نارة

١٣ج٢

مسـاء الخير حبايبي
نارة
اغلب النـاس ماجاي تطلع عندهم البارتات احذفوا القصه ورجعوها يطلعلكم اني يوميا بال٥:٠٠ ضبط انشر
_______________
اليوم الثاني راح لؤي لبغداد واحنه رجعنا للبيت بليل اجه السيد بس مادري شبي ملامحه مكلوبه وجهه اصفر مزعوج ضايج ساله علي شبيك جان يكله بخبر صدمني بحيث خلاني انصدمم

السيد
خالد

يا خالد هااااا اييي شبيي؟!

السيد
شبيج هيج خترعتي ونبزتي من مكانج

جسمي كام يرجف وهوه يجيب اسمه ع لسانه اريد احجي بعد ماكدر تلعثم لساني حته

ابااوع ل رند تباوعلي بخوف راسا كاال علي

علي
شكو شبي

السيد
اليوم سمعت خبر موته احمد كالي صارله بال شهر ونص طالع من بيته وداعمته سياره اتصور كل هذا واني ماعرف

علي
انا لله وانا اليه راجعون الله يرحمه ويجعل مثواه الجنه ولو الله يرحمه تعب اهله هواي

السيد
كلشي نسيته ونسيت كلشي سوآ ضجت ونقهرت كلشش عليه خاصتا امه وابو وحدهم شويه و اروح اشوفهم يكلي احمد بيتهم ايجار وابو الاجار محورب عليهم لان مادافعين اروح اجيبهم وناجرلهم بمنطقتنه واني اتكفل بكلشي اول وتالي هوه صديقي جان الله يرحمه

الخبر كارثي مادريي الي صار وياي معقوله اني احلم!

عود يعني صدك مات

السيد
هاي شبيهه البنيه اليوم شو حيلل ستثولت اكلهه الولد صارله شهر ونص ميت تكلي هيج يالله بالله

علي
شبيج تغير لونج اكوشي

ها لا ماكو بس انصدمت

باوعت ال رند الي تباوعلي والدموع بعيونها خلت وكامت كمت وراها صعدنه للفوك من الفرحه مادري شسوي

مدري ابجي مدري اضحك والله
العضيم حرام واحد يشمت ب انسان وخاصتا هوه ميت بس هوه جان سبب بموت انسانه وهيه عايشه

حضنت رنـد حيل وهيه تنشاغ وتبجي بحضني كمت ابجي وياهه دموع فرح تراودتلنه احس القلق الخوف كله راح منهه جانت عايشه ايام كلهه قلق كلهه حزن

بس الله مايعوف الانسان بشده اله مايگضيهه والحمدلله وشكر

هديت رند وگتلهه كلشي صار الله بي حكمه واراده بي

كل الي سوا بيهه واحنه مقهورين عليه بس هذا جزاء الي يسوي ويلعب ع اعراض الناس ماكو عقاب غير الموت او تنردله نفس ماهيه

نزلت واني احس هم انزاح عني وهاي اول مره افرح ب اذيه انسان
شفت السيد طاب لغرفته شويه وطلع مبدل خله وراح

خطيه امه حيل خوش انسانه وفقيررره كلش وابو هم دائما يحجون عليه الولد كلش خوش رجال وناس شايفين وعايفين اهل خير بس ابنهم كعدهم ع الحديد