ظـاهر حسن 📎

♥

انا شفت كولشي بالدنيا واكثر فئة
          عجزت افهمها الناس اللي تحب دور
          الضحيه، تحب تبين مظلومة دائما،
          شوكت ما يحجون يخصصون بالذكر
          فقط الاشياء اللي انظلموا واتاذوا بسببها،
          ما يذكرون انه اكو ناس ممكن تكون
          ضحيتهم او اتاذت بسببهم، تلاكيهم على
          طول هم المظلومين والمجروحين لكن 
          واقعيا هم مختارين هذا الجانب، ومختارين 
          كلشي ياذيهم ويظلمهم! لا تشكي/ن من 
          اختياراتكم، انتو اللي حابين طريق الاذيه،
          بينما الصح واضح وضوح الشمس♡
          
          قال تعالى:(وما ظلمناهم ولكن كانوا انفسهم يظلمون)
          

@ 6hm_y6  تسلم يابه ✨

ألحُب بالمواقع أو عَبر الإنترنت
          هـواي منكُم يطرَح هذا السؤال علىٰ ألناس هَل حُب الإنترنت صادق ؟ أو حُب الإنترنت إيجابي أو شيء صَحيح ؟ أو وَهمي ؟ ، شوف عَزيزي مَشاعر الإنسان مُستحيل تظهَر كاملةَ عَبر مَوقع تواصُل أو برنامج أو عَن طَريق مُحادثات ، ومو مُمكن أن يستمر علىٰ هذا ألنَحو ليش ؟ ، كُلنا نعرُف ألحُب نَظرة وتبادُل مَشاعر حقيقيةَ وليسَ أفتِراضيةَ ، ونعرُف كذلك ألحُب عبارة عَن فهم ألطَرف الآخر من خِلال ألاسلوب والشخصيةَ وتبادُل الآراء الصَح من خلال لُغة ألجَسد وغيرهـا ، مُستحيل تكدَر تعرُف كُل هذا عَن طَريق مُحادثة بينكُم بالخَاص ومُستحيل تكدَر تعرُف ردود فعل ألحقيقية ألكاملة بهذا ألشخُص ومَتكدر تعرُف أو تفهَم شلـون يتعامَل بِخصوص مَوضوع أو مَوقف مُعين بالواقع ،  وخَلينـا نعرُف أنُ الحُب ألصح "الحلال" لا يَكتمل إلا بالنظرةَ الشرعية أو تَلاقي الأرواح (الْأَرْوَاحُ جُنُودٌ مُجَنَّدَةٌ، مَا تَعَارَفَ مِنْهَا ائْتَلَفَ، وَمَا تَنَاكَرَ مِنْهَا اخْتَلَفَ) ، وأحنـا دائمًا نكول إذا الشخُص وقع بهذا ألحُب لازم يخرُج أو يخَرجة من ألعالم الأفتِراضي لأن ألاستِمرارية بهذا الحُب وَهم أو تَسلية وعَامل ألتَعويد هنـا يلعَب دور أساسي أنتَ كـ شخُص عندَك فَراغ وحَبيت أو وقعـّت بهذا ألشيء راح تتعَود عليـة وتفرضةَ حُب علىٰ نَفسك بس بالحقيقةَ هذا مُجرد خَيال عاطفي ، والأهم يكون ألانشِراح وألارتِياح أساسي بينهُم أنـي أليوم ما أكدر احكُم علىٰ شخُص من خِلال كتابـة أحيانًا ألرسائل تكون غِطاء ستر علىٰ اسلوب ألشخُص المُقابل ، والحُب ألفعلي هوَ حُب ألصِفات ومنهـا ألدين والأخلاق ألخِلال ومنهـا ظاهريـة كـ جمال ألشكل لكن جَمال ألروح بلا حدود ، كَيف تكدَر تجمَع كُل هذهِ الأمور بمُحادثة ؟ اكيـد ألجواب أو ألفِكـرة دخلَت ألعَقل من أوسع ابوابه ، ومن خلال هذا ألموضوع تحَدد نوع علاقتك أو نوع حُبك هَل يُبقىٰ إعجاب برسائل شخُص أو تحاول تخرجةَ من عالم ألافتِراض وتحولـةَ واقعي صَح ؟ ، وخَليك واثق بَقاء علاقتَك سنة أو سَنتين أو أكثر عَبر الإنترنت هيَ مُجرد إثبات ألتَعويد وليسَ ازدياد ألحُب أو ألمَعرفة أو التفاهُم

سؤال بَسيط أيهما الأهم رب العالمين ام ألناس ؟ طَبعا تلقائيًا راح تكول رَب ألعالمين أهم من كُل شيء لأن ألبَشر مَخلوق و رب العالمين الخالق ، هذا راح يكون جَوابك أذا سألك أحد ألاشخاص أو اذا سألتك أني ، والمَوضوع الأساسي هوَ كثير من الأشخاص حاليًا بالمُجتمع ألعربي والعراقي خَاصة يهمهُم نَظرة ألناس ألدينية تجاهُم ألمَعنىٰ مو مُشكلة أسوي اشياء تغضب رَب العالمين وأعتبرة شيء عَادي جدًا لكن أذا شخُص أخذ عليةَ نَظرة أنُ اني مقَصر أمام رَب العالمين راح أحاول بكُل ألطرُق أقنعه أنُ أني مؤمن أنُ أني مُتدين وصائم ومُصلي وتَقي ، وبالمُختصر أحاول أكسَب نَظرة ألناس ألي والأهم هذا ألشخُص يعتبُر هذا الشيء طَبيعي وعادي وراح ياخُذ حَسنات ورضىٰ رَب العالمين والواقع غَلط أو هَاي ألنَظرية مَغلوطة ومُجرد كَسب ألوَقت وحُب ألناس ونظرتهُم تجاهك لغَرض مَصلحة عامة أو خاصة أو تَيسير عَمل أخر ، رياء ألدين والأخلاق بهَاي ألطَريقة مَتنفعك أنتَ ولا تنفَع جمهورَك ولا ألناس ألـي أنتَ تحاول تكسبهُم وتكسَب نظرتهُم الك ، بيوم ألحِساب كُل شخص يأتي بأعماله تجاه دينه أنتَ شسويت من أعمال تتحاسَب ، الأشخاص نفسهُم ألـي حَاولت تكسَب نظرتهُم ألك مَراح ينفَعوك بشيء وكُل شخُص يكول "ياروحي" أو "يانفسي" باللهجة ألدارجةَ عدنا  ، وبالاخير هذا يُسمى تصنُع ألدين أو تصنُع في ألدين وأخطَر شيء في ألدين هوَ هذا وعليكُم أنتُ تبتعدون عَن هاي الظاهرةَ وتبتَعدون عَن هكذا أشخاص لأن مُنتشرة بشكل كَبير بالمُجتمع ألعربي ومَخاطرها كَثيرة سواء بالواقع أو عَبر المواقع التواصُل .

 سمير صبيح يكول:
          من صَارت صِدك ردتك ولو حَاجوز 
          غَصب عِذرك قبلته اخاف تتعور 
          وعاونتكَ عليَ من شفت عذرك خاب
          قنعت النفس كتلها يتغير .....

تـدرون لحياه كلش حلوه بس احنه مرات نخربها بـتفكيرنه بـ هوسنه بـ علاقاتنه الفاشله بـ هوايه اشياء بينما هيه لحياه كلش حلوه من جهه لايجابيه ودامن اضحكوا لدنيه شكد مابيكم وانطوا لنفسكم طاقه ايجابيه ولا تنتضرون من احد ينطيكم طاقه ايجابيه انتوا وحدكم اسعوا لا تنتضرون شخص ينطيكم تحفيز حتى تسعون لان بالاخير راح تبقى وحدك ومحد فعلا راحح يبقى يمك للأبد ولا تنتضرون من احد كلمه حلوه انتوا انطوا لنفسكم كلمه حلوه ايشي لا تنتضرونه انتوا وحدكم سوا❤️‍.

دشوفون شكد لدنيه قصيره؟ حيل قصيره زين اذا تدرون لدنيه قصيره شعدكم باقين تسمعون اغاني؟ وشعدكم ما تلتزمون بـصلاتكم؟ وشعدكم تسون اشياء محرمه؟ وشعدكم ما تسعون للاخره؟ وشنو الي يمنعكم من انوا تصيرون فعلاً ناس واقعين وتبطلون سوالف لحرام اني اتفق وياكم ماكو ليوم شخص ما يذنب بس الي يذنب غير يحس ع نفسه؟ خوما أذنب واكول اني ما معصومه او مامعصوم  صح احنه ما معصومين بس لازم نحس ع نفسنه مو كلشي نسوي ونكول والله يابه اني ما معصوم عادي اوك انت ما معصوم بس من توكف يم ربك ويشوفونك كلشي جنت تسوي شراح دكله؟ دكله ياربي اني مو معصوم وهيج سويت؟ زين ليش فلان احسن منك ومو معصوم بس ما مسوي هيج؟ لازم دائما تاخذون لحياه بكل واقعيتها وبكل حب وراحت بال وليش ما تصيرون احسن من غيركم؟ لا تاخذون كلام احد ولا تاخذون غيبت احد لان لا كلام لشخص الي اخذته راح يفيدك(اذا جان سيئ) ولا لغيبه الي تأخذها من راح تموت حتوكف وحدك يم ربك محد لا ابوك ولا امك ولا اخوك ولا اختك ولا اي شخص راح توكفون وحدكم جاي تتخيلون شكد منظر يخجل من توكف يم ربك وكتابك مليئ سيئات اكثر من الحسنات؟ وشنو شعورك وانت ينطوك لكتاب بيدك لـيسره؟ وشنو شعورك من تصير وي اعداء اهل لبيت ومو وياهم؟ اتأملوا هـل كلام زين لان ماكو شي بهاي لدنيه راح يفيدك  وراح ينجيك غير اعمالك ❤️✨.

الحرب العالمية ع الباب
           فض السالفه واحجي"
           قبل لنموت صارحني اعترف معجب؟
           عيونك سولفت كلشي بقه
           السانه انطقها تره المثلي 
          يستاهل اذا ينحب

يجوز هـل رساله تكون تحفيز :
          كـل شخص ينسه انت شلون مريت وشلون راح تمر وكل شخص مراح يشيل هم الك وكل شخص شكد ما حجيت اله مراح يحس بيك وكل شخص منتضر بس توكع حتَ يشمت بيك وبعض لأشخاص تحقد عليك وكل شخص اذاك ونسه اذيتك وعايش حياته وكل شخص صار وياه اشياء محد جان يعرفها بس هوه تذكروا زين انتوا عندكم رب رحيم تحس هاي لناس كلها جاي تصير حقوده عليك بس تذكر ربك موجود وهوه احن واحد الك شكد ما جنت مذنب راح يحتويك من تجي بـ لهفه مال تعب ومن تبجي وبس هوه يشوف دموعك فـ اطمئن ونام مرتاح وتذكر عندك رب رحيم ماعليك بـ ناس اذا محد وكف وياك ربك دامن وياك بـ بسيطه قبل لجبيره وهوه وحده يعرف شنو تريد وشنو بيك فـ شكد ما تكدرون قوا علاقتكم وي ربكم احسن من متقوها وي لناس ✨.