عشقك ♥️ حلالي💍*كاملة*

❣saisan 24❣

20 يوم محطيتش بارت في ذي كرونيك !! 
توحشتكم بزاااف والله !!! انا يوم خميس عادة كملت اختبارات ني تعبانة صراحة نلقى تفاااعل ان شاء الله نحطلكم بارت وحداخر !! سما غير روبلوها !!
نخليكم مع بارت نتمنى يعجبكم !!
☆☆☆☆☆☆☆☆☆☆☆☆☆☆☆☆
حطتهم طاكسي عند خالتها خلصاتوا و كي جاو خارجين تفتح باب دار لي يسكن فيها اسلام و جماعتوا .. شافوا في بعض و بقاو في بلايصهم طاكسي راح و كل وحدة تخمم الهام حابة تشوف اسلام و مرام تستنا يخرج ايوب باه تحكي معاه ...

شمس قوية و جو حاار سخانة تقتل .. تغب من كثرة حمان متقدريش تشوفي والوا شوية و لمحوا مراة جاية كبيرة خارجة *جدة* شافاهم تبسمت وحكات : خير بناتي على من تحوسوا !!
فطنوا مع رواحهم و جاوبت الهام : اهلا طاطا اسمحيلنا لا ديقناك مي برك جينا عند خالتي
جدة : مكانش مشكل !! اما وين تسكن خالتك بلاك نكون نعرفها ؟؟
مرام تبسمت : جارتك ههه خذي هيا دراها *اشرتلها على باب*
جدة : ما شاء الله !! ظهر كاين بنات كيف قمر و انا مش شايفتهم تبارك الله عليكم ..
الهام تبسمت : الله يسلمك طاطا ..
مرام : حنا مروحوا طاطا تبقاي على خير ..
داروا و طبطبوا عمد خالتهم .. جدة ستنات شوية و جاء شوفار يديها حبس ركبت و قلعت
مرام : زعما تكون امهم !!
الهام : منضنش شوفيها قداه كبيرة بلاك جداتهم ولا ؟؟
مرام : بلاك !!
شوية و فتحت جميلة باب : يااا كلبات واش جابكم
الهام : هكذا يستقبلوا ضياف
جميلة : ههههه اخاي على ضياف نتما سلعتنا ادخلوا مرحبا بيكم
مرام : الله يسلمك !!

دخلوا لداخل سلموا على خالتهم و اياد *عطلة يوم ميخدمش* و مرتوا و مريم تقريبا كل مانوا تما الا راجل خالتها خرج ..
خالة : ايات مبروك عليكم شرفتونا
مرام : الله يسلمك
الهام  :مرسي خالتي
مرام : اييه في حقققة جينالكم بعرض شباب
الهام : ااايه
اياد : واش هو !!
مرام : شغل خممنا نروحوا حنا جميلة و مريم و اياد و مرتوا نكروا دار قريبة للبحر و نبقوا شي اسبوع ولا واش رايكم !!
جميلة : واوو فكرة تقتل اصلا انا كملت قراية و منروحش راترباج بسكوا بلعت قاع ليموديل كان عندي واحد و درت راترباش نهار اربعاء سو كملت
مريم : ااايه و اتا نطلب روبوا عشر ايام ولا !!
اياد :انا منروحش
شافت فيه مرتوا و هبطت راسها : معليش روحوا نتوما مصحتكم .. انا نخليكم نطلع لبيتي ..

طلعت مرت اياد و الهام شافت فيه : حرام عليك
اياد : واش درتلك
الهام : مش انا مرتك علاه متخرجها ما تفرحها حاكمها غير خدمة و رقاد مزال مشفتك نهار  قتلها نخرجوا مع بعض فرحتها ولا اياد رومنسي كان غير في عوام اولى من بعد كرهت ولا واش !!
اياد باقي ساكت يدور في كلامها صح مرجعش يهتم بمرتوا بزااف يحبها هو تما رجع يتعب من خدمة و هي نساتوا بيها و بولادوا مخصصش وقت لعايلتوا لي ممكن ضيع بهذي اخطاء لي يرتكب فيهم و هو مش داري بروحوا ..

اذا كنت تحب طفلة من قلبك و نويتها حلالك و ام ولادك ووفيت بوعدك وزوجتها و سترتها في دار على قدها تتسما خرجت معاها راجل .. هنا تزيد تحبك اكثر .. مراة قلبها لين تحب اهتمام من شخص لي تحبوا .. بينلها طيبتك و حنانتك نبصملك بالعشرة تزيد تعشق فيك و متقدرش بلا بيك .. حافظ عليها و فرحها بابسط حاجات ياو لوكان تقولها كلمة برك *نحبك* .. ذوب في قشها ترجع تحس روحها اسعد مراة.. ممكن تبانلكم كلمة نحبك مجرد كلمة برك و عادي يعني لا تزدي لا تنقص اما هي عكس .. تخليك طير بالفرحة و تحس روحك في دنيا وحدخرى تكون فيها انت و فارس أحلامك لي سرقلك قلبك .. يبقا حب صادق هو لي يفوز 🤧🤦🏻‍♀️
(و تحية للبايرات تاعي انا نعيشكم رومنسية قاع متخموش 😂😂 و عكس صحيح مام انتم فليكسولي شوية 😂😂)
الهام ببسمة انتصار : والله منيش عارفة كي تخمم نهار نخسرها تما قول ياريت درت مي يادايري تكون طفرت ..