Mula pa pagkabata hindi na normal ang pakiramdam ni Summer dahil sa mga nakikita niya na hindi pinaniniwalaan ng mga taong nakapaligid sa kanya. Mas lalong hindi naging normal ang pakiramdam niya nang hanggang sa pagdalaga ay dinala niya ang kanyang lihim na pagsinta sa nakatatandang kapatid ng matalik na kaibigan--- si Alejandro na isang mandirigma. Hindi sila puwede dahil may sumpa raw ang makipagrelasyon ang taga-isla sa isang mortal na tulad niya. Pero umamin sa kanya si Alejandro, mahal rin siya nito. Susuwayin ba nila ang batas ng Isla? Kahit may sumpa?