Huling Sandali (Jhobea)

Chapter 69

Ella's POV

Nang mabalitaan kong dinukot ni nico si bea ay nagmadali akong tawagan ang team. Nagpatulong na rin ako sa mga kaibigan kong pulis at LTO in case na maisip ni Nico na lumabas ng manila.

Ngayon nga ay tinatahak namin nila jia ang daan patungong hospital kung saan dadalhin sina Jho. Gusto kong umiyak sa galit at lungkot dahil sa sinapit ng dalawa.

Wala naman silang ginagawang masama. Nagmamahalan lang naman sila ngunit bakit ganito ang kapalaran nila.

"Jia ano na daw balita kina jho at bea?" Tanong ni maddie na bumasag sa katahimikan ng nasa loob ng sasakyan ko. Ang mga kasama ko dito ay sina maddie, ponggay, deanna, jia at trey. Yung iba ay sa iba na din naming mga kateam sumakay.

Si Ly at den naman ay sinamahan sina tita lovel para kahit papano ay may umagapay dito.

"Hindi ko pa alam mads. Hindi din kasi sinasagot nila ate ly ang mga telepono nila" sabi ni jia kaya napabuntong hininga ako. Mas binilisan ko pa ang pagmamaneho para makarating agad kami sa hospital.

Wala nang nangahas pang magsalita saamin kaya nagfoucs nalang ako sa pagmamaneho.
Pagkarating namin ng hospital ay nagpark agad ako at tumakbo kami papasok ng hospital.

"Miss, saan po dinala si Jhoana Maraguinot at Bea De leon?" Tanong ni Maddie sa nurse na nasa information desk.

"ICU po ma'am. Diretso niyo lang po yung daan na ito and liko po kayo sa right. Sa pinakadulo yun na po yun" sabi ng nurse. Nagpasalamat kami at tumakbo papunta sa ICU.

Pagkrating namin doon ay naabutan namin ang pamilyang de leon at maraguinot kasama sina Ly.

"Kumusta sila?" Tanong ko pagkalapit namin kina ly. Nagkibit balikat lang si ly kaya napabuntong hininga ako.

"Hindi pa lumalabas ang dalawang doctor na tumitingin kina jho" mahinang sabi ni den kaya napaupo ako sa tabi niya.

"Sana walang mangyaring masama sakanila" bulong ko at tumango naman sila.

"Ipagdasal nalang natin na sana nga walang mangyaring masama sa dalawa" sabi ni jia kaya tumango kami at pumikit at nag usal ng dasal para sa dalawa.

Lord wag niyo hong pababayaan sina jho at bea. Sobrang dami na pong pinagdaanan ng dalawa wag niyo na ho silang pahirapan pa. Hayaan niyo na ho silang maging masaya.  Amen.

Pagkatapso kong magdasal ay iminulat ko ang aking mga mata at tumingin kina tita lovel at tita det na kasama ang kanilang mga asawa.

Halata sa mukha nila ang pag alala lalo na ni tita det at tita lovel.

"Si nico nga pala ate ly? Kumusta?" Pagbasag ni trey ng katahimikan.

"Patay na. Hindi na nakaabot ng hospital" sabi ni Ly. Walang nagsalita saamin dahil siguro sa galit.

Kung nasaan ka man Nico, sana matahimik na ang kaluluwa mo.

Tumayo ako at lumapit kina tita lovel.

"Tita" mahian kong sabi sapat na para marinig nila ito. Tumingin sila saakin ni tito john at mabilis akong niyakap.

Niyakap ko lamang siya ng sobrang higpit. Close ko din kasi ng sobra si tita lovel dahil nga nung panahong broken si Jhoana ay lagi ako nitong kasama kaya naman parang pangalawang nanay ko na ito.

"Shhh. Tahan na po tita. Magiging okay lang po si Jhoana at bea. Mga masasamang damo yun eh" biro ko pa at narinig ko pa ang mahinang pagtawa ni tita. Bumitaw siya sa yakap at nagpunas ng kanyang luha.