انه همومي جهال وترضع دموع
اكضي الليل الولي ومايهيدون
اغطي بهذا يكعد ذاك ويلوع
الكبر منهم فطمته وياكل ضلوع
شسوي النوب كلهم يكبرون
جنح بيه انكسر والثاني مخلوع
وطرت كوه على عناد اليكرهون
بس اسمك نهر والماي مكطوع
وانا على الجرف الهث بالعيون
اون بسكوت موش بصوت مسموع 
وانه جروحي علچ والوادم سنون
من عرجه الفرح من روحي مشلوع
وشتل جرحي الزمان بنص العيون
عشت عمري بـ يتم ومكمط بجوع
ورضعت الضيم من دون اليرضعون
تمنيت الوكت لو يرجع رجوع
وانه مسودن واريد يرجع الكون
بعده اخضر عشكنا وتوه مزروع
واجو ربعي بمناجلهم يحصدون
يونس زين عمي بحوت مبلوع
انه بحلك الشماته الما يرحمون.