Possessive Mafia Leader | Taekook

7

.
.
.
~~°°•°°~~

"Arghh ..titeh yugyeom....thudik pawm thiam mai chu a harsa viau ami.."

A coffee cup var te tak te chu dim te in an dawhkan bawr khawm laih ah chuan a nghat a , coffee cup atang chuan chunglam ah a sa ti hriat tak in a khu chho chem chem a , vawh a tih vang in a kut a nuai lum a ,a khawng mai a hlauh vang in a hmui zawn ah dah in a thaw sa zet in a thawk khum ham ham a, a tih zawh ah muangchang a meng in yugyeom tum deuh ber a en a

"Jinyoung nangpawh maw...."

"Thudik alawm , detective jeon hi thiam viau mahse ,case zawng zawng a chingfel thei vek bik lo , a record hlui chu egpawh ni se thlahnih lai a liam tawh a hmasawn na hmuhtur awm lo, midang kut ah a hlan a nih loh chuan case hi tireng hi ani tho ang"

"Eng emaw hriat chu a nei tih ka hria finfiahna a nei lo mai ani detective jeon hi ka ring tlat, project V chingfel thei an awm chuan a ni ciah hi niang "

A tawngkam chhuak ah chuan detective jeon a ngaihsan zia chu ,hai rual a ni lo

"Chuthu chu thla hnih liam ta khan i sawi tawh!!"

Bambam in a lo chhang a an nui dar dar a , yugyeom ve thung in a dar ah a nghawk sawk bawk .

"Taktak nimin pawh khan chief hyun nen an in bia a , case midang kut a hlan tih te an sawi ,tih thuthang vel ka hria "

Jackson thusawi vang in an ka ho a, an coffee in lai ai mah in an thil sawi ah chuan an tui fe zawk

"I ti taktak ami ?" Yugyeom in a lo ti vat a

"Mawla....ka hria ka ti mai lawm ...mhs a ni ve thei tho..."

"Mahse chief Hyun mizia en in ,taktak pawh nise mak ka ti lo ang , a hun tawh viau ani"

A coffee in khalh pah in mark in a lo ti zawm ve zak a ,an lu an bu nghut nghut a

"Ningat se chu , detective jeon tan chuan mualphona nasa tak a ni ngei ang"

Jinyoung in a rawn ti leh vat a,a sana a en nghal zak bawk

"Tho ro , zan duty tur a kal kan ngai"

"Arghhhh!!!! "

"Yugyeom , nawrh buai kha chu a ngai tawh lo ang , i awl tawh dawn lo , kar hmasa mi pawh kha kan chhiar tel chuan overtime in i duty ang"

Jaebum in pawh thawh dawr dawr pah in a ti a , midang in yugyeom an nuih nghek bawk

"Ka hua cheu...!!, Duty hi ka haw bawkk"

°°•°°

"Diklo .... " A room bang a thlalak leh information thenkhat chu a pawtthla pawp pawp a ,thinrim hmel zet hi a pu a , a tha te chu a khur dar dar hial

"Diklo..."

"Diklo..."

"Diklo....."

A phun mual mual a, in sum har a tih em vang in a sira lo awm hmasa ber a vawm darh thuai bawk ,a thu hnawk a, a room bang a ngheng vang vang a, a thaw hlawp hlawp bawk

"Jeon....jeon....in thunun rawh , ngaihtuahna fim hmang rawh"

A room bang ah a lu a sawh ri dat dat a, a sir a paper leh thlalak thenkhat chu beidawng zet in a lakang a

" Enga tinge engmah hi a dik theih loh , Kim Taehyung , engchiah nge i tih leh dawn ...."

A thlalak ken lai a hmet khawr vak a ,a sir ah a paih thuai a