بعد مرور عام
كان احمد يجرى مسرعا فى طرقات المستشفى الكبير يدفع زهره الجالسه على كرسى متحرك امامه وهى تصرخ بشده من الم الولاده
💥💥💥
حتى وصل الى قسم النساء وهنا استقبلتهم طبيبتها الخاصه الدكتوره دعاء
التى كانت زهره تتابع معها الحمل طوال الشهور الماضيه
وعلى الفور وقعت الكشف عليها وقاست ضغط الدم عندها ونظرت اليها وابتسمت دعاء بحنان وقالت لزهره : اهدى يا زهره علشان ضغط الدم عندك مش عاجبنى ودا غلط على الاولاد وبعدين لسه شويه على الولاده بس انا حعلق لك محلول وبعد شويه حنشوف ايه الوضع
وقامت الممرضه بتركيب المحلول تحت اشراف الدكتوره دعاء التى ابتسمت لزهره واحمد قائله انا موجوده فى مكتبى لو عايزين حاجه
اجابها احمد بلطف قائلا : شكرا يا دكتوره ............. وبعد ذهاب الدكتوره نظر الى زهره التى وجدها مشتعله بالغضب
نظر احمد الى زهره المكبوته بالغضب وسالها بقلق قائلا : حبيبتى انتى كويسه دلوقتى
اجابته زهره بغضب قائله : لا يا احمد انا مش كويسه انا عايزه ماما
شعر احمد بالقلق من حالتها النفسيه الراهنه واجابها قائلا : بس يا حبيبتى هى فى دبى وانتى كلها كام ساعه وحتولدى فطبعا مش حتقدر تجئ بالسرعه دى وتحضر الولاده كمان و......
قاطعته زهره بغضب قائله : انا عارفه يا احمد انا بولد مش مجنونه انا عايزه شاجى وهنا صرخت من الالم المفاجئ الذى اصابها..........
استدعت الممرضه الدكتوره دعاء بناء على طلب احمد.......وراقبها احمد وهى تمسك يد زهره بلطف وتعد نبضها قائله لها بلطف : ها يا مدام زهره جاهزه .........
توسلت زهره اليها برجاء قائلة : اه ارجوكى خلصينى من الوجع دا بسرعه من فضلك.........
نظر احمد الى زهره بتوتر والتفت الى الطبيبه قائلا : ارجوكى يا دكتوره مفيش مسكن ولا حاجه يخفف الالم ده عنها شويه
اجابته دعاء بابتسام قائلة : لا طبعا مفيش مسكن دلوقتى............ بس طبعا حنديها مخدر فى العمليات
وهنا اشارت للممرضه وقاموا بمساعده زهره لتبديل ملابسها ومساعدتها للدخول الى حجره العمليات بسرعه
ولكن قبل ان تذهب زهره معها جذبت احمد بقوه من قميصه حتى اصبح فى مستواها وهى جالسه وهمست له بالم قائلا : اتصل بشاجى يا احمد بسرعه........ ثم اضافت فى عنف : وبطل تسبيل للدكتوره احسن لك
وهنا عاودتها نوبه الم اخرى فصرخت وعلى الفور دفعتها الممرضه لغرفه العمليات وهو يجرى خلفها
YOU ARE READING
ليله القبض على زهره (مكتمله)
Humorظنت زهره بانها ماتت عندما مات زوجها الحبيب وبعد موته بعام تكتشف انه لم يكن كما كانت تظن وتتحول حياه زهره الحزينه الى مغامره هى بطلتها والرائد احمد هو بطلها ترى ماذا سيحدث عندما تلتقى زهره الرقيقه بالضابط المتعجرف احمد والذى تفضل هى ان تناديه خالد
