#هروب
الحلقة { 1 }
للكاتبة : رودي
فتاة القمر 💜
قبل 3 سنين / عام 2015
شروق : نجري ونجري ونجري ونجري 💔
معش متحملة الصدمات معش نبي حد نبي نهرب وبس نبي نتفكى من العيلة هادي 💔
رغم ان عيلتنا معروفة بأخلاقنا وتمسكنا ببعضنا بس ميغركش الكلام
من الخارج متشددة ومن الداخل منحلة هلبة لدرجة متتصوريهاش💔
وقفت قدام طريق السريع شفت يمين ويسار وجريت بقوة وبعدين حسيت روحي طحت وفي الم قوي في راسي و.......
الحاضر 2018
شروق : تضحك.... معش اضحكني مبردك 😂
غسان : اخر نكتة والنبي
شروق : به قول هي
غسان : دودة طاحت في قصعة مكرونة اسباقيتي قالت ووه عليا زحمة 😂
شروق : انفجرت بالضحك لين شديت بطني 😂
غسان : خيرك اللطف مش لهادي الدرجة
شروق : ناضت بالسيف من الضحك... برا جيبلي لحم بندير الغدي 😂
غسان : فوتيه الغدي تو نجيب من برا
شروق : اممم به وين شمس
شمس : جت من الدار... نعم
شروق : شي نسأل عليك
شمس : به... ومشت تتفرج
غسان : هي اني طالع متبي شي
شروق : جيب فواكه
غسان : به... وطلع وسكر الباب
للكاتبة : رودي
فتـــــاة القــمــر 💜
كوثر : كيف انت شن تقصد
كرم : منبي منك شي بنبيع حوش بوي وبتتزوجي صاحبي
كوثر : لا لا منبيش وراسك اني اختك يا كرم والنبي ارجوك انت متزوج وقاعد في حوش واني بتزوجني صاحبك بالغصب معقولة 💔
كرم : بتتزوجي غصبا عن خشمك منقعدش نصرف عليك اني عندي مراا وعندي صغار مش لاهي بيك
كوثر : لا بالله عليك به نقولك حل خليني نخدم حتى خدامة ونصرف على روحي بس منبيش نتزوج والنبي 💔
ليلى : (مرت كرم)... خليها يا كرم تدلع تتزوجه وخشمها في الارض مسد الاول طلقك والتاني مات وتبي خوك يصرف عليك
كوثر : سرحت فترة...انتو هكي تبو درت معاكم المستحيل لكن تمام يا كرم تو تشوف شن نديرلك
كرم : هي الولد بيجي بعدين نوضي غيري سرافتك وديري
حاجة في خليقتك
كوثر : حاضر
كرم : كويس... وطلع
كوثر : شبحت ل ليلى
ليلى : شن تشبحيلي 🤨
كوثر : بهمس... جدري 😒
ليلى : نعم علي صوتك
كوثر : قلتلك خليني حلوة زيكـ
ليلى : امشي قدامي يلا
كوثر : قلبت عيونها... به 🙄
شمس : وبعدين الامير تزوج الاميرة ودارو حفلة كبيييرة هلبة
شروق : ضحكت... به والخدامة شن صار فيها
شمس : تفكر... الخدامة الخدامة..منعرفش نشيت 😅
شروق : به
غسان : فتح الباب... اني جيييت
شمس : وعليكم الشلام
غسان : معش تتحشمي يافرخة انتي
شمس: 😁
غسان : ورااس وخيتي ديريلي قهوة ☕
شروق : به... وطلعت
شمس : غشان
غسان : نعم
شمس : خاطري في همبغرة
غسان : همبرجر مش همبغرة 😂
شمس : هممممببببغغغررررةةةة
غسان : به به همبغرة 😒
شمس : ابتسمت... به برا جيبلي همبغرة ☺
غسان : وااااك يا شمس كيف خشيت الحوش
شمس : دموعها نزلو... اصلا انت معش تحبني شروق نقوللها ديريلي شدنوتش( سندوتش)اديرلي شدنوتش بالدحي وانت لما نقولك جيبلي ادير شلبة (سبلة)😭
غسان : ابتسم مخعلى كلامها... شدنوتش وشلبة 😂
شمس : تبكي....اهئ اهئ اهئ اهئ 😭
غسان : به اسكتي تو نجيبلك... ونزل
شمس : طلعت من الروشن شبحاته
شمس : بصوت عالي... غشاااااااااااااااااااااااان
غسان : قام راسه... هااا
شمس : جيبلي عشير شتنوب
غسان : سنتوب اسمه يا همي مش شتنوب
شمس : برا بلا لكلك.. وسكرت الروشن
