القضية

البارت (31)

علي: اي والله زين وسويت
عامر: اي بس تأثرت نفسيتي دمرت اني جنت صادق بحبي لها
علي: متستاهلك الله عوضك ان شاء الله
عامر: ههههه الحمد الله
علي: اشوو تضحك
عامر : اضحك على حضي
علي: شبي حضك 😂
عامر : دشوف امي كامت تلح عليه ازوج واريد افرح بيك
اكولها بعد
تكول لشوكت منا لمن اموت يله
عامر: اسم الله عليج يالغاليه بس والله مو وكتها
ام عماد:ولك يمه لشوكت اريد اشوف أحفادي ولك اريد افرح بيك مادام بعدني بحيلي
عامر: مكدرت اكسر بخاطر امي كامت تبجي وأبويه هم كال لشوكت والعمر يركض زوج خلي نفرح بيك
علي: هذا الحجي شوكت
عامر : قبل ٥ او ٤ هيج لان وراء مرام بقيت تقريبا ٣ اشهر وامي كامت تلح زايد عليه.
وافقت عمود امي بيومها صار عرس لمن كوتلها
براحتج
كالت جوارينا بنت اختها تخبل وناس اخلاقه وكلها تحمد بيها
وانت تعرف بيت ابو محمد
عامر.: يمه بكيفج لشوفينه سوي
علي: انت هذا الحجي نسيت مرام لو لا
عامر: نسيتها ولا أفكر بيه ابد
لان اني ما وافقة على الزواج لا تاكدت بالي صافي وكلبي فارغ
لان ماريد اضلم البنيه
علي: اي والله احس تفكير
عامر: علاوي اني بطبعي ما احب اظلم اي احد لان كان من يكن حتى لو شخص موزين لازم تطلع
حوبته بيه وصراحه اني اخاف من هيج شي
وتعال شنوو ذنب البنيه تزوج شخص باله مو وياها
علي: اووووف يخوي خلها للله
والله قله بهذا الوقت تفكر نفسك.
عامر: كلمن عليه بنفس ولي يشوفه صح يمشي عليه
علي: اي والله. اي كمل
عامر: اي علاوي امي راحت وخطبت من الناس خطوبه نسوان بالبدايه واخذت موعد عمود
صير رسميه
اجت امي تهلهل هاا امي وافقت امها وطارت من الفرحه. تكول ونعم منكم وبأي وقت خلي يجون الرياجيل
يوم الاربعاء جان ابويه انطه خبر العمامي ولد عمي
على يوم الجمعه رحنا خطبنها
وعقدنا عقد سيد دخلت على البنيه
البنيه حلووة مناقصه شيء واحلى من مرام
بقينا شهرين اخابرها وتعرفت عليها
البنيه حبابه
وخجولة اني حبيتها وكلت الله عوضني خير
ومثل منكول صبر ونال
حمدت ربي وشكرته بيومها
مره شهرين
وزوجت تعرف كرايب وجوارين وجماعتي جنت ملازم اول بوكتها يمكن اي
جماعتي ركص وفرحه واني بيومها
الكاتبه:نرجس_السعيدي
فرحان
دخلت عليها هي اسمها نور ما شاء الله تخبل طالعه
المهم ما أطولك بالسالفه
صارت مرتي اخذت اجازة ١٠ايام عريس وكذا بس بطلاع الروح واسطه يله قبلو ينطون -١٠ايام
البنيه من النوع هادئة
امي جانت طايرة من الفرح وأبويه وأختي
جانت فرح مزوجه لها كم شهر يمكن
هم بقت ايام العرس وراحت لبصرة
اني خلصت إجازتي ورجعت داومت
جان قائد حبابه وجان يحبني واني مجنت
اطلب هواي إجازات
فكال ٣ ايام وكال انزل لهلك اني صراحه فرحت كال عريس بعدك
ولازم ندللك 😂 اني هم شكرت منه
ورجعت لاهلي
امي تلكتني بهلا وكذلك ابوي
سئلت امي وين نور
امي : يمه راحت لبيت اهلها
عامر : نصدمت شلون راحت 😳 صاير شيء
امي: لا يبعد عيني مصاير شيء
بس بعدها عروسه وكالت مادام عامر بالدوام اني اريد اهلي
عامر: شووو مكالت هذا الحجي اني بالدوام احجي وياها وخابرها بس مكالت اني اريد اروح او شيء
شوكت راحت
امي: يمه بيوم لي رحت انت انت طلعت الفجر هي ساعه ٨ صبح كالت لبوك وأخذها
عامر: 😳😳اني اعلمها
امي: لا يمه على بختك ولك بعلمنا البنيه رحت استئذنت مني واني كتلها روح
عامر: واني مطي هنااا غير تنطيني خبر من بدايتها هيج
امي : لا يمه حشاك يا بعد عيني يمه اني غير امك
واني وياك واحد متفرق
عامر : انتي تريدين تخبليني
شلون تطلع بلا متحجيلي اعرف انت وأبويه قراركم على العين ورأس بس يا يمه اني زوجها وتفرق.
امي : يمه ميخالف خابرها لو تروح جيبها وعلمها على طبعك يا بعد عيني
فدوووة لا تعصب عليه بروح اخوك
عامر: ليش يوم ليش تحلفيني بعماد
امي: يمه لان اعرفك محد يمنعك بس اخوك وهوو ماكو 😭
عامر: اني صاير نار ومنا امي بجت شتعلت زايد بس ضغطت على نفسي كتلها بأمرج هسة اجيبها وافهمه
على طبعي
امي: اي يبعد أمك رحت فدووة لطولك
عامر. : بستها براسه غاليه دللي
عامر: رحت لهلها سلمت عليهم هم الناس استقبلوني واصرو عليه أبقى بس اني كتلهم تعبان وراجع من الدوام
اباوع لنور متفاجئه لان مكتلها
كتله يله نور كالت ها اي لبست وطلعت طول الطريق ساكت هي هم مجحت شيء
رجعت دخلنا بالغرفه وكتلها ليش مانطيتيني خبر بروحتج
نور: هاا والله كلت لعمه وهي كالت عادي روحي
حسبالي كايلتلك
عامر: شوفي يبنت الناس راح اكولج طبعي اريدج بالج يمي
نور: كول
عامر: شوفي أولاً روحه لهلج بالشهر مرة اخذج ٣او٤ ايام وترجعين لا مثل مناسبه عتكم او شيء كوليلي اخذج
ثانياً: ما تخطين خطوة خارج البيت لا تكوليلي لازم يكون عني علم بكولشيء.
حتى لو امي و ابويه صح قرارهم على راس بس اني زوجج واني أولى
ثالثاً : اني لوحيد لهلي واني كوتلج بالخطوبة اني عسكري
دوامي مو ثابت وتعرفين بالعسكري مو دائما بالبيت
اريدج تعتبرين امي مثل امج وأبويه مثل ابوج
انتي دشوفين ماعندي احد لا اخ ولا اخت
اذا صدوك تحبيني حبيهم بكد حبج لي
صير مشكله بينج وبين امي
امي جاوزت وحشاها اعرف امي او أبويه سكتين واجيت تحجيلي اوك
نور: اوك
عامر: بعد عندج شيء
نور: لا ها هي مثل مكلج بامرج
عامر.: فدووة لمرتي تسمع الكلام
نور: هههه
عامر: هه جوعان مسوين غدة لزوجج
نور: من عيوني
عامر: سالمات عيونج
علي: اي
عامر:اي مرة شهر اروح لدوام وارجع تمشي مثل ما اريدج
شهر الثاني نفس الشيء
الشهر الثالث رجعت امي مو على بعضها
اني اعرف امي اذا تريد تحجي
سئلت حاولت وياها
ماكوو.
رحت لنور
عامر: نور. نور
نور: هاا حبيبي
عامر.: اكولج صاير شيء لمن اني بالدوام
نور: شنوو صاير
عامر: يعني مشكله شيء
نور: آسم الله مشكله شنو
عامر: نور قصدي بينج وبين امي
نور: لا حبيبي مصارت ليش امك حجت شيء
عامر:لا محجت بس هيج
نور: شنوو هيج احجي
عامر: شبيج شفت امي مو على بعضها سئلتج
نور: اخاف راسها يوجعها شيء
عامر: اي يمكن
نور: ديله عيوني دسبح علما احضر الاكل
عامر: ماشي
عامر: طلعت لكيت نور تعامل امي زين
نور: هاا عمه اسويلج ليمون شيء سودة عليه وجهج اصفر
ام عماد: لا يومه ماريد
نور: لعد حجيبلج حبايه بندول
ام عماد: اي جيبي
نور: هاا حبي طلعت هسة حضر الاكل
عامر: براحتج هاا يمه شلونج شنو صاير مبنيه تعبانه
ام عماد: مبيه شيء يبعد عيني انت شلونك
عامر: يبعد كلبي اني بخير دامج بخير
ام عماد : دوووم بخير اي دوامك شلون عسى متعب
عامر: هوو تعب تعب بس شنو نسوي
ام عماد: سوده عليه
عامر: اسم الله عليج يا الغاليه
نور: هاا حبي هذا الاكل
عامر: عاشت ايدج
نور: عوافي عيوني
عامر: اكول خلي جاي على النار الاكل دسم
نور: صار
عامر: يله يمه سمي بالرحمان
ام عماد: هني يبعد عيني اني مأكله
عامر: شوكت اكلتي
ام عماد: قبل لا تجي
عامر: هااعوافي
ام عماد: على كلبك وليدي