NourhanNasar

اقتباس من نوفيلا و بينا ميعاد ♥️
          	أول عمل ليا من بعد فترة طويلة ♥️
          	منتظرة رأيكم و تشجيعكم ليا في الكومنتس ♥️
          	https://www.wattpad.com/story/321066100?utm_source=android&utm_medium=link&utm_content=share_reading&wp_page=reading&wp_uname=NourhanNasar

NourhanNasar

مساء الخير
          في البداية متشكرة لكل الأخوات اللي همهم أمري سواء كانوا قراء أو كاتبات كلكم على دماغي ❤️
          ليه بقى حذفت رواياتي؟؟؟
          
          أنا عارفة أنه قرار مش سهل خالص و بعضكم قال إني هندم بسببه 
          
          بس على فكرة أنا نفسيًا ارتحت كتير بعد الخطوة دي و اللي بقالي أكتر من شهر بفكر فيها لحد ما خدتها الحمد لله ♥️
          
          مبدأيًا أعمالي المحذوفة الحمد لله كلها كانت معروفة و محققة أرقام مشاهدة كبيرة و مراكز أولى الحمد لله ♥️
          
          بس تعرفوا بالرغم من ده كله مكنتش مبسوطة و حاسة أن في حاجة ناقصة...
          
          حاسة أن سعادتي و أنا بكتب خلاص راحت و مبقتش موجودة...
          
          ده بقى كوم و قلة التفاعل كوم تاني و أن مفيش أدمن اعتمد عليها و البعض من الأدمنز اللي معايا بعدوا بسبب ظروف حياتهم و البعض الأخر بدون أسباب...
          
          الصراحة فكرت أعتزل و حسيت أن ربنا أرادلي النهاية فالمجال ده فبعدت السنة اللي فاتت دي كلها و بعدين حسيت أنه لا الأعمال دي مش عجباني كنورهان نصار أقدر أقدم أعمال أقوى ألف مرة بفضل الله ❤️
          
          فبس حذفت جميع الأعمال لكن محتفظة بنسخة منها و هما و نصيبهم لو أراد ربنا ليهم التعديل هعدل لو لا فخلاص كأنهم مكانوش موجودين و أنا الحمد لله قلبي مرتاح للخطوة دي ❤️
          
          فأتمنى تتفهموا و تعرفوني رأيكم في الكومنتات ❤️

Princess868151

@ NourhanNasar 
            
            تعرفي يا حبيبتي بتفكريني بنفسي لأنني حذفت انا كمان رواياتي بس رجعت تاني وبدأت من اول وجديد
            ربنا يجبر بخاطرك ويوفقك وبإذن الله نشوفك دايما في الأوائل
• Reply

user87458620

@NourhanNasar ياريت متعمليش كده بجد وبلاش تعتزلى
• Reply

naglaamahmoud318

@ NourhanNasar  
            عندى اقتراح لو عجبك 
            انك تخلى اسماء الراويات بتاعتك وتحذفى الفصول وتكتبى عليها قيد التعديل 
            عشان ميبقاش فى تشابه فاسماء روايتك
• Reply

NourhanNasar

أُقر أنا الكاتبة نورهان نصار مسئوليتي الكاملة عن حذف جميع أعمالي من السوشيال ميديا..

GhadaIbrahim976

@NourhanNasar ليه ايه اللى حصل
• Reply

naglaamahmoud318

@ NourhanNasar  
            ايه السبب 
            من فضلك
• Reply

Amany123456

@NourhanNasar صباح الخير ليه في حاجه حصلت علشان تمسحي كل رواياتك خبر احزني جدا
• Reply

NourhanNasar

تم نشر الفصل التالت من سوبر ماما ❤️
          هيفوتكم شوية ضحك ❤️
          https://www.wattpad.com/1371927586?utm_source=android&utm_medium=link&utm_content=share_published&wp_page=create_on_publish&wp_uname=NourhanNasar&wp_originator=bIZQDCLgweF0GQrGg60OCxlWMcRt0kfSj4uhDoC2jlYQuv1Q2ZFIMYDEpTSxPs2KZXNUnC6p2cvDaKqIXPWEp9EOHXXKKfP3%2BQuwyl95y3keE02R80HYLH4JfxTAeaUw

NourhanNasar

بيحاول يلاقي حل للورطة اللي هما فيها،محبوسة جوه صندوق إزاز كبير جدًا و طوله للسقف،و الماية بتنزل من فتحة فالسقف للصندوق.
          
          مش لاقي حاجة يكسر بيها الصندوق فقلع التيشيرت بتاعه و لفه على إيده و بدأ يضرب الإزاز بكل قوة لكن من غير أي فايدة.
          
          فضل على وضعه ده دقيقة كاملة بدون أي نتيجة و إيده أتضررت بشكل كبير لكن إحساس العجز اللي حاسس بيه مخليه مكمل و هاين عليه يحرق الدنيا كلها.
          
          فقدت الأمل خلاص فإنه ينقذها فبصت لفتحة السقف و غمضت عيونها و الماية نازلة عليها تغرقها 
          و بدأت تعيط بضعف.
          
          خبط على الصندوق بقوة و صراخ:
          -لا،بلاش يأس بلاش عياط هخرجك دلوقتي و الله.
          
          قعدت بضعف على أرض الصندوق فقعد هو كمان،اتكلمت بالعافية من عياطها و فتحت عيونها تبص له تحاول تشبع من ملامحه:
          -أنت أحسن حاجة حصلتلي فحياتي كلها،و كنت خلاص ما صدقت إن الدنيا ضحكتلي و رضيت عني.
          
          سندت جبهتها على اللوح الإزاز الفاصل بينهم و غمضت عيونها:
          -بس تقريبًا كان فخ و وقعت فيه.
          
          سند رأسه هو كمان على اللوح من الناحية التانية و الدموع بتلمع في عيونه خوفًا من فراقها:
          -أنتِ اللي أحسن حاجة حصلتلي،نورتيلي دنيتي و عمري كله.
          
          لاحظ زيادة كم الماية بشكل كبير كافي يملى الصندوق كله فثواني قربت الماية من وشها فبدأ صوت عياطها يعلى من كتر الخوف و زاد جنونه فبدأ يضرب على الإزاز و زعق بجنون و قلة حيلة:
          -أكتمي نفسك أكتمي نفسك.
          
          وصلت الماية لوشها خلاص فودعته بنظرة أخيرة و غمضت عيونها تستقبل مصيرها،نزلت دموعه لأول مرة و صرخ بعجز و هو بيخبط على الإزاز بقوة:
          -ميرررراااا..لاااااااااا
          
          رأيكم يا بنات ❤️
           #القيصر
          بقلمي/نورهان نصار.
          
          https://www.wattpad.com/story/343970641?utm_source=android&utm_medium=link&utm_content=story_info&wp_page=story_details_button&wp_uname=NourhanNasar&wp_originator=uV945mrGt0OdNKlIhX03d5iUVg0e1%2Byf793C%2FPRcslCX1Ckskh8fPBcGTsDL8aU9Mnh29TsmYXs2hZBl4pfl3sNvFKv1wuN0lhkQOvmWnjDdxXVJNTi1XpocwaMK4VBR