يبو خيط الترندج خيط شاهول
يبو ألوان القزح بتلاة مطره
يطعمك فص قند والروح قندول
يطعم الحابسي ونبهار بصرة
يـ من گد ما حلو من الگاع مشيول
تمرچح بالهوى على أرداف مهرة
تعط وريحتك لوعطت تحول
عذب واتمطگ الميتين وامره
يطور محمداوي ايناغي ماصول
نزر وامدگدگ وملگوط ببرة
يشچرة انفردت بحر صيف وبچول
حنين ومكسرك لابد تكسره
يهودچ والتمرچح بي المنسول
مثل غرنوگ حط بگاع خضرة
على اوصافك توالم عيد ودخول
وعلى محبتك يطول الشوگ عمره
لشگن ريتي من الطول للطول
وأدگ راسي عليك بحگة صفرة