عشقك ♥️ حلالي💍*كاملة*

❣saison 30❣

متفاعلتوش مي معليش لازم نكمل كل كرو سما كافئتكم بالبارت جدد اعتابروهم !! تعويض للروطار نتع 20 نهار .. ممكن مرات نحطلكم زوج بارتات مع بعض !!بسكوا كرو فيعا اكثر من 50 بارت و كرو كاملة كل مكتوبة دك نخليكم مع دا بارت صغيرون
☆☆☆☆☆☆☆☆☆☆
استقبال : عفو .. (دخل اسلام) اااه اهلا دكتور اسلام عندك هذي برية جاتك من مشفى ###
دار اسلام و ياليت مادار تلاقا بيها عين بالعين على قد محاول يمنع روحوا ميشوفش فيها اما مقدرش مامبا يسمع لاستقبال واش تقول ولا مقدرش يتحكم في روحوا شغل كامل حواجز لي دارهم تهدموا بخزرة منها قلبوا رجع يضرب و انفاسوا خلطت مع ريحتها .
منحكوش على حالتها حست برجفة حكمت جسمها بكلوا زاد زيان على اخر مرة شافتوا فيها عينيها تغرغروا بدموع تقول راك حدا بحر الازرق صافي و تبع في مواج هكذا كانت حالتها هكذا .. فعل لاارادي هبطت دمعة على خدها مسحتها بالخف و تبسمعت و حكات دوك كلمات بطلوع روح ..
الهام : اا..سلا..م
شاف فيها كانوا يلومها على واش قاتلوا مرة اخيرة وقت شاف عينيها مليانين دموع فشل كان حاب دور ظهروا و يروح اما صار عكس ..
اسلام : الهام !! واش ديري هنا !!
الهام : جيست حبيت نشوف
اسلام ربع يديه : واش تشوفي ؟
الهام : شعل راني مع مرام نستنوا في مريم بسكوا شرينا بزاف حوايج و رانا ثقال و مكانش لوطو لي توصلنا .. مالى حوسنا على كاش جاردان ولا نجمعوا فيه و هذا كان قريب و من بعد شفت شركة فيها سيم نتع طب حكمني فضول نعرف واش دير و جيت نسقسي برك .
اسلام : ااااام مليح وين راهي مرام
الهام : لهيك
اسلام : عيطي لمرمي قلها مكلاه تجي دك انا نوصلكم
الهام : اوك

راحت هيا اولى و هو موراها دفات قلبها مخلطين مش عارفة شعورها في ديك اللحظة مام هو باقي يتبع فيها كيلها من فوق للتحت تغيرت بزااف و مام طريقة كلامها تحس فيها نبرة جديدة (بح بح هههه😂)

في تصف طريق دارت عنده
الهام : اسلام انت دكتور !!!
كان باهت و يمشي مش في مخوا حتة انوا مسمعهاش و زدم فيها طاحت في ارض و طاح فوقها .. انفاسهم تخلطوا دقات قلبهم تسارعوا بعدت عينيها عليه باه متضغفش و عو فهمها حمحم و بعد عليها ..
وقت بالزربة مسكة قشها خدودها حمرين قريب يطرطقوا من سخانة قربوا ليها ..

اسلام : احم واش قلتيلي !!
الهام : اااه اايه قتلك انت دكتور !!!
اسلام : اااايه
الهام : مكنتش عارفة سبت برك عندك شركة
اسلام : ااايه ... انا دكتور جراحة اعصاب
الهام: يووون مكانش عبالي مام انا درت طب جراحة اعصاب
اسلام: مليح اذا تحتاجي عفسة قوليلي نوريهالك
الهام : ان شاء الله
اسلام : زاش رايك في عطل تحبسي خدمة في مطعم و تدخلي تخدمي في سبيطار لس عندي اسهم فيه منها ديري براتيك و توسعي و تتعلمي حوايج مكنتيش تعرفيهم
الهام : ااايه فكرة مليحة دك نشوف
اسلام : بيناتنا تلفون اذا احتحتي عفسة
الهام :اسلام !!
اسلام:هههم
الهام : سمحلي على واش قلت اخر مرة 🥺
شاف فيها تبسم مكانش متوقع واش راح تقول بقا باهت فيها و سارح في عينيها زرق كيفاه مذبلتهم و بريف خفيف عليهم شغل دمعة هكذا تبسم معاها ..هذيك ابتسامة لي تسحرك و تخليك و تغوصي لعالم احلام خاص بيكم ..
اسلام : مبيناتناش سماح .. انت مغلطتيش لسانك طويل لازموا قص ...
ضحكة خفيف و جاوباتوا : معندي منديرلوا
اسلام : هيا قدامي تاخرنا ...
كملوا يمشوا حدت بعض مرة على مرة تسرق نضرات منوا و مام هو مش قليل ..

وصلوا لعند مرام قالولها راح يوصلهم اسلام عاونهم لموا حوايج و وصلهم لسيتي مرام مفهمت والوا شافتهم يحكوا و يضحكوا تقول مش هذي الهام لي غير من شوية مهمومة و مش عاجبها حال و لي بلوكالها مخها مسكينة كيفاه وصلتلوا مع كل محاولاتها انها تحكي معاه كلشي يبان وقت تحكيلها و تفهمها ...

دخلوا بنات لسيتي متاعهم مع اسلام مخلاوهش يروح حتى طلع معاهم لدار دخلوا حوايج لشومبرة متاعهم و راحولوا لصالون دخلت سلمى معاه و بنات راحوا يوجدوا ضيافة و قهوة ...
حطولوا كامل واش عندهم من قاطويات من كل مودال شوية و قهوة رتبوا طابلة و بقاو ياكلوا و بحكموا مرة على مرة اسلام و الهام تتلاقا عيونهم مع بعض مي اسلام ديراكت يهرب عينيه منها عكس الهام لي ذابت و كملت 😂 ..

مطولش بزاف و جا محمد حكا معاه شوية و خرج مع الهام عند باب بقاتوا بخير و راحت للبيت نحات خيمارها و قشها و عيطوا لسلمى تشوف واش شراو من حوايج ...

في ليل ..
عند الهام ..
ميساج : الهام هذا انا اسلام فيس جديد متاعي لاخر نحيتوا كامل ..
الهام كامت خارجة من دوش لافة روحها في سورتيدبان و حاكمة سرفيات و تنشف شعرها جبدت بيجامة صوفية شوية نسفت شعرها و ضفراتوا و حكمت تلفونها لقلتوا رسللها ميساج ماتت من سعادة اكسيبتات و بقاو يحكوا و يتشاخوا 🙂 حتى رقدوا ..

(راح نسرع احداث في بارت جاي اسبوع ديراكت لدخلة جامعية .. اوكيتوا)
قربنا للنهاية 🥺
ياك قتلكم مراحش تكون طويلة ممكن في بارت 40 ولا تكمل ولا اكثر الله اعلم☝️

●●●●●●●●●●●●●●●●●●●●●●●●●●
بارت جديد عبالي قصبر اما هذا جيست سويت للبارت لي قبل ..نتمنى يعحبكم !!

واش تتوقعوا صرى !!

اي فكرة ولا تواصلوا معايا في خاص ؟؟

فوت بليييز 🙁
Par ikram 🔥
#love you ♥️