رغم اشتياقي

البارت 8

رواية_رغم _اشتياقى
بقلمي_سارة خليل
...............................................................
في المساء
استيقظت زينة ودلفت الحمام اتوضت وارتدت اسدالها وخرجت
أدت زينة فريضتها وهي تدعي الله أن يوفقها

نزلت زينة ولقيت سارة وهنا و رضوى ومعاها اربع بنات متجمعين وعمال يضحكو ويهزروا مع بعض
سارة رأت زينة فنادت عليا
سارة: صحي النوم يا زينة تعالى
هنا: صحي النوم يا زوزو دا كله نوم
زينة جلست على الأريكة بجانبهم
سارة: احب اعرفكم يا بنات دى زينة وهى هتسكن معانا هنا لفترة
ونظرت سارة للبنات وقالت: دولى بقا يا زينة أعز من بناتى سهر وديما وحياة وجنى ثم نظرت لهنا وقالت: طبعا دى هنا
زينة: تشرفنا يا بنات
ديما: اهلا يا زينة منورة الفيلا والله
زينة بابتسامة: منورة بصحابها
جنى: وانتى بقى عندك كام سنه
زينة: أنا عندى ١٩ سنه فى أولى في كلية هندسة
سهر: انتى مع هنا على كدا .. اخيرا يا هنا هتلاقي حد معاكى
زينة: وانتو بقى مش هتعرفونى عن نفسكم
سهر: أنا عندى ٢٥ سنه متخرجه من صيدله
ديما: وانا في اخر سنة من كلية الآداب
حياة: وانا وجنى في تانيخ ألسن واحنا الخمسه طبعاً اكتر من اخوات
ديما: ياريت تنضمى معانا هنفرح اوى
زينة بتقوم وبتقعد جمب ديما وتقول: وانا طبعا يشرفني ابقى صديقتكم
هنا: لا بقى كدا لازم حفله
حياة: حفلة مين يا ماما روحي زاكرى
هنا  بضحك: عليا الطلاق ما ليا فيه بكره هنروح نحتفل كلنا
زينة: هنا معاها حق انا حاسه انكم مضغوطين علشان الامتحانات فكوا عن نفسكم شويه
ديما: تصدقى معاكى حق يا زينة احنا مش بنطلع من الفيلا غير ع الجامعه بس
سارة: وانا موافقه يا حبايبى لازم تخرجو تفكو عن نفسكم شويه
سهر: يا سلام على العقل
_______________________________
فى مكتب مراد
مراد قاعد في المكتب وسرحان
تليفونه رن
مراد: أيوا يا سيف في اى
سيف: اى يا عم الدخله دى
مراد: اخلص
سيف: اعوذ بالله عالعموم اتصلت علشان اقلك أن فهد نازل مصر بعد يومين
مراد: يا مرحب بيه،  ينور مصر، عايزك تعمل كل الإجراءات لاستقباله
سيف: متخفش مجهز كل حاجه، قريت الملف اللي بعتهولك ولا لسه
مراد: لسه هقراه دلوقتي
سيف: اوك سلام
عند مراد
مراد مسك الملف
وقرأ اسم زينة بالكامل واتصدم بشده وجرت الدماء في عروقه
ازاى مستحيل هو عايش!
امسك هاتفه واتصل بشخص
مراد: عاوزك تجيبلى كل المعلومات عن خليل عطيه وتعرفلى إذا كان عايش ولا لا
الشخص: متقلقش يا مراد بيه نص ساعة واكون جايبلك كل حاجه عنه
أغلق مراد الهاتف وأمسك الملف وقرأه

بعد نص ساعة
اتصل شخص بمراد

الشخص: مراد بيه الشخص اللي طلبت معلومات عنه عايش موجود في القاهره ومعاه بنت بيقولوا أنه متبنيها وباقي المعلومات بعتها عالايميل بتاع حضرتك
مراد: تمام
أغلق مراد الهاتف وفتح اللاب توب بتاعه وقرا الملف والذى كان يوجد به ان خليل يعمل فى مصنع ولسوء الحظ المصنع دا لمراد في القاهره
مراد: اخيرا لقيتك والله لوريك ايام سودا إنت وعيلتك اللى انت متعرفش انها عايشه اصلا
وخرج من غرفة المكتب متجها لغرفة ريم
...........................................................
دلف مراد غرفة ريم وجدها تبكى
مراد: في اى يا ريم مالك
ريم: ولا حاجه يا خالو
مراد: ريم متخبيش عليا قولى في اى
ريم: كل صحابي هيروحو مع أهلهم الملاهي بكره علشان بكره إجازة وانا افتكرت ماما بس
مراد: انتى بتعيطى علشان كدا؟ امممم طب أى رأيك هنروح انا وانتى بكره نتفسح
ريم: حقيقى ولا بتهزر
مراد: هو انا بهزر بردو
ريم: لا بس مش مصدقه، انا بحبك أوي بجد هو انا ممكن اقولك بابا!
مراد بفرحه: انتي بتسألي؟
ريم: انا مشوفتش بابا بس اكيد لو كان عايش كان هيحبنى زيك أكيد
مراد احتضنها وقال في نفسه: والله يا ريم ورحمه فاطمه عندى لدفعهم تمن كل دمعه نزلت من عيونا غالي اوى
خرج مراد من غرفة ريم واتجه لغرفته