غضب عاشق(دكتاتور)

الغضب الثاني ج2

روِأّيِّةّ 💕غٌضّبِ عٌأّشٍٍقِ💕

أّلَګأّتّبِةّ 💕تّرتّوِشٍةّ أّلَتّمَيِّمَيِّةّ💕

..
اشتقت لشخص..
كان يوصيني بأن انتبه لنفسي كثيرآ..
ليتني استطيع ان اخبره..
انني فقدت نفسي عندما غاب..❤️‍🩹

..
لاتنسون التصويت..
تعليقاتكم تهمني..

انصدمت وخفت بنفس الوقت
بسرعة قفلت الباب حتى محد يدخل ويشوف

مشيت بحيل مهدود اخذت ملابس ودخلت للحمام سبحت وطلعت

واني التفكير اكلني اكل يعني هسة اني حامل والطفل راح يمووت بسبب النزف!!

تذكرت لما صار عندي نزف وتمددت وبكر رفع رجلية بمخدة حتى يخف النزف
غيرت فرشة الجرباية وخليتها بالغسالة ورحت فتحت قفل الباب

جريت قميص بكر تمددت خليت جوة رجلية مخدة ورفعتها

احتضنت القميص بقوة واني اشهك:بكر بنيتك حامل يعني راح يصير عدنا طفل ليش هيييج عفتني محتاجتك هواي.....مو كنت تكلي لاتبجين ابد....مو من تشوفني ابجي تعصب عليه وماتقبل ابجي....هاي اني صارلي 10 ايام ابجي وتاركة علاجي....يلا تعال عصب عليه اضربني قابلة والله بس ارجع......

ضليت ابجي لحدما غفيت حسيت بدفو ايد ع شعري نزيت:بكررر

ام بكر بحزن:اسم الله بنيتي

نزلت دموعي وخليت راسي ع صدرها وجريت ايدها خليتها ع راسي:بكر يحب هالحركة

بوست راسي وضلت تمرر اصابعها بين خصلات شعري وتهمس بأنذباح وصوت باكي:دللول يالولد يبني دللول....عدوك عليل وساكن الچول....

الشهكة شگت صدري واني انحب وهي صوتها يگطع الگلب

اندك الباب خليت الشال ع راسي وعدلت دشداشتي

ام بكر:ادخل

دخل مصطفى مدنك رفع راسه شفت عيونة كلها دموع ووجهة احمر محتقن:شلون صرتي هسة

همست بصوت مبحوح:شوفت عينك

زفر نفس بقهر:ليش هيج تسوين بنفسج تارة حرام عليج كافي تأذين بكر

عضيت شفايفي ورفعت عيوني واني احاول اتماسك نفسي وماانهار للمرة الألف كدامةة:مو بأيدي مصطفى الخسرتة مو قليل

غمض عيونة كأنه يستجمع قوتة:سليم متخبل ويريد يرجع للعراق ويترك علاج خالي

همست:بعد احسن خلي يرجعون للعراق

مصطفى بعصبية:تارة صدك تحجين انتي ماتفكرين بأبوج!! ماتريدين ابوج يكمل علاجة ويرجعلج بخير وسلامة

سكتت ماحجيت فعلآ اني اريدهم يرجعون بأسرع وقت ومن جهة ثانية بابا قطع ثلاثة ارباع طريق علاجه ومابقى غير شهرين