مرايا(مجلد قصص قصيرة)

الكاتبة#فيد عبدالله

صباح الورد ياورد  اشتاقيتلكم شلونكم اعوفكم وية هالقصة القصيرة بعبارتهة لكن عظيمة بعبرتهة واتمنى تاخذون الحيطة والحذر واتمنالكم دوام السلامة والامان يارب😇

المرايا الثانية
فيد عبدالله

انسان عايش حيااتي بالطول والعرض هذا مختصر حياتي ربيت وكبرت من كفولتي وكح ومشكلجي وراهة مراهق مندفع ماخلة شي ماسواه تعبت  اهلي وهلكت ابوية باغلاطي وسوالفي واخرشي شاب طايش يحب يسوي كلشي جنت زين بالمدرسة انجح يعني وهالشي يمكن جان يخلي اهلي يخففون عقوباتهم وياية نجحت ودخلت جامعة وعشت علاقات وصداقات وسهرات وطلعات وحتى شرب جنت اشرب ماخليت غلطة ماسويتهة

،،ومشيت بطريق الحرام الجان اسود وظلمة يغويك ببرهجة وراحة وتوصل نصة ويبدي يسحبك لاشياء اكبر وتسوي سوالف بعمرك وحياتك ماجنت متخيل تسويهن،، يوكعك،، تظل تمشي بي بس تريد نهايتة بس متدري هو مالة نهاية نهايتة هي بوكعتك انت ،،

اتعرفت على بنية بالجامعة والاصح اتراهنت عليهة اجيبهة للطريق جانت بنية هادئة منطوية متخالط حتى بنات نادر بحيث ختى ماجنة منتبهين عليهة كدما منعزلة ومن ركزنة وياهة جانت  شايلة جمااال وحسن يوسفي من صدك عيون كبار خضرر وخافيتهن بنضارة طبية بياض نعومة نزاكة لافتهن بحجاب ولبس عررريض حتى صوتهة قريب للهمس من تسلم من تدخل القاعة متاخرة دائما ومااعرف ليش المهم حاول الكل يتقرب منهة وهي تصد كعدو بمرة شلتنة ويسولفون وجابو طاريهة وطلع كم واحد محاولين وصادتهم وصارت تحدي بالنسبة الهم كتلهم تتحدوني لنهاية السنة اني وياهة نمشي ايد بايد واذا ما صارت اني عاار  الكل ما صدك كتلهم تشوفون خبراتي

وصدك بديت احاول اتقربلهة بالبداية كمت اتعمد افوت ابتسم واسويلهة حركة سلام بدون مااحجي مرة ثنين تلاثة عشرة كامت تبتسم وتدنك بدون مترد وراهة كمت اسلم بصوت وكامت ترد اتذكر بمرة صارلنة امتحان وغيرت كعدتي صرت وراهة واتعمدت اسألهة تغششني بس هي قافلة يمعودة فاتحة عمي وماقاري حبابة ياام الغيرة ماكو مطنشة  كلت انلاصت لو ضال معتمد على جماعتي احسنلي لا اتقربتلهة ولا راح انجح  اخر شي كملت وكامت تريد تسلم ورقتهة وجان تذبلي قصاصة ورق ومشت  سحبتهة وطلعت حل للأسئلة حليت وسلمت من طلعت هي واكفة وية بنات باوعتلهة ابتسمت وهزيت راسي بامتنان هي ابتسمت ودنكت بس شنو شو سحلتني هالابتسامة سحل لا ولك مو انت التنصاد

ورة يومين جانت كاعدة تقرة اجيت وكفت يمهة وحجيت،،ماصارتلي فرصة اشكرج عالمساعدة لولاج جان انلاصت لان ماقاري حجت وهي مدنكة بس شنو يبوووي غير ذبت

(لاماصار شي نبقى زملاء)

حجيت واحاول اخليهة تتطمن،،شكرا مرة ثانية اني اترخص مااحرجج اكثر مااريد تجيج حجاية من وراي ومشيت بس حسيت هالحجاية جانت الطعم الي خلاهة تأمن كامت تفوت تسلم اذا وحدي وبمرة ضيعت ملزمتهة واجتي مرتبكة وحجت وبودهة تبجي