AmarAli042927
قصة اليوم
اكو واحد اسمه قدوري .. چان عطال بطال وهسه طاك للستار وصار يدخل مزايدات باسمه واصدقائه من الاغنياء والناس تسميه حجي عبد القادر و شال من القريه واشترى بيت بالولايه وتكبر على گرايبه واحد منهم اسمه ابو عبد چان زلمة معدل اجوه وگالوله قدوري اشترى بيت ونريد نروحله بس محتارين شناخذله هديه ويانه لأن شايل خشمه علينه ومتكبر
فرد عليهم وگاللهم : خلوا الهديه وراي حتى يعرف قدوري قدر نفسه
المهم التموا وطگوا عگلهم وراح وياهم ابو عبد شايل بيده كارتون چبير ومغلف بورق ملون وحلو ومن طبوا للبيت تلگاهم قدوري بالگلبية مالت النوم ويمشي على طارف اصابعه ويحچي معلك وبدل ما يطببهم للاستقبال گعدهم بالحديقه على كراسي بلاستك ابو عبد شال الهديه وخلاهه على الطبله وره ما شربوا الجاي ورجعوا بالطريق سألوه : حجي شو ما شوفتنه الهديه عاد تليق باستاذ قدوري لا گاللهم : اذا يفتهم انتظروه راح يعزمكم ويراضيكم
صدك وره اسبوع افتر عليهم واحد واحد وعزمهم عنده بالبيت وتلگاهم لابس عگاله وشماغه وگاملهم بالواجب وأحسن ضيافتهم على اكمل وجه الربع من شافوا حاله تغير باوعوا لابو عبد وگالوله : حجي بروح ابوك شنو هاي الهديه الثمينه الخلت قدوري ينگلب هالكلبه هاي ويصير انعم من الدخن
رد عليهم وگاللهم : الهديه چانت بريج نايلون ابو الف دينار
رباط السالفه
للينسه واقعه ويتكبر
من ننطي كل واحد حسب قدره وقيمته ونحط طينته بخده ونبتعد عن التملق والمجاملات راح يجر عدل كالوا الفرعون شفرعنك كللهم فرعنوني الناس اكو ناس تصيحلهم شيخ واستاذ وهم ما يسون حتى البريج
تحياتي_للجميع
