﷽

تفوتني مشاهدة العالم بطريقة عاديّة، لطالما
           بحثت عن الجوانبِ الشاعريّة في كلّ الاشياء

how do you just get up and deal with the 
          fact that there’s a last time for 
          everything. there was a last time you sat 
          on your dads shoulders and there was a 
          last time your mom tucked you into bed. 
          there’s going to be a last time you kiss 
          your sister on the head and there’s going 
          to be a last time you hug your best friend. 
          there’s going to be a last time you feel 
          exactly as you feel right now and there’s 
          going to be a last time that person says i 
          love you. i need to lay down

لأول مرة أهتم بالتاريخ لهذا راح ادونه ٢/١٢/٢٠٢٣
          
          _ اك ماعرف منين ابدي لكن قبل كُلشي أني راضية ولله الحمد راضية وأن كان كلامي وشعوري عكس هذا الشيء لكن انطقها وانا متأكدة انُ فعلًا رضيت ، رضيت على الي وصلتله وعلى الي أني بي ، حاولت جاهدة اكون الممرضة الي وعدت نفسي اكونها وكُنت ، شعوووور مُرضي ومبهج انُ أنت تدخل مستشفى ويستقبلك المرضى بحضن شعور مُرضييي لمن تجيني مريضة من نهاية الممر فاتحة ايدها وجايه صوبي تريد تحضني ياليل المشاعر الحلوة هاي والله ، حتخلص هذي السنة وحصيلتها چانت شخصين فقط من بين قائمة طويلة عريضة شخصين من أحب الناس ع قلبي ، شخصين أتمنى الهم الخير مثل ما اتمناه لروحي 
          يارب تخلص وتعدي كُل السنين وإني باقية اطلع بيهم كحصيلة حقيقية فعلية ، أعتقد الرحلة تكون اسهل من تكتفي بأشخاص محددين حقيقيين الرحلة تكون اريح واهدأ هم ، الإنسان حيفضل يحس بالراحة والاستقرار من يستقر بعلاقاته ومن يحدد مصيرها 
          
          ح اضل احاول أسعى لوين !!
          
          للاستقرار والراحة طبعًا 

الحمدلله حتى يبلغ الحمدُ منتهاه ..

رواء دائمًا حبي أمراض الدم ولا تكرهيها رواء لا تسمعين حجي الناس محد نظرته مثلج ولا فكرته مثلج أعرف تمر فترة الإنسان يتأثر بالحجي رواء لا تسمعيهم حاربي لأجل القسم لحبيتي مو كلها تحب امراض الدم مو كلها مثلج 
          انتِ غير عنهم 
          لمن تسمعين دعوة مريض حيهون عليج التعب
          لمن تحضنج مريضة حتهون عليج كُل طاقة فقدتيها
          
          صيري قوية علمودهم!! حرفيًا أنتِ دتجاهدين! اني كتلج وارجع اكلج جهاد النفس اعظم جهاد جاهدي روحج ولا تسمعين كلام الناس
          
          حبي أمراض الدم لآخر يوم بعمرج ودافعي عن قسمج لاخر يوم بعمرج وان كان كل الي حواليج يكرهوا
          
          
          أنتِ حتبقين رواء لتحب أمراض الدم وحتبدع بي! حتضلين رواء لحبته من كُل كلبها الله يمدج بالصبر والقوة يارب
          
          الله دائمًا حيكون وياج وأن كان الكل ضدج وهذا هم المهم.
          
          
          وأنتِ قوية والله حتلو بچيتي .
          
          تذكري هالشي
          
          6/10/2022

‏كل الفلسفات التي تدعوك لأن تكون وحيداً ساذجة أنتَ تحتاج الى حضن عميق أن تدفن وجهك في صدر شخص تحبه ويداً حانية تمتد ما بين طيات شعرك لتزيح عنك التعب وتربت عليك ‏لتنسيك قبح هذا العالم
          
          
          
          الإنسان مهما يحب يكون وحيد ومنعزل ووو من هذي الفلسفات راح تجي مرحلة يحب يكون وي أحد ، أني الي چنت قبل أيام وأشهر هم اكول خلوني وحدي اليوم وأني راجعة من شغلي تجتاحني رغبة بوجود شخص يمي ، وأني ماقصد الوجود الإلكتروني انما الوجود الحقيقي الي تشوفه وتكدر تلزمه وأنت ما غلطان 
          
          اكتشاف ذاتي جديد 
          أني وحيدة بس أحب يكون عندي شخص الجأ اله ويضمني من تعب هالدنيا وأني راجعة منها 
          
          إنسان حقيقي .

https://www.wattpad.com/story/321624532?utm_source=android&utm_medium=link&utm_content=story_info&wp_page=story_details_button&wp_uname=user03203475&wp_originator=J07munIfi6%2B1VyyFGaVMR1pauZjJIhUHDK5whY43BrbApcg758mUsz6rcBZKYQifijIWT6E8lE%2B5WMhy9sP2zY4hSxgho4rhyxfnQiBIpdIeq1LAOga92fIzoYR1Okck
          
          نشرت اول كتاب لي 

رواء
          
          كُل ما انغريتي بهاي الدنيا وانغريتي بالفلوس لا تعوفين التمريض التمريض لاتعوفي
          
          الاختيار الي الله اختاره الي خير اختيار ف رواء لتعوفي مهما كان 
          
          ما التمريض الا باب لكل خير ولكل دعوة ولكل انسانية ولكل شعور رضا رغم التعب 
          
          ف يا رواء لاتهدين عوض الله مهما صار 

اعرفه  بس ماعرفه ..
          اقصد الي أني بي الشعور ! ماكلت الوضع 
          أني حكون عايشة بس من عندي شعور اتجاه كُلشي 
          أعرف شعوري اليوم بس ماعرفه باجر ، هوااي مشت بيه الحياة من بعد التخرج تغيرت أشياء تغيير جذري ، علاقاتي ببعض الأصدقاء وكذلك بالجانب الديني والفكري بس بعدني هادئة اتجاه كُلشي عمري ماچنت أنسان منفعل خارجيًا دوم الأمور تاخذ منحنى داخلي وماكدر امنع انو هلشي ميبين على وجهي ، صرت أكثر هدوء وأكثر لا اهتمامية بالناس والاصدقاء ببعض الاحيان ! وكانو لاشيء يخصني عداي،  الإنسان هو يختار بنفسه إذا اكو شيء يخصه او لا هو وحده ليختار 
          وأني دوم الكاني مختارة نفسي لكن تغير شيء وهو انو مكمت أشوف روحي أنانية صححت هل منظور والحمدلله 
          كُل عوائق حياتنا احنا نخلق اسبابها ف اخلقوا سبب مريح لحياتكم لتكونون انتوا والدنيا عليكم 
          
          شعور المسؤولية چبير ومتعب بس مُرضي جدًا 
          كف الأذى عن الناس وعدم التدخل مُريح جدًا 
          تساعد الناس وتسهل أمرهم هلشي إنساني جدًا 
          الكلمة الطيبة صدقة دائمًا وابدًا 
          الصراحة راحة الك اولاً وللمقابل ثانيًا 
          الچذب يفك عنك مشقة الشغلة بالبداية بس راح يعيشك بقلق لين تنفضح ويمكن تختار أنت تفصح عنه حتى ترتاح ، اختار الطريق الأسهل 
          
          
          الدنيا صغيرة ومحد يَعي هلشي والي يكول فاهم هذا ميفهم لمن تعرف حجم الدنيا وانو هي متسوه شيء حتهون كُل مصايبك واحنا مديهون كلشي عدنا وهذا هو عدم استيعابنا للكلمة
          
          دا اهد هواي أشياء بالدنيا لانو راح الزم الاحلى ب الاخرة 
          داتنازل ودا افلت ودا اواجه ودا اجاهد وجهاد النفس أصعب جهاد 
          
          اغلط وأصلح 
          اوكع وارد اكوم
          انجرف وارجع انعدل
          اطلع رون سايد وارجع للطريق الصح 
          
          ما ثابتة بمكاني بس بكُل مابيه من طاقة احاول انو ابقى عالطريق نفسه
          
          أموت وأني امشي واتعثر بهالطريق
          ولا أموت وأني خارج مساره ، فدا اجاهد بكُل ما بيه .
          
          رواء إسماعيل | ١١:١٨| الجمعة 
          
          2 September 2022
          
          
          
          
          
          

          ‏وَلَسَوْفَ يُعْطِيكَ رَبُّكَ فَتَرْضَىٰ
          
          احدى التفسيرات لهذي الاية انو الله راح ينطي الرسول من افضال الدنيا ما يشاااااء 
          لكن التفسير الابعد النبي شنو شيريد! يريد الجنة ويرضى النبي لمن يدخل كُل موحد من أمته الجنة، يرضى لمن تدخل كل أمته حتتتتتتتتى وان لا يملك حسنة واحدة لكن بقلبه كلمة " لا اله الا الله "