للعشق لقاء اخر. (الجزء الثاني من سكرترتي السمينه)

اقتباس

يا حبايبي الي بيقولو متلخبطين هفهمكم
1- ملك لسه في لبنان مش في مصر
2- مازن ونبيل راحو لبنان لان هاجر لفقت لهم قتل مروان " هربو يعني"
3- مراد منساش عقاب ياسمين "اصبرو تاخدو حاجة نضيفة " 😂
4- نورهان خبت علي رامي عشان خايفة عليه بس قبل ما تحبه كانت ناويه تنتقم
5- كريم كان عارف انه مبيخلفش لانه شاف التحاليل ومروة مخبياها ودا لسه مقولتوش " في حاجة حصلت اكدتله ان مروة بتخونه " مدهاش فرصة تفهمه لانو كان متاكد
تسريبه صغيره " كريم كان بيخون مروة ودا مربط الفرس ف كل الي بيحصل"
انا قولت انزل اقتباس النهارده بس هيكون طويل
توضيح كمان انا باكد تاني يا جماعة انا لسه تعبانه والله والوجع في صوابعي وايدي كامله يعني والله ما بدلع ربنا اعلم وانا بكتب حالتي بتبقي ازاي وكام مره ايدي بتتشنج من الوجع عارفه اني باخر وفقدت متابعين كتييييير والروايه بتقع وانتو زعلانين بس حقيقي انا مش غبيه عشان اضيع مجهود شهووور ف كام يوم اهمل الروايه بمزاجي وباذن الله لو كان ليا عمر ان شاء الله الروايه الجديده هخلصها وانزلها كل يوم وببارت طويل وهلتزم اكون خفيت سامحوني ع الاهمال دا بس غصب عني ووعد الروايه الجايه كلها حب وعند وحاجات من الي بتحبوها بس ساعدوني وافتحو نفسي شويه تقريبا المتابعة بقت اقل 80% واسفة اني طولت عليكو

.......
"همسه " والرعب يتسلل لقلبها ابني ماله يامروان ابني حصله اي مروان مبيردش لي
"مروان "ويرتابه الخوف اهدي اهدي يا همسه هو هيبقي كويس يخبرها بما يتمناه وليس بما واقع وصلو للمشفي
"مروان" برعب عاوز دكتور بسرعة
اتت طبيبة يبدو عليها صغر السن وبعد ان فحصته
"الطبيبه "باسف الطفل دا بيعاني من فرط حراره هو مرض نادر شويه بس متقلقوش اهم حاجة الحراره تنزل دلوقت عشان ميحصلش مضاعفات
"همسه بدموع " يعني اي ابني عندو اي
"الطبيبه بتفهم " ابنك كويس بس هما بيعملولو الاجراءات اللازمة عشان الحراره تنزل وبعدها هنعمله
Muscle biopsy دي عينه بسيطة عشان نطمن وشويه فحوصات مش اكتر
بس قوليلي هو الولد بياخد اي ادويه
"همسه " لا خالص دا عنده خمس سنين
"الطبيبه بتيقن " الولد دا عمل مجهود جامد في الحر مش كدا
"همسه بتذكر" ايوه امبارخ طول النهار بيلعب ويطنطط والجو كان حر
"الطبيبه " طيب هو دا السبب باذن الله خير وهيبقي كويس  كل الموضوع ان الحر والمجهود ادي لمتلازمة بتحل الربيدات او بمعني انها بدمر خليه عضليه خير باذن الله وهتيخف وخلال اربعة وعشرين. ساعة هيروح معاكو وطبعا مش محتاجة احزركم من المجهود وبالاخص في الشتا كمان هكتبلك ع شويه فايتمنز تعوضه
"همسه " شكرا ردت عليها الطبيبه بترحاب "دا واجبي يامدام
.........
"ياسمين "سامحه بقي يامراد بطل تبقي كدا
"مراد بعصبيه " لا مش هسامحه وياريت تسكتي بقي لان بجد مش طايق سيرته
"ياسمين " مراد دا جدك كفياك ظلم كفايه تدميرك لشركته وسمعته
"مراد باصرار" كنت مستنيه يموت من القهره بس زي ماهو هيفضل قلبه ميت
"ياسمين "باستغراب بقيت اسي اوي يامراد
"مراد" مش هفضل طول حياتي بحكي الراجل دا عمل فيا اي ومش هفكرك انه هو الي قتل ابوكي الي هو ابنه وهو الي دمر رامي
"ياسمين بمقاطعة " وهو بردو الي خلاك تتجوزني متبصش للوحش بس يا حبيبي سامحه ودا اكبر عقاب لي
"مراد " ربنا يسهل انا ماشي دلوقت متنسيش بكرا البروفا للفستان الي اختارتهولك
"ياسمين " مش مطمنالك يا مراد
"مراد "قلبك داليلك يا يا مراااتي سلاام يا ياسو
..............
"ام صبا " يابتي چرالك ايه عجولك انتي حبله مش فاهمة ايه
"صبا " ياامه ياامه اني مش حبله ولا حاچة اني تعبااانه مرهجة ياناس
"ام صبا " طب شوفي اجده نعمل تحليل ونطمن
"صبا " اعملي الي تعمليه ياما
"ام صبا" اي يابت الچزمة انتي هعمله لحالي عاد ليه هو انا الي حبلة ولا انتي يا ناجصة عقل انتي
"صبا " عاوزا ايه مني ياما السعاذي انا تعبانه ومحتاجة انام
"ام صبا "هنزل اجبلك الاختبار ديه من الاجسخانه نعملو ونطمن
"صبا " روحي ياما روحي
وبعد ان احضرته امها واستخدمته ظهرت شرطتان معلنتان عن وجود حمل
"ام صبا " لوووووووولي يا الف بركة يا الف مبروك يا بتي ام اتصل بجوزك اجولو
"صبا " لا لا سيبني انا اقولو بطريقتي دي بينها هتحلو اوووي

........ 
"كريم " هو مين فينا الغلطان انا ولا هي منا لو مكنتش عرفت حنين مكنتش عرفت انها خيانه وكنت هفضل عبيط واعيش ولا لا لا هو انا هفضل طول عمري مضحوك عليا احسن اني سيبتك كفايا الي سمعتو عنك
.....
دكتور" يا مدام تحاليل ال DNA غاليه
"مروة " عارفة انا معايا فلوس متقاقش جهزهالي بس وانا هدفع

...........