أسيره لمن لايرحم ...
بقلمي_ZAHRA'a
:::::::::::::::::::::::::::::::::::::
انفال ..غسلت الاماعين توني خلصت
وسمعت !!
صوت قوي رج المنطقه رج احس البيت اهتز من قوة الصوت كعدت بالكاع عله اركبي خليت اديه عله اذني وصرخت بوهن
واني احس الخوف دب بعروقي
مااعرف شنو الصار وشنو هالصوت ومنين جاي بس الي اعرفه قريب علينه
سمعت كرار يصيح بأسمي وانا خنست من الخوف
دخل للمطبخ دحك علي واجه لزم وجهي بين ادي وحجه وانا شفايفي ترجف ودموعي تنزل
" شششش كافي ماكو شي لتبجين "
رديت بخوف :-ش شنو هالصوت ش شصا ير
كرار... اسكتي ماكو شي
انفال... شهكت وانا اسمع صوت ضجه صار بره خلاني ع صدره ويهدي بيه
كام جاب مي شربني وغسل وجهي وكال
كرار... كومي اكعدي هناك خل اطلع اشوف شصاير
انفال... جلبت بقميصه :-لا لا لتعوفني
كرار...ماعايفج بس كومي بالصاله واشوف شصاير واجي
انفال... ورحت للصاله كعدت ع الكرويته بس انا كل ذره بجسمي ترجف
طلع هو ومرت ربع ساعه ونص ساعه وهو ماكو متت خوف علي
عبالي صارلو شي
انوب اسمع صوت الصفاره مال الشرطه والحريق والمنطقه ضجت
سمعت الباب انطبك حيل ودخل كرار
كمتلو واردفت بخوف واني الزم ايده
:-شصاير بره شنو الصوت القوي
كرار....انفجار
انفال...شهكت 'انفجار'
كرار ...اي
انفال ... خو مصارلك شي خو محد تأذه
كرار...لا مابيه شي بس ابو زينب توفه وماعرف جم واحد نقلوهم للمستشفى
انفال...لا اله لا الله وهاي الشرطه والاطفاء
كرار...اكيد يجون الشرطه جاا مونفجار وسيارة الاطفاء اجت اطفي النار الي كبت
انفال...كعدت ع الكرويته وجسمي كله يختض من الخوف حجيت "دخيلك ربي انوب انفجار اي طبولنه طبولنه الجرذان ، الله يستر"
..
..
..
..
..
احلام... بعد الم فضيع وونين وبجي
واخيرا لليل يله ولدت
طلعت الطفله خانسه متحجي يضربون بيه ولاجن لاتبجي ولا طلع نفس
كلبي نقبض وبديت ابجي بيه نفس بس المشكله خانسه شبعت كتل وراشديات ولاجن
تقريبا ب٥ دقائق يله طلعت صوت خفيف ظربته الدكتوره راشدي صرخت
هيه صرخت واني صرخت وياهه وابجي واكول بصوت متعوب وبي ونين
YOU ARE READING
أسيره لمن لايرحم
General Fictionاسيرةٌ الى شخص لا يرحم كل همه رغباته ، طلباته ، اوامره إن عصيت سيكتب عليك الموت يعذب ويجعلك تتمنى الموت ولا تجده تطلب الرحمه ولا تجد من ينصرك لقد بدأت من نقطة مظلمه هي الرحم ، وأسيرُ نحو نقطة مضلمه اخرى هي القبر ، إحدى النقطتين تقذفني من هاويه...
