Sufokante

Ako yung tipong tao na madalas mong nakikitang nakapolo t-shirt  at palaging may baon na panyo. Yung tipong tao na walang pake sa buhok kung ito'y magulo. Yung tipong tao na kapag tinanong, palaging tugon ay iling at tango. At yung tipong tao na palaging nakaupo sa harapan dahil ang paningin ay malabo.

Ngunit hindi ako yung tipong tao na naka eyeglass at antisosyal ang pagkatao. Hindi ako yung tipong nagaaral nang mabuti at palaging nakikilahok sa klase.

Ako ay isa lamang pangkaraniwang estudyante na mahilig magbasa ng libro, mapag-isa, makinig ng kanta, matuto ng iba't ibang wika at minsan sinusubokang gumawa ng tula.

Marami akong gustong masubukan sa buhay ngunit pera ang pangunahing hadlang. Alam kong malabong masubukan at makamtan, lalong-lalo na sa estado ng aking kasalukuyan.

Kaya ako napadpad dito dahil kahit papaano natatamasa ko ang kaluguran at pagkasabik na dito ko lang nararanasan.