ميار : جنا كاعدين انتظرنا بال نص ساعه واجه واحد عسكري. كال تعالنا
حمزة : اثنينهن
عباس : اي
حمزة : يله كومن
ميار : كمنا اني وسارة اني لازمه سارة من ايدها اشو خايفه 😣 الولد فتحت الباب واني وسارة دخلنا
بقينا واكفين بالباب وجان اكو ٢ ولد واحد كال تعالن اكعدن هنا صوته يخوف خشن وعالي اني خفت يمه 😟 دموعي لا اردينه نزلن حسيت خوف ودكات كلبي سريعة مشت سارة اني لزمتها اكوو كرسيين سارة كعدت واني صرت مقابيل
سارة
ضابط علي : فتح الباب عباس وهنا دخلان لابسات بواشي بقن واكفات بالباب اني كتلهن تعالن اكعدن هنا اكو وحدة تقدمت وهذيج الخ لزمت ايدها عرفتهن خايفات كعدن
سارة : يمه واحدهم جنه وحش شخصيه وشواربهم اثنين كاعدين وهاي ميار لازم بيه تحتمي بيه واني اريد اتخربط من الخوف صراحه شعور يخوف يعني راح يحققون وياج يمممه وينك حسام 🥺 شوف وين اني ☹️
ضابط علي : منوو بيجن سارة
سارة : هوو كال منو سارة واني كمت ارجف كوتله اني سارة
نقيب عامر : رفعي البوشيه
سارة : هااا ليشش بس صوت يرجف من الخوف
نقيب عامر : بنيتي مايصير غير نعرف انتي سارة يمكن غير وحدة غير نتأكد وشلون ناخذ إفادات
سارة : يمه كوه رفعت البوشيه وباوعت لهم
ضابط علي : وانتي ميار رفعي هم
ميار : اني ابجي واديه ترجف كوه رفعت البوشيه
ضابط علي : اول مرفعت البوشيه دمعه نزلت على خدها
العيون دم ماكوو بياض قطعه دم صايرة 🥺
ميار : رفعت البوشيه ومسحت ادموعي بس اني ارجف لازمه ايدي بس عمود لا ينتبهون
ضابط علي : البقيه بحياتج وان شاء الله اخر الاحزان
ميار : اني هنا كمت ابجي 😭😭
ضابط علي : خطيه كامت تبجي وتناشغ انطيتها مي هاج شربي
ميار : مسحت دموعي وهزيت براسي بالا
ضابط علي : شوفن اني جبجتن هنا عمود ساعدني لا تخاف ولا ترتبكن على كيفجن جاوبن اوك
سارة : ماشي
ضابط علي : وانتي
ميار : هزيت راسي اي 🥺
نقيب عامر : سارة اسمج وعمرج
سارة : اسمي سارة حميد عمري ٢٢
نقيب عامر : شنوو يقربج حسام وعلاقتج شنو
سارة : حسام يصير ابن عموو وجان يريد يخطبني 🥺☹️
نقيب عامر : اممم شلون جانت علاقتكم تواصلون تحجون بيناتكم لو لا
سارة : اي جان علاقه بيناتنا جان يخابرني وكولشي يحجيلي
نقيب عامر : يعني يحجيلج عن اشخاص يعني أصدقاء شيء مشاكله يعني اليوم متعارك وهيج وهيج جان يكولج
سارة : اي جان يحجيلي بس هوو ميتعارك لان ميحب يسوي مشاكل وياا احد
ضابط علي : زين جان يحب جلال
سارة : 😔😔
نقيب عامر : اجي
سارة : ماكدر احجي
نقيب عامر : ليش 🤨
سارة : لان كلي اريد احجيلج بس كون توعديني مايطلع الكلام لاي احد
الكاتبة؛نرجس_السعيدي
نقيب عامر : اي
سارة : اي واني ماكدر لان وعدته 😔🥺
نقيب عامر : بنتي شوفي حسام الله يرحمه مات اريد تكولين كولشيء جان يكوله لان يمكن من خلال كلامج أتوصل لقاتل
سارة : 😭😭😭
نقيب عامر : استغفر الله ياربي
سارة : مسحت دموعي
نقيب عامر : هاج كلينكس
سارة : أخذته كلينكس
نقيب عامر : شوفي اهدئي وعلى كيفج سولفيلي اوك
سارة : اي باخر فترة صارت مشكله بين جلال وبين حسام
نقيب عامر : على شنوو المشكله
سارة : سيدي جلال خطب ميار وميار رفضت جلال. عمو الله يرحمه مجبر ميار كال مدام بنتي مرايتك فعذرني اني ماكدر انطيك ميار
جلال بوقتها صار عصبي وكام يتهدد ولا اخذ وغصب ما على اكبر واحد. عموو بوكتها محجة شيء خله ودخل لبيت ودخل حسام وسامر لان جوارين كامت
تفرج عليهم فعموو. دخل عمود ناس
فعموو ابو حمزة لي هوو ابو جلال
صار ويا ابنه ومرضه على عمو ابو حسام شلون يرفض. ابنه. اخذ بخاطرة فصار حجي وكرايب وكذا
فبابا لي هوو ابو عبد الله كام يحجي على عمو ابو حمزة وكله ميصير لي انتو سويتو ابو حسام مغلطان
بشيء البينه مموافقه وكولشيء قسمه ونصيب ميصير ابو حسام يجبر البنيه.
فعموو لمن سمع الحجي عرف لي ديسوي غلط راح اخذ جلال واعتذرو من عموو ابو حسام على لي صار ورجعت علاقتهم
ضابط علي : لحضه. هذي المشكله قبل شكد وصار ت الجريمه
سارة : المشكله اسبوع طولت وبعدها بشهر وعموو نقتل
ضابط علي : اي وجلال جان قابل على لي سواه ابوه
سارة : لا جان رافض بس ابوه غصبه لا يروح يعتذر لان رفع صوته على عمو يم الجوارين وكام يهدد
ضابط علي .: زين حسام شنوو جان موقفه
سارة : حسام جان كوولش ضايج من جلال بحيث كام يضوج منا. كمت اسئله لويش ضوج شنوو عمود المشكله
اني اعرف حسام ميكره احد ولا يضوج من شخص لا
فد سالفه جبيرة صايرة
سئلت فحلفني بوقته وكال ماريد الكلام يطلع
واني هاي اول مرة احجي لكم
نقيب عامر : اي شنو كال
سارة : كال جلال من وراء ما اعتذر من ابويه كام يذب كلام عليه انت مو رجال وانت ماعرف شنوو اكوو اخ ما يكسر ظهر اخت انت لمفروض
متاخذ بقرار البنيه واني ابن عمك وأول بيها من الغريب وبعدين اني احب ميار
وأريدها حلالي وغصب على ليرضه ولميرضه ميار لي ومحد يكدر ياخذ واذ ا لازم الأمر
انهي عليها
نقيب عامر : وحسام شنوو موقفه ليش مرده
سارة : لا سيدي لمن حجه هيج يكول اني بالبدايه دفعته وحاجيت بأسلوب حلو
بس لمن تمادة بحجيه كمت وضربته وكام يحجي اكثر خليت وكتلته بحيث دميت دمي.
ضابط علي : زين حمزة وعبد الله موجودين لو لا.
سارة : لا سيدي محد موجود ماعرف وين ألمكان
نقيب عامر : كملي بعدين شنوو صار
سارة : هوو حجالي محد يعرف بلي صار بس اني وجلال وحسام بيومها لمن اجه جلال شافه حمزة وعبد الله سائلينا منو.
مسوي بوجهك هيج متعارك ويااا منو. جلال كايلهم تعاركت وياا صديقي. ودخل لبيت
نقيب عامر : منوين عرفتي هيج كال
سارة : سيدي عبد الله اخويه وجنا نتعشه وعبد الله حجه لبابا كله ليوم جلال متعارك ماعرف وياا منو. ومدمي دمي
نقيب عامر : اي وبعدين
سارة : اي من المشكله هاي لي صارت كبرت العداوة بين جلال وحسام ودخل طرف ثالث بالموضوع
ضابط علي : ثائر
سارة : اي سيدي ثائر
نقيب عامر : شبي ثائر
سارة : جلال لتفق وياا ثائر ثائر يحبني من طرف واحد اني مجنت اعرف بس مرة مناسبه عدنا وكلي اني كتله ماعندي اي شعور تجاهك وانت مثل اركان وعبد الله.
نقيب عامر : زين شنو لاتفاق بين جلال وثائر
سارة : سيدي وراء المشكله كال جلال لحسام توافق تنطيني ميار. حسام كله لا وحتى لو غيرت ميار رائيها اني ماقبل لان انت متستاهل ميار
جلال : شوف اذا متقبل تنطيني ميار فراح تحلم تاخذ سارة
حسام : دروح انت منوو وحتى متوافق لا اخوها ولا ابوها فتوكل.
جلال : صح لا ابوها ولا اخوها بس ثائر يريد سارة
فراح تحلم تأخذها ههههه
سارة : اني لمن سولفلي تفاجئت حسام صدوك تحجي
حسام : اي والله شفتي. شكد حقير
سارة : اني مو رفضت ثائر وانتهاء الموضوع. وهوو عادي تقبلها
حسام : بابا تلكينا هسة يقنع بثائر اعرفه خبيث
نقيب عامر : وحسام يعرف ثائر يحبج من طرف واحد
سارة : اي يعرف لان اني جنت ما اضم عليه شيء
CITEȘTI
القضية
Polițiste / Thrillerقصه حقيقه لفتاة تروي جريمه قتل اهلها 🥺 تحدث في بغداد. تابعوا الأحداث الكاتبه نرجس_السعيدي
