الضابط المستبد والخرساء( افراح حزينه)

البارت العاشر

اسعد الله اوقاتكم

اني اسفه على التأخير بس والله صار عندي ضرف هاليومين
ان شاء الله بعد ما اتاخر بتنزيل البارت
الكاتبه:تولا العسكري

عود كتلك لاتعلمني عليك وعلمتني
وعود كتلك تلمني وتيهتني ....😔

افراح :بعد مراحت امي وعمتي
صعدتني سلوى لغرفتي
غرفه قهوائي تخبل والافرشه كلها لون ابيض
نازكه كولش
رحت كعدت على الجربايه واجت يمي سلوى علمتني على سوالف هاي الليلة
وطلعت
شويه وسمعت صوت زلم على الدرج
كلت اكيد زفو حمزه ضليت انطي اللوان
ماضلت قطرة دم بيه
مااحس الا الباب نفتح دخل هو وسد الباب وضلت خطواته تتقرب مني
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
حمزه :بعد دخلت افراح للبيت اخذتها لغرفة امي وكتلها هاي امي
اشو هاي راحت ركعت مقابل امي وضلت تبجي فاجئتني
لاحظت امي ضغطت على ايدها
كلت هم زين امي ارتاحتلها لان امي اذا ارتاحت لشخص تنطي ردة فعل
شويه وعفتهم ورحت لزلم للاستقبال الخارجي
راح علي ابن خالتي وصل امها وعمتها
وبعدين تعشت الناس وراحو واصدقائي الضباط باركولي وراحو
اجاني خالد كال يله خلي نزفك
شويه وزفوني وصلوني لباب الغرفه بالهوسات
ونزلو
فتحت باب الغرفه شفتها كاعده على الجربايه
ومتغطايه بالطرحه
سديت الباب ورحت يمها
افراح:مااحس الا هو يتقرب من يمي
محسيت الا وهو واكف كبالي
حمزه:رفعت الطرحها من على وجها وكتلها كومي
افراح :كلي كومي بس اني من الخوف مااكدر احرك رجليه
حمزه :مو احججي وياااااج كوووومييي
افراح :من صاح بيه خفت وكمت وكفت كباله شويه ورفع وجهي بأيده
حمزه :رفعت وجها بأيدي واجن عيونها بعيوني
اشلون خلقه يا الله شنو هذا الجمال شكد الله خالق بيها
نسيت نفسي واني اتباوع عليها
اول مره غريزتي ك رجل تتحرك ضليت اتمعن بوجها من عيونها لشفايفها دخيل الله شنو من شفايف تمنيتها
بس بعدين حسيت على نفسي وكلت لا حمزه مو وحده من جنس حواء تسيطر عليه
رجعت كتلها
اسمعي هاي امي كولشي يخصها من اكل وشرب وتنظيف غرفتها وعلاجها كولشي انتي مسؤوله عنه واي تقصير منج او اشوف امي مضايقه انهيج اراويج الموت مفهوم
افراح بالاشاره :اي
حمزه :يله تعاي خل افتحلج البدله وروحي بدلي خلي نتعشه
افرح:احسه جايبني بس حتى اخدم واكون معدومة الشخصيه مثل اي مره
بس كلت يله اهم شي مايلكه تقصير مني ويكول اهلج ماعرفو يربوج
محسيت الا وهو وراي ويفتح بالسحاب مال البدله وانفاسه قريبه من ركبتي
اني ارتبكت وضليت لازمه البدله من الصدر حيل حتى متوكع وانفضح
شويه وخليته وطلعت من الغرفه للحمام الي بالممر لان الغرفه مبيها حمام
طلعت ادور عليه لان مااندل واني مطمئنه لان الرجال الوحيد بالبيت هو حمزه
رحت ردت اقفل الحمام واذكرت ما جايبه وياي ملابس
رحت للغرفه دخلت لكيته فاتح الكنتور ويطلع ملابس يمكن يريد يسبح
رحت فتحت الجنطه طلعت سيت نوم لونه كريمي طويل
ورجعت للحمام سبحت ولبسته تباوعت على الدرج مااسمع صوت لأحد
كلت يمكن ام علي وسلوى راحن خلي انزل اشوف خالتي ام حمزه
نزلت لغرفتها لكيتها نايمه على جربايتها
نكسر گلبي عليها
غطيتها وكعدت بالكاع مقابيل جربايتها
ضليت افكر ياترى شنو السبب الي خله حالتها هيج
الله يكون بعونها لاحركه ولاشي بس تتباوع بعيونها
ماحسيت الا صوت وراي درت وجهي لكيته حمزه
حمزه :ضليت انتضرها حتى ادخل اسبح
اشو هاي تأخرت رحت للحمام لكيته مفتوح يعني مخلصه
فار دمي صار ساعه منتضرها وهي مكلفت نفسها تجي تكول خلصت اني الج ياافراح
نزلت ادور عليها وين راحت هاي
نتبهت باب غرفة امي مفتوح رحت بسكوت تباوعت لكيت افراح بالكاع كاعده وتتباوع ل امي
تفاجئت هاي شنو تسوي
وصلت يمها وكتلها شنو تسوين هنا
كامت بأرتباك وخوف ادري بيها متكدر تحجي
سحبتها من زندها وطلعتها بره الغرفه وعطت بيها
كتلها اشلون تخلصين سبح ومتجين تكولين واني صار ساعه منتضر هاي بدايتها هيج هاااا