وَتين ..

محتوى فارغ ..

مرحبا ..
كيفكم يا حلوين ؟

بارت اعلن فيه عودتي للساحه .. عدوها لو تغير عليكم الاسلوب او شفتوه قصير لأن هذي اول مره انقطع مده طويله عن الكتابه ويبي لي وقت لين استرسل بالأفكار من جديد  ✨

قررت ابدأ بنشر وتين لأني من زمان ما حدثت فيها وبعدها بيجي الدور عالروايات الثانيه .. البارتات قريب وتجهز فما راح اخذ وقت طويل بالتحديث ان شاءالله

انتظر دعمكم وتشجيعكم المعتاد ..
استمتعوا 🌷

؛

بعد ما قرأ العبارة بدفتر الملاحظات ، مسح على اصبعه وكأنه يتفقد مكان شيء ضايع منه ومشى قدام المرايا ووقف يطالع بانعكاسه فيها  بنظره فارغه

جسم متناسق من ناحية الطول وتقاسيمه ، شعر بطبيعته متموج ولكنه تعود من يبدأ يطول يخففه كثير فما يبين ، بشره بلون قمحي برونزي ، نظره ثاقبه تعطيه هالة الواثق دائماً وابتسامه ساحره بغمازه جانبيه ..

نزل عينه للكتاب الي بيده والي استنتج من ملمسه ان أمه ما وقفت من نفض اي أثر للغبار عليه بعد كل هالمده الطويله ، شعور الملمس الناعم تحت اصابعه بعث له شعور كبير بأنه ما غاب لمدة سنوات وكأنه ما زال بنفس المكان ، اطلق تنهيده طويله ودخل بحديث نفس من العيار ثقيل بينه وبين ماضيه ..

*pove*

الله يالدنيا ! كيف وقتها كنا صغار ومثل ما يقولون الحب في سن صغير يكون طاهر وبريء ويسمى حب عذري ، قضينا عمر مع بعض ، خططنا مع بعض ، قطعنا وعودنا وبنينا مستقبلنا مع بعض
كبرنا مع بعض .. بس بالأخير فرقتنا الدنيا ومن وقتها وانا ضايع

الفراق اثر فيني وغير بناء شخصيتي بشكل كبير وخاصه بتعاملي مع الناس ، ، قلبي متن وصارت المشاعر ما توصل له وما تحرك فيه ساكن ، من يبدأ يدق انهي العلاقه من غير ما أحاول .. من غير ما اعطي فرص  .. كل العلاقات انحكم عليها بالفشل من قبل ما حتى تبتدي !

سافرت وقابلت ناس من جميع الأجناس ودخلت بعلاقات ما تنعد ولا تحصى بهدف اني انسى الي صار واعيش ، اقنعت نفسي ان الدنيا ما وقفت من بعده ، حاولت احب وارتبطت وفشلت ورجعت حاولت من جديد .. قضيت سنين طويله بالمحاوله

وهذاني رجعت بعد سادس علاقه انهيها بقلب قاسي والسبب هالمره اني خلصت دراستي وبرجع لمقر راسي وطفولتي ، للمكان الي فيه ألمي واحلى ذكرياتي ، أهلي واصحابي واغلى ناسي .. شكل الشوق وصل حده وصرت احن للمكان الي اعرف انه بيرجعني لنفس نقطة البدايه .. ونفس الأشخاص الي يذكروني فيه