The Wife's Trap (Completed)

47th

Tahimik akong sumunod sa kung saan nila ako dalhin at saka ko lamang napansing nasa tuktok na kami ng isang gusali. Hindi ko masasabing abandunado dahil maayos pa ang itsura ngunit hindi ko rin namang masasabing isang gusaling pinagtratrabahuhan pa.

Pinapkiramdam ko ang tahimik na si Emjie ng siyang tumutulak sa akin hawak ang kamay kong nakagapos sa likuran ko.

Hindi ko makita kung saan niya dinala ang mga kaibigan ko at si Draven.

Nasa likod namin ang ilang mga tauhan niyang may kaniya kaniyang baril.

"Maligayang pagdating aking numero unong panauhin." Umalingaw ngaw ang boses ni Edern na halatang nasa isang audio room na konektado sa buong gusali kaya natitiyak kong sa lahat ng parte ng gusaling ito'y maririnig ang boses niya.

"Matagal kong hinintay na masimulan ang isang palabas na kasama ka, hindi ba't napakaganda ng magiging palabas kapag tayo ang magkasama?" Malakas siyang tumawa na halos ikaikot ng mga mata ko.

I gritted my teeth, pinaglalaruan niya kami, pinaglalaruan niya ako.

"Mavis Schneider, Napakagandang pangalan—napakagandang babae na minsan kong hinangaan. Simulan na ang palabas, kung saan isa sa ating dalawa ang maaaring mamaalam." Agad na kumalabog ang dibdib ko ng agad na siyang nawala sa audio room.

Mabilis akong itinulak ni Emjie sa isang silid, na kung saan akala mo ako'y lilitisin.

Pinaupo niya ako sa isang silya at ang nasa paligid ko'y puro salamin n dingding kaya pulos sarili ko at si Emjie ang nakikita ko.

Maya-maya'y biglang namatay ang ilaw at nang bumukas iyon ay nagtransparent na ang salamin at bawat tingnan ko'y naroroon ang nga kaibigan ko. Sa harapan ko'y si Draven, sa gilid ko ang walang malay na si August, sa kaliwa ko'y si Amanda at sa likuran ko si Tiya Ysabella.

Nanlalaki ang mata ko sa nakikita. Lahat sila'y nakapalibot sa akin at nasa kabilang bahagi.

Tila ako ang nasa gitna nila at pagmulat ng mata nila'y ako lang ang makikita nila habang ako'y kita ko silang lahat.

"Nakikita mo ba sila Mavis, sila ang magiging premyo sa t'wing makakaligtas ka sa mga laro ko."

"Hayup ka Edern! Tigilan mo ako! Tigilan mo ang laro mo at magharap na lang tayo!" Sigaw ko kahit hindi ko siya nakikita pero alam kong kitang kita niya ako.

"First stage," Agad na bumukas ang isang pintuan at pumasok roon ang sampung kalalakihan na may mga hawak na kutsilyo.

"Matira matibay, kapag nagawa mong mapatumba silang lahat, dalawa sa apat na mahahalaga sa 'yo ang makakasama mo sa loob ng kwartong 'yan."

I can hear the sounds of something—it was like a clock doing the countdown. Nang tumunog ito'y agaran na sumugod sa akin ang mga lalaki habang nakagapos padin ako. Nasa gilid lamang si Emjie na tila siya ang magmimistulang witness.