arab_wuxia_team
السلام عليكم، بتمنى تكونوا بخير جميعًا. مثل ما بتعرفوا، فرحلة ترجمة رواية نعمة السماء كانت رحلة مليانة نحس ومشاكل، من ضياع الترجمات لحذف الواتباد، لاعتزال المترجمين وكثير من المشاكل الثانية، وفريقنا ما سلم من هاي المشاكل، فأكيد بتعرفوا إنه الرواية انحذفت مرتين من قبل، وانحذفت ترجمتنا لبعض الفصول الأولى كمان، بعد ما قرر الفريق يستلم الرواية من فصل 1 إلى فصل 244، وللأسف هذا وقفنا لفترة طويلة، والشهر الماضي، قرر الفريق يعيد العمل على ترجمة الفصول الأولى مرة ثانية بسبب حذف الترجمة واعتزال المترجمين السابقين للأسف، وبدأنا بالعمل على مجموعة فصول لحتى يكون عنا ذخيرة قبل بداية النشر. ولكن، وللأسف، بنتفاجأ إنه ترجمتنا للرواية مسروقة ومنشورة على أماكن ثانية دون إذن، وجهدنا المبذول لسنة كاملة من ترجمة وتدقيق وتحرير وإعادة نشر كلو عالفاضي، ما حد تواصل معنا لياخذ إذن بنشر الرواية في مكان ثاني، ولا إحنا أعطينا الموافقة لتحويل الرواية pdf وتداولها في أماكن مجهولة للأسف الفريق شعر بإحباط وعدم تقدير بسبب سوء الأشخاص الي سرقوا الرواية، ولهذا السبب قررنا نوقف ترجمة وما رح نستكمل الفصول الأولى للأسف وحابب أوجه رسالة لهدول الأشخاص، وجودكم هو السبب في ضياع واعتزال عدد كبير من المترجمين الرائعين الي كانوا متواجدين على الواتباد سابقًا، ولإنكم بكل وقاحة سرقتوا أعمالهم الي اشتغلوا عليها سنوات، فبطل عندهم داعي لحتى يكملوا، الروايات كانت كلها منشورة بشكل مجاني ومتاحة للجميع، فما الداعي لسرقتها ونشرها عند أشخاص ثانيين؟ وجودكم خرب القراءة على بقية القراء الي ما الهم علاقة، ونأسف إنو ترجمتنا كانت هدف لوقاحتكم. وللأشخاص الي كانوا قلقين من حذف الترجمات ولهذا برروا تداول النسخ المسروقة، ففريقنا من أول مرة حذف أكد إنه لو انحذفت الترجمة ألف مرة، فإحنا رح نرجع ننشرها للمرة الألف وواحد، فهذا مش مبرر كافي. شكرًا للناس الي دعمونا وضلهم يدعمونا، وبتمنى يكون يومكم سعيد
ji8se_
@arab_wuxia_team انا عندي الروايه pdf علشان أحياناً الوات عندي يعلق ومااحب اقرأها من الموقع ،، معليش ممكن تعذروني ؟
•
Reply