رح انشر البارتات علمود لايتخربطون القراء الجدد
بغداد
2003/3/13ميلادي
10/محرم/1424هجري
العاشر من محرم هوه بدايه قصتنه هذا اليوم هوه يوم مميز بالتاريخ الاسلامي و خاصه للطائفه الشيعيه لان يوم وفاة الامام الحسين( عليه السلام)و لانه يوم مهم لازم اله تقاليده و اعرافه الخاصه بيه الي راح تعرفوها ضمن قصه احد ابطال هاي الروايه .
الساعه 9:45 مساءاً
بابا بابا فدوه بس هاي المره اريد اطلع ويه اصدقائي -قالها(مرتضى) الي يبلغ من العمر 11 سنه الى والده-
عبدالله والده :كم مره لازم اقول بالليل ماكو طلعه من البيت الدنيا مو امان ابني .
مرتضى: بس بابا اصدقائي اصغر مني و يطلعون بكيفهم و حتى صديقي حسين من جان عمره8يعني جان اصغر مني و يروح للحجه ، اني اكبر منه ميصير هيج بابا - قالها الابن بغيره-
*الحجه هي تسميه تطلق على يوم 10 محرم حيث يسهر فيها اصحاب الطائفه الشيعيه احترما و تقديرا لاستشهاد إمامهم الحسين عليه السلام و يقضون الليل في الصلاة و البكاء و تعم ملامح الحزن على وجوههم ، اما بالنسبه للاطفال الذين لا يفهمون تقاليد هذا اليوم فيقضون طوال الليل باللعب خارج المنزل و التنزه في الشوارع الى طلوع الفجر حتى يعودوا الي منازلهم .
بعد إلحاح طويل من مرتضى و الده وافق رغم هوه ما مطمأن راح يخلي ابنه الوحيد يخرج بالليل لاول مره بعمره مع اصدقائه، مرتضى چان يريد يطلع لاصدقائه يكللهم ما مصدك ابوه وافق بس قبل ما يطلع من باب البيت ابوه صاح مرتضى "تعال احجي وياك "
مرتضى : بس لا تراجع بقراره - بقلق- ها بابا شكو !!
والده : راح تروح ويه صديقك حسين و جماعته مو ؟؟
مرتضى هز راسه كموافقه على سؤال ابوه ،
والده :روح صيحلي حسين و جماعته احجي وياهم و اسالهم و ين يفترون( يتجولون) بالمنطقه
مرتضى: رحت صحت اصدقائي و ابويه سألهم
حسين: خالو ما نروح لبعيد بالمنطقه نفتر گدام عيونك
ابو مرتضى : حسين دير بالك على مرتضى تره ما يعرف كلشي ما طالع من باب البيت ،حسين كاله اي خالو راح العب مرتضى و يه جماعتنه ما يضيع .
بعد ما مرتضى طلع من البيت هوه و اصدقائه حسين اخذهم لغير منطقه بعيده عن بيت مرتضى و طول الطريق مرتضى يگول لحسين اريد ارجع بابا گال لا تروحون بعيد بس حسين گاله اذا خايف ارجع و احنه نكمل طريقنه ، مرتضى خاف يرجع وحده و ظل ساكت طول الطريق و صلوا لمنتزه بيه حدايق واسعه و گعدو على شكل مجموعه و طلع كم واحد منهم جگاير(سكاير او دخان ) و كاموا يوزعون على الاولاد، مرتضى خاف و راد يرجع للبيت بس ما يعرف طريق الرجعه بس طلع بمسافه عن المنتزه ضاع و بدا يبجي .
YOU ARE READING
| معشوق الشمري |
Random((متوقفه مؤقتا)) أقسَمتُ «عَ ـلَي» أن لا أهوىٰ غَيرَك َوَ خَتْمتُ عَلى قِلبي بِعَدمِ «رضًـآ» إن نَبِضَ بِسْعادةٍ لَم تَكنْ أنتَ مَصْدرُها (تنبيه: روايه قي باللهجه العاميه العراقيه فيه لقطات +18) والي جايين من حساب @micheala00000 تعالو هنا ال...
