Maithili Raghunayakula

dhyāyedājānubāhuṃ dhṛtaśaradhanuṣaṃ baddhapadmāsanasthaṃ pītaṃ vāso vasānaṃ navakamalaspardhi netraṃ prasannam । vāmāṅkārūḍhasītāmukhakamalamilallocanaṃ nīradābhaṃ nānālaṅkāradīptaṃ dadhatamurujaṭāmaṇḍalaṃ rāmacandram ॥ 
vaidehīsahitaṃ suradrumatale haime mahāmaṇḍape madhye puṣpakamāsane maṇimaye vīrāsane saṃsthitam । agre vācayati prabhañjanesute tattvaṃ munibhyaḥ paraṃ vyākhyāntaṃ bharatādibhiḥ parivṛtaṃ rāmaṃ bhaje śyāmalam ॥ 
sauvarṇamaṇḍape divye puṣpake suvirājite । mūle kalpataroḥ svarṇapīṭhe siṃhāṣṭasaṃyute 
mṛduślakṣṇatare tatra jānakyā saha saṃsthitam । rāmaṃ nīlotpalaśyāmaṃ dvibhujaṃ pītavāsasam ॥
smitavaktraṃ sukhāsīnaṃ padmapatranibhekṣaṇam । kirīṭahārakeyūrakuṇḍalaiḥ kaṭakādibhiḥ
bhrājamānaṃ jñānamudrādharaṃ vīrāsanasthitam । spṛśantaṃ stanayoragre jānakyāḥ savyapāṇinā ॥
vasiṣṭhavāmadevādyaiḥ sevitaṃ lakṣmaṇādibhiḥ । ayodhyānagare ramye hyabhiṣiktaṃ raghūdvaham ॥ 
- śrīmadānandarāmāyaṇaṃ