sha-zmar
اتذكر اول ما دخلت وات لقيت روايات واو صراحة مالت دادي واسمك وحبيبي المنحرف والخ يعني تعرفون هالنوع وصراحة كنت بعمر صغير ويعني اني اتكلم بعام 2016 و2017 هيج شي وجانت هالروايات اكثر شي منتشرة ويعني قريتها وتابعتها وهل هذا كان شي صح؟.. لا جان أكبر غلط ارتكبته.. المهم وراها اتجهت لاتجاه ثاني وهو الروايات الصدگ شلون يعني يعني رواية بيها حبكة وقصة وكذا شي وبالتأكيد رومانسية وقصة حب وكذلك نفس الشي ندمت اني قريتها ووراها اتجهت للقصص الق"ي وكذلك تابعت وقريت هواي حرفيا هواي (احجي عالعربية) والشي المشترك بين هاي القصص كلها تعرفون شنو؟؟ اكلان الخرا حرفيا قصص الواتباد مليانة قرف مو طبيعي اتكلم بشكل عام بأي نوع قصص رومانسية (تتمحور كلها حول بيدوفيليا والتعنيف والتعذيب والاغتصاب وووو ما اخلص لباجر) حبيت أكول هالشي لأنه صاير طبيعي بالعالم الواقعي بسبب الواتباد لكم ان تتخيلوا ناس تعتبر الاغتصاب نوع من انواع الرومانسية وكذلك العنف (واني ما استبعد نفسي من هالشي كنت لفترة معينة اشوف هالشي طبيعي ومن الحب) لكن الحقيقة انو هالشي مو طبيعي. (كلنا نوصل لمرحلة ندرك بيها اخطائنا ونتوب عنها وانا خطأي هذا المكان وكم مرة حاولت اتوب عنه لحد ما فعلا صرت اكرهه لأن القصص هنا تنكتب بواسطة ناس عقها مو واعي واتمنى الان لو أقدر امسح كل تعليق وكل اعجاب وكل تشجيع كتبته لهالقرف) لذلك شباب هاي نصيحتي الكم ان شاء الله تگدرون تتعلمون من تجربتي والي هواي بيها تفاصيل لكن تغاضيت عنها ويقدرني اني اذكر مواقف مستقبلا عنها.
sha-zmar
@ sha-zmar توبوا حبايبي ما مستاهلة صراحة تخربون حياتكم علمود قصة مكتوبة بواسطة مراهقة تشرد من واقعها صدگوني كل حرف تقروه هنا يأثر بيكم لذلك امنعوا هالتأثير لا تنجرفون لطريق ما منه رجعة.
