ဉာဏ်များလွန်းသော ခင်ပွန်းသည်

အခန္း (၁၆)/က

Burmese Translation of Fu Jun You Zhe Dian {夫君，悠着点} by Author 苏行乐.

အခန်း (၁၆)/က

Translator - Shi Sheng

--------------------

ရန်ကျင်းက သူ့သမီးကြီးနှင့် သူ့သမက်ကို ရန်အိမ်တော်တွင် နေကာ ညနေစာစားရန် ဖိတ်ခေါ်ခဲ့သည်။

ရန်ရှီးနဥ်က လိုအပ်တာထက်ပိုပြီး ရန်အိမ်တော်တွင် မနေချင်တာကို ဖေ့ကျင်းသိ၍ ရန်ကျင်း၏ဖိတ်ခေါ်ချက်ကို ယဥ်ယဥ်ကျေးကျေးပဲ ငြင်းပယ်လိုက်၏။

ရန်ကျင်းက ဖေ့ကျင်းနှင့် ရန်ရှီးနဥ်တို့ကို အရှေ့တံခါးသို့ လိုက်ပို့ခဲ့သည်။

"မင်းအမေ ဘယ်မှာလဲ" ရန်ကျင်းက ရန်ရှီးထင်ကို မေးလိုက်၏။

ရန်ကျင်းက မင်းသမီးခန်းဟွာကို စားသောက်ပွဲပြီးကတည်းက မမြင်မိတော့။

"အမေ နေထိုင်မကောင်းလို့"
ရန်ရှီးထင် ဆက်ပြော၏။

"အိပ်ခန်းဆောင်ထဲမှာ နားနေတာ"

မုဆိုးမလီကို တွေ့ပြီးနောက်မှာ သူ့အမေ ရုတ်တရက်ကြီး ထနေထိုင်မကောင်းဖြစ်တာကို ရန်ရှီးထင် သံသယဖြစ်မိသည်။

ရန်ကျင်း မျက်မှောင်ကြုတ်ကာ ခေါင်းခါလိုက်သည်။ မင်းသမီးခန်းဟွာက တဖြည်းဖြည်းနှင့် ယဥ်ကျေးမှုမရှိ ဖြစ်လာသည်ဟု သူ တွေးလိုက်သည်။

သူမအဖေ၏ အပြစ်ရှိသည့်မျက်နှာမျိုးကို ရန်ရှီးနဥ် သေချာမြင်လိုက်ရသည်။ သူ့ကြောင့် သူမခွန်အားတို့ကို အလကားဖြစ်မခံနိုင်၍ ယဥ်ယဥ်ကျေးကျေး နှုတ်ဆက်စကားဆိုလိုက်သည်။

"အဖေ ဖူကျွင်းနှင့်သမီး အရင်သွားတော့မယ် အမေက နေမကောင်းဘူးဆိုမှတော့ အဖေ သူ့ကို ကောင်းကောင်းဂရုစိုက်သင့်တယ်"

ရန်ကျင်း ပိုပြီး အပြစ်ရှိသလို ခံစားလာရသည်။ သူ့သမီးကြီးက တကယ့်ကိုပဲ သားသမီးဝတ္တရားကျေပွန်လှသည်။

ဖေ့ကျင်းနှင့် ရန်ရှီးနဥ်တို့ ထိုင်းမှိုင်းနေသော မြင်းလှည်းထဲတွင် ထိုင်နေကြသည်။
သူမက ပြတင်းပေါက်က ခန်းဆီးကို ဖယ်လိုက်ပြီး ယပ်တောင်လေးကို ဝှေ့ယမ်းလိုက်၏။