خُلِقت بين الفحول فاصبحت منهُم

البارت 16

الكاتبه : آيه محمد
العنوان : خُلقت بين الفحول فاصبحت منهم

----
-------

البارت 16

زمزم : ( شفت علي متوتر مدنگ راسه ووجها صاير دم اعصاب ايده ناطه ومكور ايده كانما منتظر الفرصه حتى يهجم اتقربت عليه وگعدت على ركبي گدامه حوطت وجها بايدي چانت عيونه بيها عتّب وحزن كانما يعاتبني ليش اجيتي وشجابچ هنا )

علي : ( من اتقربت مني وخلت ايدها على وجهي چان بنفسي اعاتبها بس انه السبب ) زمزم ما بيه شي لا يظل بالچ ودفعت ايدها

زمزم : ( ادري بي يكابر وخاصه من دفع ايدي ردة فعله بقهر اتقربت منه وخليت راسه على صدري ولميته بحضني) فضفض اللي بگلبك واحچي ستر وغطه عليك انه

علي : ( من اتقربت عليه ولمتني بحضنها وخلت راسي على صدرها حسيت بدفو حياتي كلها محاس بي گبل وبدون ما احس بادلتها الحضن وضميت راسي بصدرها كانما اريد اشرد اريد انفض هالصور اللي من البارحه واليوم ما خالاتني بحالي صورة خاله سلمى من تباوعلي بنظرة الذنب والصوره اللي شفت بيها زمزم وهي جوه هذا السگط حضنتها حيل حسيت ضلوعها راح يطگن بين اديه)

زمزم : ( اول مره ما انطه اي ردة فعل من حضنته بس جامد وره شويه بادلني الحضن صح حضني بقوه بس گلت ميخالف دام هالشي راح يساعده ويشيل الحمل عن گلبه انه موافقه ظل ساكت وضام راسه بصدري ما اسمع شي غير انفاسه السريعه والحاره حسيته بچه وما حبيت احرجه سويت روحي ممنتبها اصلا شويه وابتعد عني)

علي : يله هم يالا نرجع للقصر

زمزم : ( اتذكرت زينب نسيتها يربي ) اي علي نسيت زينب منتظرتني بباب القصر

علي : ( فتحت عيوني على وسعهن ) ولج شسوي زينب بباب القصر لج زمزم انت ناويه تجيبيلي السكته چنت بواحد صرت باثنين بله انت شلون وياچ

زمزم : ( عاط بيه وحسيت گلبي يدگ بيافوخي حقه والله بس هو لو راجع للبيت مجان صار اللي صار ) اسفه والله بعد ما اعيدنها اخر مره هاي ( احجي بهدوء ومنصيه راسي)

علي : لعنة الله عليك يالشيطان امشينه يله هسه اروح الگاها منهوشه ( ماكوله ) من چلاب العرب

زمزم : ( ضربت على صدري وركضت ) يا خيه يا حبيبه يا زينب ( نسيت انه بدون حجاب ما اسمع غير علي عاط بيه )

علي : لچ زمزم شعرچ بنت الاوادم اشتعلوا سلف ال عزام على سوايتچ ادري هذا عقلچ لو بس افهم بشنو يفكر انه بخير طالعه انت وعطوبچ شنو فوتي لبسيلچ شي بسرعه

زمزم : ( دنگت ومشيت بدون رد حقه والله انه اجلط حتى المطي بغبائي فتت لبست خمار وطلعت) ها هسه تمام

علي : عطوبچ من گدام لميهن لا المهن انه وما اخليلج ولا شعره طالعه

زمزم : ( حچيت بگلبي استغفر الله هذا الرجال بس يدور مشاكل عنده كلشي بالتهديد ماكو شي اسمه يمه ارحميني ( تفاهم )