Bea's world

Түүнийг хайрласан биш хайрлах гэж хичээсэн би...
          
          Хэн нэгэн хүн хэт гүн асуулт асуувал тархи минь бодож ч амжилгүй худал өгүүлбэрүүдийг урсгана. Үнэний хэлтэрхий ч байхгүй худал үгс...
          
          Хаана нь ч юу байгааг хэн ч үл мэднэ. 
          Би өөрөө ч мэдэхүй худал...
          
          Чамайг хайрлах гэсэн минь ч худал байж мэднэ.

Ааваа...
          Охин нь сая тамхи татаж үзлээ...
          Их гашуун юм. Татаж дуусаад бостол хамаг бие сулраад хачин болж байна лээ. Тагтан дээр татсан юм л даа. Хүн амьтан харчхаагүй байгаа. Одоо ч үнэр нь үнэртээд байх юм. Их хачин.. Гэхдээ ахиад хэд сормоор ч юм шиг...
          
          Хэрэв би энэ янзаараа ахиад гурав татвал тамхичин болчих юм шиг байна.
          
          Та битгий санаа зовоорой. Охин ухаантай байж дахихгүй ээ...

Хайрласан бол хайрласан 
          Хаана нь? Юунд нь? гэж бүү асуу хайрлахад шалтгаан байдаггүй юм.
          
          гэнээ... 

Эмэгтэй хүн бардам байхдаа үнэ цэнтэй нандин байдаг гэнэлээ. Нэг мэдсэн чинь гуйдаг халтар нь болчихсон ч юм шиг. 
          
          Үнэ цэнээ алдсан гэж ярихаас илүүтэйгээр надад хэзээ тийм зүйл байсныг мартаж орхисон ч юм шиг. Эсвэл бүр анхнаасаа байгаагүй юм болов уу? 

Нэг сайхан гэгээн хайрын түүх биччихээд үхье гэж бодлоо.
          
          Амьдралын хэдэн жилийн нугачаанд хэдэн удаа унаж боссон хойно оо тэр түүхийг бичиж дуусгах бол...
          
          Хаа хүртэл шунгаж хэр хол алхах бол...
          
          Хайрын түүх бичье гэвэл энэ нас минь гүйцдэг болов уу? Яадаг бол?

Зарим үед зүрх минь нэг их хоосроод хайрыг мөрөөсөн дэлдэх юм...
          
          Үгүй ээ би чинь чамайг мартчихсан гэж бодоод байгаа шүү дээ...
          
          Бүтэхгүй гэдгийг нь мэддэг мэдэрдэг ойлгодог ч гэлээ эргэж зууралдахад минь тоохгүй хаячихдаг бол мөн сайхан аа...
          
          Басхүү мөн хэцүүеэ...

Нүд гэх хязгаар үгүй тэнгис дунд чинь
          Энэ насаа үгүйртэл ганцаараа сэлэхсэн 
          Намайг гэх түм түмэн эс бүхэнд чинь 
          Эгэлгүй сэтгэлээ цацаж хайрлахсан...
          
                                                     ~

Close дөө ганцхан хүнтэй. 
          Харилцдаг ганцхан хүнтэй. 
          
          Хэзээ ч үзэхгүй ч ганцхан хүнд зориулж стори хийнгээ туйлбаргүй мэдрэмжээ өөр нэгэнд нээхийг хичээх...
          
          

Хэрэв чамайг мянган хүн хайрладаг бол тэдний нэг нь би
          Хэрэв чамайг ганцхан хүн хайрладаг бол тэр нь би 
          Хэрэв чамайг хэн ч хайрладаггүй бол би үхсэн гэсэн үг. 
          
                                            Franz Kafka

Бусдыг шүүж шүүснийхээ дараа бодлоо л доо би яг хэн юм бэ?