ألم الخذلان

البارت العاشر

عيوني تعاركن بالغيره حد الموت
اذا تشوفك اليسرة اليمنة منتحسة
ومعذور ليغار عليك تعرف ليش؟
جمال البيك حتى يغار من نفسة
ما شبهك گمر هو يتشبه بيك
لأن ام الگمر چانت بيك تتنسة
سفينة الشمس ماترسي بشواطي الكون
بس خدود وجهك للشمس مرسه
ومن گد ما حلو لمن تمر بالناس
تگوم تغني حتى الوادم الخرسة

****&&&&&******
مر من يمي ...وكال جبير. ميفيدج ..

عزاا هذا عباله معجبه بي ...

جيهان ...شنو شكال ...

انداريت ولج شفتي العم شون شخصيه...

باوعت عليه صفح ...

جيهان ...ابن اخوه جبير كخه. .بس العم حلو ..

نيفين ..ههههههه وج لا اني عجبتني شخصيته..

وتخيلت انتي زوجته ..

ضربتني على راسي بخفه ...

جيهان ..الافلام الهنديه مأثره على عقلج...

نيفين ...اممم نشوف ...

جيهان ...يلا خلي نروح على ارسلان ..

اذا ماعنده شي نرجع...

باوعت على ساعتي ...

نيفين ...هو اصلا قرب وقت انتهاء الدوام ...

صعدنا للطابق الثالث ...تواجهت ويه حسام.  

مدري هذا شبي وين مااروح اشوفه ...

حسام ...اهلا نيفين ...شونج

نيفين ..هلا حسام ..بخير ...انداريت على خالتي

اعرفك خالتي جيهان..خاله هذا حسام يداوم بقسمي

حسام ..ماشاءالله عبالي اختج..

جيهان ..ههههه تشرفت بيك ..من رخصتك ..

حسام.. مرخوصين ..

جيهان ...امم يداوم وياي ..

نيفين ...مو الي بالج اصلا غثيث مااطيقه. ..

جيهان... ليش انتي منو طيقين ...

نيفين جاوبتها واني اغمزلها ..ريسانو ..

جيهان ...ادبسززز ..

دكينا الباب ...وسمحلنا ...

دخلنا يبووو الغثيث وعمه الصاك..

السلام عليكم ...

ابتسملنا ارسلان ..هلا فوتو ..

استاذ ريسان اعرفك ..

قاطع كلام عمو بصوته القوي ..

ريسان ..ميحتاج ارسلان ..نيار عرفني عليهم..

ارسلان ..اي زين لعد دخلو بنات ..اكمل شغلي ونطلع

جاوبنا بتمام ..وكعدنا عالكراسي ..