Paano kung ang isang taong pinanghahawakan ang pagkakakilanlan mula pa sa nakaraan, ay natagpuan ang isang taong takot sa kung sino siya sa kasalukuyan? Sa buhay ng isang tao, may iilang pag-ibig na tila isang alon: panandalian lamang. Ang nais lang talaga ni Aiken ay ang maibalik ang dating siya - magaling, at maraming napapatunayan. Subalit, kahit anong gawin ay hindi niya iyon mapagtagumpayan. Hindi katulad ni Aiken, si Lucas ay happy-go-lucky lang. Malayang kaluluwa na madalas pinalilibutan ng mga kaibigan. Ngunit, sa ilalim ng masiyahing panlabas ay isang sikretong kung maaari'y itatago niya hanggang kaya. Ang Daluyong ay kwento ng dalawang lalaking nakahanap ng pag-ibig sa 'di inaasahang lugar at panahon.