✨خستاوي✨

انام بصفك و راضي يمرني الموت 
          
          يبو شيب الذهب يل راهي هندامك 
          
          اكعد عيط بينه و لا روحتك هاي 
          
          عگل شيوخ كلها تطيح كدامك 
          
          جنت تكعد بنصنه تعلم القرآن 
          
          و هسه بموتتك الحمدُ نقرالك 
          
          اذا بالواقع احنه ما شفناك 
          
          خلينه نمر لو لحضه باحلامك

صرت صحره بجفه الماشين يرداي
           وانوخ من احط ع المتن يرداي 
          الوزن مايعبر الحكه
          دم مايشبع البكه
          وحيد ومنوكل حكه 
          لزك بيه الحزن لزكه 
          عظم يجرخ عظم والجدم يرداي
          عدل والدود رايح راد بيه

:مشهد غيابك خرابه
          وصوتي مبحوح شيصيح
          والشوارع كلها مسكونه
          وصفير وصوت ريح
          والهياكل والجماجم ملحمه
          والناس كل الناس ميته
          ووحدي اعثر وطيح