာစကားကို လေ့လာဖြစ်ခဲ့သည်.. သုံးနှစ်ဆက်တိုက် လေ့လာပြီးတော့ ကျောင်းပြီးတာနဲ့ သူငယ်ချင်းနဲ့အတူ သင်တန်းတွေ အတူတက်လိုက်ပြီး အလုပ်အေဂျင်စီမှတစ်ဆင့် ဒီအလုပ်လေးကို လုပ်ကိုင်ခွင့်ရခဲ့သည်... ကိုယ်ဝါသနာပါတဲ့အလုပ်ကို လုပ်နေရသည်မို့ ရိုးတို့ကတော့ ကိုယ့်ကိုကိုယ် ဂုဏ်ယူလို့မဆုံးဖြစ်မိသည်.. ဘယ်လိုပဲဖြစ်ဖြစ် ဒီအလုပ်လေးက ရိုးရဲ့အိမ်မက်တွေကို တစ်ဖက်တစ်လမ်းကနေ ဖြည့်စွက်ပေးနေသည်မဟုတ်လား....
ကိုယ့်အကြောင်းကိုတွေးရင်း စက်ဘီးလေးနင်းလာလိုက်တာ နောက်ဆုံးတော့ နာရီစင်မီးပွိုင့်ထိ ရောက်လာခဲ့ပြီ... မီးနီနေသည်မို့ခဏစောင့်ရင်း မီးပွိုင့်လွတ်တာနဲ့ ညစျေးတန်းဘက်သို့ တန်းနင်းလိုက်တော့သည်...
ညစျေးတန်းလမ်းက One way (တစ်လမ်းမောင်း) ဆိုပေမယ့် ညဆိုရင်တော့ အသွားအပြန်ရှုပ်ယှက်ခတ်နေတတ်သည်... စျေးတန်းတွေလည်းဖွင့်နေပြီမို့ လူကတော့အနည်းငယ်စည်ကားနေပြီဖြစ်သည်.. ရိုးလည်း စက်ဘီးကို မနင်းတော့ဘဲ ဆင်းတွန်းကာ စာအုပ်အဟောင်းတန်းရှိရာဘက်သို့ ဦးတည်လိုက်တော့သည်
အင်္ကျီဆိုင်တွေ ဖိနပ်ဆိုင်လေးတွေအပြင် မီးလင်းအရုပ်လေးတွေ.. ဖန်စီလေးတွေ ရောင်းတဲ့ ဆိုင်သေးသေးလေးတွေရယ်.. ဆောင်းတွင်းသုံး အသုံးဆောင်ပစ္စည်းတွေရောင်းတဲ့ဆိုင်လေးတွေရယ်ဖြင့် ညစျေးတန်းကြီးက လှပလို့နေသည်... ဒါ့အပြင် အတွဲကိုယ်စီဖြင့် လမ်းဘေးမုန့်ဆိုင်လေးတွေမှာ ပကာသနမပါဘဲ ရယ်ရယ်မောမောဖြင့်သာ ဘဝကိုဖြတ်သန်းနေကြသည့် မြင်ကွင်းလေးတွေကလည်း ကြည်နူး၍ပင်မဆုံးနိုင်..... ရိုးတစ်ယောက် စက်ဘီးလေးကိုတွန်းရင်း ဘေးပတ်ဝန်းကျင်ကိုသာ ကြည့်နေလိုက်တာများ စာအုပ်ဆိုင်လေးပင် ကျော်သွားတော့သည်.....
YOU ARE READING
Fall in Love 🖤
General Fiction(Unicode ) မြန်မာနိုင်ငံ ပြည်ထောင်စုဝန်ကြီးရဲ့သမီးလေးနဲ့ ပြင်သစ်စကားပြန်မလေးတို့ရဲ့ မတူညီတဲ့အခြေနေနှစ်ခုကြားထဲမှ ဖြစ်ပေါ်လာတဲ့အချစ်တစ်ခုက ချောမွေ့လွယ်ကူမလား...? ခက်ခဲကြမ်းတမ်းမလားဆိုတာ....? (Zawgyi) ျမန္မာနိုင္ငံ ျပည္ေထာင္စုဝန္ႀကီးရဲ႕သမီးေလးနဲ႕ ျပင္...
