#جوليت وأسرها....

بارت 22

البارت الثاني والعشرين
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔

جوليت دكول العاصم..

چلمات المعاتَب گضن ! وانت اعلة طبعَك ذاك ..
🖤🍃

...................................

جولييت

غصبا عني يخنگني الحنين  الذكريات ما ترجع ولا تعوود وغصبا عني احن لامي رغم تركتني وجودي بنص ماما رضيه وخالتي صبريه يذكرني ويحسسني بوجود امي...

جنت كاعده بنصهن واني دا اتريك وخطيه ماما رضيه توكل بيه وتشربني

وخالتي صبريه تسولف وتاكل وتدخن واني كل شويه وكحيت حييل من ريحة الجكاير...

سمعت صوته طلع من الغرفه كال ...صباح الخير

رفعت راسي واني تايهه وما اعرف وين هو بس الصوت يوجهني الشخصه المميز

ابتسمت بحزن ونزلت راسي همست...صباح النور

حسيت بي كعد بصفي ولف ايده علئ ظهري هاي طريقته المعتاده من يكعد بصفي يضل يتحرش بيه وتقشعر جسمي من لمساته الظهري

جنت اضوج حييل وهو داهيه محد يحس بي واني اضل اتلوئ بين اديه مثل السمجه الطالعه من المي دائما يحرجني هييج

وهل مره حرجني كدام صبريه ورضيه واني راح ابجي والله ميصير هيج يسوي بيه ...انوب مشكله مدا اشوف ...

حسيت بكوب الجاي قريب من شفايفي لزمت ايدها هاي امي رضيه ماكو غيرها فديتها وفديت حنيتها وكلبها الطيب تسوي اليه لفات صغيره وتحط بيدي

جاسر اخذ اللگمه من ايدها وبعدها عني وكلها بهدوء...يمه لا توكليها هيج لگمه لگمه سويلها لفه كامله وخليها هي تاكل بيدها

ردت عليه بحنانها المعتاد...يمه شعندي غير بنية گلبي جولي خليني ادللها ...

لزم ايدي وخله اللفه كامله بيدي وجر نفس عميق ورد عليها...لا يمه هييج احسن خليها تعتمد علئ نفسها...

لزمت اللفه قربتها من شفايفي واني استمع الكلامهم واحس غصه بصدري وحرگه ببلعومي خنكتني العبره

وجبرت نفسي اخذ عضه من اللفه بس ضلت بحلكي اقلب بيها بمرارة وما اكدر ابلعها حالتي تصعب علئ الكافر حاولت اثبت نفسي واصبر روحي واحارب دموعي بس ما كدرت

نزلت اللفه بالصينيه ونزلت دموعي بعد ما بلعت ريكي المر

حسيت بي احتضني وهمس عند اذني...شبيج حبيبتي ليش تبجين

همست بصعوبه...مم ما ادري احس بشئ يحز بنحري وينحرني مختنكه حييل

جر نفس ونفخ بضيق كال...شبعتي لو بعدج